ທາບທາມຄຳຄິດຄຳເຫັນຕໍ່ຮ່າງດຳລັດວ່າດ້ວຍ ການຄຸ້ມຄອງດ່ານຊາຍແດນ


...

16.08.2018 9:32     

   ໃນຕອນເຊົ້າຂອງວັນທີ 15 ສິງຫານີ້ ຢູ່ທີ່ຫໍປະຊຸມ ແຫ່ງຊາດ, ໄດ້ຈັດກອງປະຊຸມ ທາບທາມຄຳຄິດຄຳເຫັນກ່ຽວ ກັບຮ່າງດຳລັດ ວ່າດ້ວຍການ ຄຸ້ມຄອງດ່ານຊາຍແດນຢູ່ຂັ້ນ ສູນກາງ ແລະ 4 ແຂວງພາກ ກາງ, ພາຍໃຕ້ການເປັນປະ ທານຂອງທ່ານ ສົມດີ ດວງດີ ຮອງນາຍົກລັດຖະມົນຕີ ລັດ ຖະມົນຕີກະຊວງການເງິນ, ມີທ່ານລັດຖະມົນຕີ ປະຈຳສຳ ນັກງານນາຍົກລັດຖະມົນຕີ, ບັນດາທ່ານຮອງລັດຖະມົນຕີ, ບັນດາທ່ານຮອງເຈົ້າແຂວງ, ຮອງເຈົ້າຄອງນະຄອນຫຼວງ ວຽງຈັນ ພ້ອມດ້ວຍພະນັກງານ ຈາກພາກສ່ວນທີ່ກ່ຽວຂ້ອງ ເຂົ້າຮ່ວມ. ໂອກາດກ່າວເປີດກອງ ປະຊຸມທ່ານ ສົມດີ ດວງດີ ໄດ້ກ່າວວ່າ: ຈຸດປະສົງ ແລະ ເນື້ອໃນຕົ້ນຕໍຂອງຮ່າງດຳລັດ ສະບັບນີ້ ເພື່ອເປັນບ່ອນອີງ ທາງດ້ານນິຕິກຳ ໃນການຄຸ້ມ ຄອງ ແລະ ຈັດຕັ້ງປະຕິບັດວຽກ ງານຄຸ້ມຄອງດ່ານຊາຍແດນ ໃນອະນາຄົດ, ທັງເປັນການປັບ ປຸງແກ້ໄຂບັນຫາຄົງຄ້າງໃນ ການຄຸ້ມຄອງດ່ານຊາຍແດນ ຂອງປະເທດເຮົາ ທີ່ຍັງບໍ່ທັນ ເປັນເອກະພາບໃນໄລຍະ ທີ່ຜ່ານມາ ໂດຍສະເພາະການ ຈັດປະເພດດ່ານ, ກົງຈັກ ການຈັດຕັ້ງ, ໂຄງປະກອບບຸກ ຄະລາກອນ, ການຄຸ້ມຄອງ ການເກັບລາຍຮັບຜ່ານປະຕູ ດຽວ, ມາດຖານເງື່ອນໄຂ ແລະ ເຕັກນິກຂອງດ່ານ, ການອະນຸ ຍາດດຳເນີນທຸລະກິດຢູ່ພາຍ ໃນດ່ານ ແລະ ອົງກອນຄຸ້ມຄອງ ລັດດ່ານຊາຍແດນ ຕໍ່ບັນຫາດັ່ງ ກ່າວນີ້, ເພື່ອເຮັດໃຫ້ວຽກງານ ການຄຸ້ມຄອງດ່ານຊາຍແດນ ມີຄວາມເປັນເອກະພາບ ແລະ ຈັດຕັ້ງປະຕິບັດຢ່າງມີປະສິດ ທິຜົນ ແລະ ມີຜົນສຳເລັດເປັນ ກ້າວໆນັ້ນ, ກອງປະຊຸມຄັ້ງນີ້ ຈະໄດ້ພ້ອມກັນປຶກສາຫາລື ກັນ ແລະ ລົງເລິກຄົ້ນຄວ້າໃຫ້ ລະອຽດຢ່າງກົງໄປກົງມາ ເພື່ອ ຄວາມເປັນເອກະພາບກັນກ່ອນ ນຳສະເໜີກອງປະຊຸມລັດຖະ ບານພິຈາລະນາຮັບຮອງ. ພ້ອມດຽວກັນນີ້, ໃນໂອກາດ ກ່າວເປີດກອງປະຊຸມ ທ່ານ ຮອງນາຍົກລັດຖະມົນຕີ, ລັດ ຖະມົນຕີກະຊວງການເງິນ ຍັງ ໄດ້ເນັ້ນໜັກໃຫ້ຜູ້ເຂົ້າຮ່ວມ ກອງປະຊຸມເອົາໃຈໃສ່ປະກອບ ຄຳຄິດຄຳເຫັນໃນບາງຈຸດທີ່ ເຫັນວ່າຍັງບໍ່ທັນຊັດເຈນ, ຈະ ແຈ້ງ ສຳຄັນເມື່ອດຳລັດດັ່ງ ກ່າວໄດ້ຖືກຮັບຮອງ ແລະ ປະ ກາດໃຊ້ແລ້ວ ໃຫ້ຈັດຕັ້ງປະຕິ ບັດໄດ້ຢ່າງເປັນເອກະພາບ ແລະ ແທດເໝາະກັບຕົວຈິງ, ຮັບປະກັນໄດ້ຄວາມສະຫງົບ ປອດໄພ ສາມາດເຊື່ອມໂຍງ ເສດຖະກິດກັບພາກພື້ນ ແລະ ສາກົນ. (ຂ່າວ: ອານິຄົມ +ພາບ: ແສງຈັນ)