ລັດຖະທຳມະນູນ ມີຄວາມສຳຄັນຕໍ່ການຄຸ້ມຄອງລັດ ຄຸ້ມຄອງສັງຄົມ


...

15.08.2018 9:10     

   ລັດຖະທຳມະນູນ ແຫ່ງ ສປປ ລາວ ແມ່ນກົດໝາຍສູງ ສຸດ ແລະ ເປັນກົດໝາຍພື້ນ ຖານຂອງປະເທດທີ່ວາງຂໍ້ກຳ ນົດກົດເກນກ່ຽວກັບກົນໄກ ຂອງລັດໂດຍທົ່ວໄປ, ມີຜົນບັງ ຄັບໃຊ້ເໜືອກົດໝາຍທົ່ວໄປ, ຫາກກົດໝາຍໃດຂັດກັບລັດ ຖະທຳມະນູນກໍຖືວ່າໂມຄະ, ບໍ່ ມີຜົນບັງຄັບໃຊ້ຕາມກົດໝາຍ. ດັ່ງນັ້ນ, ກົດໝາຍທຸກສະບັບ ຕ້ອງສອດຄ່ອງກັບລັດຖະທຳ ມະນູນ. ເນື່ອງໃນໂອກາດວັນລັດຖະ ທຳມະນູນ ຄົບຮອບ 27 ປີ (15 ສິງຫາ 1991-15 ສິງຫາ 2018), ທ່ານ ນາງ ບົວຄຳ ທິບພະວົງ ປະທານກຳມາທິການຍຸຕິທຳ ສະພາແຫ່ງຊາດ ໄດ້ໃຫ້ສຳ ພາດຕໍ່ສື່ມວນຊົນ ເມື່ອວັນທີ 10 ສິງຫາ ຜ່ານມາ ຊຶ່ງທ່ານ ໄດ້ຍົກໃຫ້ເຫັນປະຫວັດຄວາມ ເປັນມາ, ພາລະບົດບາດ ແລະ ຄວາມໝາຍສຳຄັນຂອງລັດ ຖະທຳມະນູນ. ທ່ານກ່າວອີກວ່າ: ພາຍ ຫຼັງທີ່ປະເທດຊາດ ໄດ້ຮັບການ ປົດປ່ອຍໃນວັນທີ 2 ທັນວາ ປີ 1975 ລັດຖະບານ ບໍ່ມີລັດຖະ ທຳມະນູນ ແລະ ກົດໝາຍ ໂດຍໄດ້ນຳໃຊ້ບັນດາຂໍ້ດຳລັດ, ມະຕິຕົກລົງ ແລະ ຄຳສັ່ງຕ່າງໆ ຂອງລັດ ເປັນບັນທັດຖານ ໃນ ການຄຸ້ມຄອງສັງຄົມ ຊຶ່ງແກ່ ຍາວມາຮອດປີ 1998 ພັກປະ ຊາຊົນ ປະຕິວັດລາວ ຊຶ່ງເປັນ ພັກກຳອຳນາດການປົກຄອງ ຢູ່ ສປປ ລາວ ຈຶ່ງມີນະໂຍບາຍ ປະຕິຮູບການເມືອງ ການປົກ ຄອງຄືນໃໝ່ ໂດຍສຸມໃສ່ການ ສ້າງລັດຖະທຳມະນູນ ແລະ ລະບົບກົດໝາຍຂຶ້ນມາ ເພື່ອ ເຮັດໃຫ້ ສປປ ລາວ ກາຍເປັນ ລັດທີ່ຄຸ້ມຄອງດ້ວຍກົດໝາຍ ເທື່ອລະກ້າວ ດ້ວຍເຫດນັ້ນ, ສະ ພາປະຊາຊົນສູງສຸດ ຊຶ່ງເຮັດ ໜ້າທີ່ເປັນອົງການນິຕິບັນຍັດ ໃນເວລານັ້ນ ຈຶ່ງໄດ້ມີການສ້າງ ກົດໝາຍຊຸດທຳອິດຂອງ ສປປ ລາວ ຂຶ້ນມາ ຊຶ່ງແມ່ນກົດໝາຍ ອາຍາ ແລະ ບັນດາກົດໝາຍ ແພ່ງຈຳນວນໜຶ່ງ, ຫຼັງຈາກນັ້ນ, ອີກ 3 ປີ, ສະພາດັ່ງກ່າວ ຈຶ່ງ ໄດ້ສ້າງລັດຖະທຳມະນູນສະ ບັບທຳອິດຂອງ ສປປ ລາວ ແລະ ຖືກປະກາດນຳໃຊ້ຢ່າງ ເປັນທາງການໃນວັນທີ 15 ສິງ ຫາ 1991. ທ່ານ ນາງ ບົວຄຳ ທິບພະວົງ ໃຫ້ຮູ້ອີກວ່າ: ລັດຖະທຳມະນູນ ແມ່ນໝາກຜົນລວມຍອດແຫ່ງ ສະຕິປັນຍາ, ຄຳຄິດ, ຄຳເຫັນ ຂອງປວງຊົນລາວທັງຊາດ ຢ່າງກວ້າງຂວາງທົ່ວປະເທດ, ສ່ອງແສງ, ຈະແຈ້ງເຖິງເຈດຈຳ ນົງອັນສູງສົ່ງ, ຍາວນານ ແລະ ຄວາມຕັດສິນໃຈອັນເກັ່ງກ້າ ຂອງວົງຄະນາຍາດແຫ່ງຊາດ ບັນລຸເປົ້າໝາຍສັງຄົມນິຍົມ, ສ້າງປະເທດໃຫ້ມີສັນຕິພາບ, ເອກະລາດ ປະຊາທິປະໄຕ, ເອກະພາບ ແລະ ວັດທະນາ ຖາວອນ. ລັດຖະທຳມະນູນ ເປັນກົດໝາຍພື້ນຖານຂອງ ຊາດ, ທັງເປັນການຫັນແນວ ທາງປ່ຽນແປງໃໝ່ຢ່າງຮອບ ດ້ານທີ່ມີຫຼັກການຂອງພັກ ປະຊາຊົນ ປະຕິວັດລາວ ມາ ເປັນກົດໝາຍພື້ນຖານຂອງ ລະບອບປະຊາທິປະໄຕ ປະຊາ ຊົນລາວ ເພື່ອສຶກສາອົບຮົມ ປະຊາຊົນລາວ ບັນດາເຜົ່າໃຫ້ ຍົກສູງນ້ຳໃຈຮັກຊາດຮັກລະ ບອບໃໝ່, ເຊີດຊູບົດບາດຄວາມ ເປັນເຈົ້າການປົກປັກຮັກສາ ແລະ ສ້າງສາພັດທະນາປະ ເທດຊາດ ຕາມຈຸດໝາຍທີ່ພັກ ກຳນົດໄວ້. (ຂ່າວ-ພາບ: ບຸນຕອມ)