ຊາວເມືອງຈຳພອນ ທີ່ໄດ້ຮັບຜົນກະທົບ ຈາກໄພນ້ຳຖ້ວມໄດ້ຮັບເຄື່ອງຊ່ວຍເຫືຼອ


...

16.08.2018 9:36     

   ທ່ານ ສັນຕິພາບ ພົມວິ ຫານ ເຈົ້າແຂວງສະຫວັນນະ ເຂດ ແລະ ທ່ານ ນາງ ອິນລາ ວັນ ແກ້ວບຸນພັນ ປະທານສູນ ກາງສະຫະພັນແມ່ຍິງລາວ ພ້ອມຄະນະໄດ້ລົງມອບເຄື່ອງ ຊ່ວຍເຫຼືອພໍ່ແມ່ປະຊາຊົນຜູ້ທີ່ ປະສົບໄພນ້ຳຖ້ວມທີ່ບ້ານທວດ ເມືອງຈຳພອນ ເມື່ອວັນທີ 10 ສິງຫາຜ່ານມາ. ທ່ານ ສຸດທິ ຜິວສຸລິຍະ ມາດ ເຈົ້າເມືອງໆຈຳພອນ ໄດ້ ລາຍງານສະພາບຜົນເສຍຫາຍ ອັນເນື່ອງມາຈາກໄພນ້ຳຖ້ວມ ຢູ່ເມືອງຈຳພອນໃຫ້ຊາບ ຊຶ່ງ ພາຍໃນເມືອງດັ່ງກ່າວມີ 11 ບ້ານ ທີ່ໄດ້ຮັບຜົນກະທົບຈາກໄພນ້ຳຖ້ວມຊຶ່ງປະກອບມີ: ບ້ານເພຍກ່າ, ລຳບອງ, ວັງ ເມົາ, ລຳເທນ, ແກ້ງປູນ, ສະ ຄຶນໃຕ້, ສະຄຶນເໜືອ, ທ່າມ່ວງ, ດົງເມືອງ ແລະ ບ້ານນານົກ ຂຽນມີ 2.017 ຄອບຄົວໄດ້ ຮັບຜົນກະທົບ, 1.808 ຫຼັງຄາ ເຮືອນ, 11.958 ຄົນ ແລະ 8 ບ້ານ ເສັ້ນທາງສັນຈອນຖືກຕັດ ຂາດບາງຈຸດຂົວເປ່ເພ, ສະ ເພາະຢູ່ກຸ່ມບ້ານທວດ ມີເນື້ອທີ່ ປັກດຳຖືກນ້ຳຖ້ວມ 714,76 ເຮັກຕາ ກວມ 6 ບ້ານຄື: ບ້ານ ທວດ, ໜອງກະໂດກ, ລຳເທນ, ລຳບອງ, ວັງເມົາ ແລະ ບ້ານ ເພຍກ່າ ລວມມີ 634 ຄອບ ຄົວ, 605 ຫຼັງຄາເຮືອນ ແລະ ມີ 3.628 ຄົນ, ຖືກຜົນກະທົບ, ເນື້ອທີ່ປັກດຳແລ້ວເສຍຫາຍ 563,02 ເຮັກຕາ. ນອກຈາກນີ້ ກໍຍັງມີສັດລ້ຽງ ແລະ ໜອງປາ ເສຍຫາຍເປັນຈຳນວນຫຼາຍ. ໂອກາດນີ້, ທ່ານເຈົ້າ ແຂວງກໍໄດ້ສະແດງຄວາມ ເປັນຫ່ວງເປັນໄຍພໍ່ແມ່ປະຊາ ຊົນຜູ້ທີ່ໄດ້ຮັບຜົນກະທົບຈາກ ໄພນ້ຳຖ້ວມໃນຄັ້ງນີ້ ໂດຍໄດ້ ເນັ້ນໜັກໃຫ້ພໍ່ແມ່ປະຊາຊົນ ເອົາໃຈໃສ່ຮັກສາສຸຂະພາບບໍ່ ໃຫ້ຖືເບົາຕ້ອງຮັກສາອະນາໄມ 3 ສະອາດ ເພາະເລື່ອງສຸຂະ ພາບເປັນສິ່ງທີ່ສຳຄັນຫຼາຍ, ພາຍຫຼັງທີ່ນ້ຳຫຼຸຸດລົງແລ້ວທາງ ແຂວງກໍຈະໄດ້ປະສານງານກັບ ຂັ້ນເມືອງ ເພື່ອຟື້ນຟູຊີວິດການ ເປັນຢູ່ຂອງພໍ່ແມ່ປະຊາຊົນ ພ້ອມກັນນີ້ຊາວບ້ານກໍຕ້ອງໄດ້ ຊ່ວຍກັນເປັນຕົ້ນແມ່ນການ ສ້ອມແປງຊົນລະປະທານ, ເຮັດການຜະລິດ ແລະ ປູກພືດ ສຳຮອງ ເພື່ອເປັນການທົດ ແທນຜົນຜະລິດທີ່ເສຍໄປ ໂອກາດດຽວກັນນີ້ ທ່ານເຈົ້າ ແຂວງ ແລະ ປະທານສູນກາງ ສະຫະພັນແມ່ຍິງລາວ ກໍໄດ້ ມອບເຄື່ອງອຸປະໂພກ, ບໍລິໂພກ, ເຂົ້າສານອາຫານແຫ້ງ, ໝີ່ສຳ ເລັດຮູບ, ເຄື່ອງນຸ່ງຫົ່ມ ແລະ ນ້ຳດື່ມເພື່ອເປັນຂວັນກຳລັງ ໃຈໃຫ້ພໍ່ແມ່ປະຊາຊົນທີ່ຖືກ ຜົນກະທົບຈາກໄພນ້ຳຖ້ວມ. (ຂ່າວ-ພາບ: ຕຸກຕຸກ)