ກອງທັບ ວາງແຜນນຳໃຊ້ເຮືອສະເທືອນນ້ຳສະເທືອນບົກ ຄົ້ນຫາຜູ້ສູນຫາຍ


...

22.08.2018 9:42     

   ທ່ານ ພົນຈັດຕະວາ ຜາລົມ ລິນທອງ ຮອງຫົວໜ້າກົມໃຫຍ່ ການເມືອງກອງທັບ ກະຊວງ ປ້ອງກັນປະເທດ ຜູ້ບັນຊາການ ປະຈຳພາກສະໜາມ ໃນການ ເກັບກູ້ສົບຜູ້ເສຍຊີວິດຢູ່ເມືອງ ສະໜາມໄຊ ແຂວງອັດຕະປື ໄດ້ໃຫ້ສຳພາດຕໍ່ສື່ມວນຊົນ ເມື່ອວັນທີ 20 ສິງຫາ ຜ່ານ ມາວ່າ: ໂດຍອີງໃສ່ດິນຟ້າອາ ກາດປ່ຽນແປງກະທັນຫັນອັນ ໄດ້ເຮັດໃຫ້ມີຝົນຕົກຫຼາຍວັນ ຕິດຕໍ່ກັນຄືເລີ່ມແຕ່ວັນທີ 13 ຫາ 14 ສິງຫາ ເຮັດໃຫ້ມີນ້ຳ ຖ້ວມຄືນບໍລິເວນສະຖານທີ່ ຊອກຄົ້ນດັ່ງກ່າວ. ດັ່ງນັ້ນ, ສູນ ບັນຊາການຊອກຄົ້ນ ຈຶ່ງໄດ້ ຍ້າຍຈາກບ້ານໃໝ່ ຊຶ່ງມີກຳລັງ ພົນ ພ້ອມດ້ວຍວັດຖຸສິ່ງຂອງ ອອກມາຢູ່ກອງບັນຊາການເມືອງ ສະໜາມໄຊ ແຕ່ພາລະກິດ ຊອກຄົ້ນກໍບໍ່ໄດ້ລົດລະ, ໄດ້ມີ ການວາງແຜນການ ແລະ ສືບ ຕໍ່ຊອກຄົ້ນເກັບກູ້ໃຫ້ໄດ້ຢ່າງ ຕໍ່ເນື່ອງ ຊຶ່ງໄດ້ຈັດແບ່ງກຳລັງ ບັນຊາພາກສ່ວນເຄື່ອນຍ້າຍ ກຳລັງພົນທັງວັດຖຸ - ຊັບສິນ ແລະ ຈັດຕັ້ງກຳລັງອອກເຄື່ອນ ໄຫວຊອກຫາເສັ້ນທາງ ເພື່ອ ຈະເອົາພາຫະນະໄປເຂົ້າຊອກ ຄົ້ນຕົວຈິງຄື: ເສັ້ນທາງທີ 1 ຈາກ ບ້ານຕະອູນໄປຫາບ້ານທ່າ ບົກ ອອກໄປຫາບ້ານທ່າແສງຈັນ ແຕ່ວ່າເສັ້ນທາງດັ່ງກ່າວມີຫ້ວຍ ເລິກຈຳນວນ 8 ສາຍ ແລະ ຫ້ວຍໃຫຍ່ 1 ສາຍ ລວມເປັນ 9 ສາຍ ຊຶ່ງບໍ່ສາມາດກ່າຍຂົວ ເພື່ອເອົາກຳລັງ ແລະ ພາຫະ ນະຜ່ານໄດ້. ທ່ານຍັງໃຫ້ຮູ້ຕື່ມອີກວ່າ: ມາຮອດວັນທີ 19 ສິງຫາ ກອງ ບັນຊາການຊອກຄົ້ນ ຈຶ່ງໄດ້ນຳ ເອົາກຳລັງໄປສືບຕໍ່ນຳເອົາກຳ ລັງເຂົ້າໄປຊອກຄົ້ນ, ຂຶ້ນໄປ ທາງເມືອງປາກຊ່ອງອອກໃສ່ ບ້ານຕະມໍຢອດ ເສັ້ນທາງນີ້ຖືກ ຕັດຂາດ, ຫ້ວຍເລິກນ້ຳໄຫຼແຮງ ບໍ່ສາມາດເອົາວັດຖຸສິ່ງຂອງ ເຂົ້າໄປໄດ້. ສະນັ້ນ, ຈຶ່ງໄດ້ ສົມທົບກັບຄະນະຊອກຄົ້ນທະ ຫານເຂດ 5 ຂອງກອງທັບປະ ຊາຊົນຫວຽດນາມ ສືບຕໍ່ນຳໃຊ້ ເສັ້ນທາງຕັ້ງແຕ່ເມືອງສະໜາມ ໄຊເຂົ້າຫາບ້ານໃໝ່ ໂດຍຂ້າມ ແມ່ນ້ຳລຸຍຕົມ ແລະ ເຂົ້າໄປ ເຖິງບ້ານຫີນລາດ, ແຕ່ວ່າລະ ດັບນ້ຳຍັງສູງ ບໍ່ສາມາດນຳໃຊ້ ພາຫະນະ, ເຕັກນິກເຂົ້າຊອກ ຄົ້ນໄດ້, ເຖິງສະພາບການຈະ ຫຍຸ້ງຍາກປານໃດ ມາຮອດປັດ ຈຸບັນນີ້ ກໍຍັງບໍ່ໄດ້ລົດລະໃນ ການຊອກຄົ້ນຕາມແຜນການ ແມ່ນລໍຖ້າເວລາໃດນ້ຳບົກແຫ້ງ ລົງ. ກອງບັນຊາການຂອງພວກ ເຮົາກໍຈະໄດ້ສືບຕໍ່ປະຕິບັດ ແຜນການຊອກຄົ້ນເປັນປົກກະ ຕິ ໂດຍຈະນຳໃຊ້ເຮືອສະເທືອນ ນ້ຳສະເທືອນບົກຂອງກອງທັບ ປະຊາຊົນຫວຽດນາມເຂົ້າມາ ຊ່ວຍໃນການຊອກຄົ້ນ ແຕ່ວ່າ ດິນຟ້າອາກາດບໍ່ເອື້ອອຳນວຍ ຈຶ່ງບໍ່ສາມາດນຳໃຊ້ເຄື່ອງມືດັ່ງ ກ່າວເຂົ້າໄປຊອກຄົ້ນໄດ້. ສ່ວນ ຂອບເຂດການຊອກຄົ້ນແມ່ນ ຈະເນັ້ນໃສ່ບັນດາບ້ານ, ທົ່ງນາ ແລະ ແຄມປ່າ. ຖ້າມີແຜນການ ອັນໃໝ່ໃນຕໍ່ໜ້າແມ່ນຈະລາຍ ງານໃຫ້ຊາບຕື່ມຕາມພາຍ ຫຼັງ. (ຂ່າວ: ຕຸໄລເພັດ ພິມເມືອງ + ສິດທິພອນ ຣາຊະພົນ ລາຍ ງານຈາກເມືອງສະໜາມໄຊ)