ມະຫາວິທະຍາໄລ ວິທະຍາສາດ ສຸຂະພາບ ປະກາດການຈັດຕັ້ງ


...

15.08.2018 9:10     

   ມະຫາວິທະຍາໄລ ວິທະ ຍາສາດ ສຸຂະພາບ (ມວສ) ໄດ້ ຈັດພິທີປະກາດການຈັດຕັ້ງຕຳ ແໜ່ງທີ່ສຳຄັນ ແລະ ຕຳແໜ່ງ ບໍລິຫານຫ້ອງການ-ພາກວິຊາ ຕ່າງໆຂຶ້ນເມື່ອວັນທີ 14 ສິງຫາ ນີ້, ທີ່ ມ ວ ສ, ເປັນກຽດເຂົ້າ ຮ່ວມມີທ່ານ ຄຳພອນ ພຸດທະວົງ ເລຂາຄະນະພັກກະຊວງ ຮອງ ລັດຖະມົນຕີກະຊວງສາທາ ລະນະສຸກ, ທ່ານ ນາງ ແສງ ຈ້ອຍ ປັນຍາວົງ ຄະນະປະຈຳ ພັກກະຊວງ ຫົວໜ້າກົມຈັດ ຕັ້ງພະນັກງານ, ທ່ານ ພູທອນ ວັງກອນວິໄລ ວ່າການອະທິ ການບໍດີ ມວສ ພ້ອມດ້ວຍແຂກ ຖືກເຊີນເຂົ້າຮ່ວມ. ໃນພິທີ, ທ່ານ ທອງວັນ ເພັດຈະເລີນ ຮອງຫົວໜ້າຈັດ ຕັ້ງພະນັກງານກະຊວງສາທາ ລະນະສຸກ ໄດ້ຂຶ້ນຜ່ານຂໍ້ຕົກ ລົງຂອງທ່ານລັດຖະມົນຕີກະ ຊວງສາທາລະນະສຸກ ວ່າດ້ວຍ ການອະນຸມັດໃຫ້ພະນັກງານ- ລັດຖະກອນ ຮັບອຸດໜູນບຳ ນານ ຊຶ່ງໃນນີ້ມີຈຳນວນ 11 ທ່ານ, ຈາກນັ້ນກໍໄດ້ຜ່ານດຳ ລັດຂອງທ່ານນາຍົກລັດຖະ ມົນຕີແຕ່ງຕັ້ງພະນັກງານຂອງ ມວສ ຮັບຕຳແໜ່ງທີ່ສຳຄັນຈຳນວນ 11 ທ່ານຄື: ແຕ່ງຕັ້ງທ່ານ ອາກາວ ລີວົງສາ ເປັນຮອງອະທິການບໍດີ ມວສ, ທ່ານ ມາຍຟອງ ມາຍຊາຍ ເປັນຮອງອະທິການບໍດີ ມວສ, ທ່ານ ນາງ ຈັນຖະໜອມ ມະນີ ທິບ ເປັນຮອງອະທິການບໍດີ ມວສ, ທ່ານ ຄຳປະສົງ ເສດ ຖາວັນໄຊ ເປັນຫົວໜ້າຫ້ອງ ການວິຊາການ, ທ່ານ ວົງສິນ ໂພທິສານສັກ ເປັນຫົວໜ້າສະ ຖາບັນຄົ້ນຄວ້າ ແລະ ພັດທະ ນາການສຶກສາ ມວສ, ທ່ານ ສົມໃຈ ລາດຊະວົງ ເປັນຄະນະ ບໍດີ ຄະນະເຕັກນິກການແພດ ມວສ, ທ່ານ ນາງ ວັນພະ ນອມ ສີຈະເລີນ ເປັນຄະນະບໍດີ ຄະນະສາທາລະນະສຸກສາດ ມວສ, ທ່ານ ສຸກສະຫວັນ ພັນປະເສີດ ເປັນຄະນະບໍດີ ຄະນະພະຍາບານສາດ ມວສ, ທ່ານ ບຸນຍົງ ສີດາພອນ ເປັນ ຄະນະບໍດີຄະນະທັນຕະແພດ ມວສ, ທ່ານ ເກດສົມສຸກ ບຸບຜາວັນ ເປັນຄະນະບໍດີຄະ ນະແພດສາດ ມວສ, ທ່ານ ນາງ ສຸນັນທາ ສຸວັນ ລາສີ ເປັນຄະນະບໍດີ ຄະນະ ເພສັຊ ສາດ ມວສ. ຈາກນັ້ນ ທ່ານ ໄດ້ຜ່ານຂໍ້ຕົກລົງຂອງລັດຖະ ມົນຕີກະຊວງສາທາລະນະສຸກ ວ່າດ້ວຍການແຕ່ງຕັ້ງພະນັກ ງານຂອງ ມວສ ຮັບຕຳແໜ່ງ ຫົວໜ້າ-ຮອງຫົວໜ້າພາກວິ ຊາຂອງຄະນະແພດສາດ, ຄະ ນະທັນຕະແພດສາດ, ຄະນະ ພະຍາບານສາດ, ຄະນະສາທາ ລະນະສຸກສາດ, ຄະນະເຕັກ ນິກການແພດ ລວມເຖິງຫົວ ໜ້າ-ຮອງຫົວໜ້າຫ້ອງການສະ ຖາບັນຕາມລຳດັບ. (ຂ່າວ: ພູວັນ)