ນາຍົກ ຕ້ອນຮັບຊ່ຽວຊານຕ່າງປະເທດ ມາເຮັດວຽກຮ່ວມ ກັບຄະນະຮັບຜິດຊອບສືບສວນ-ສອບສວນ ສາເຫດຄູກັ້ນນ້ຳ ຂອງເຂື່ອນໄຟຟ້າເຊປຽນ-ເຊນ້ຳນ້ອຍແຕກ


...

23.08.2018 9:26     

   ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ໃຫ້ ກຽດຕ້ອນຮັບການເຂົ້າຢ້ຽມຂ່ຳ ນັບຂອງທ່ານ ຊລິສ ອານຕັນ ເຈ (Prof.Dr.Schliess Anton J) ຜູ້ຊ່ຽວຊານອາວຸໂສ ທັງເປັນປະທານກິດຕິມະສັກ ອົງການເຂື່ອນໃຫຍ່ສາກົນ ICOLD ພ້ອມຄະນະວິສະວະ ກອນ ຈາກບໍລິສັດ TEPCO, ຊຶ່ງເປັນຊ່ຽວຊານຕ່າງປະເທດ ໃນວັນທີ 21 ສິງຫາ 2018 ທີ່ ສຳນັກງານນາຍົກລັດຖະມົນຕີ ໃນໂອກາດເດີນທາງມາຮ່ວມ ເຮັດວຽກກັບຄະນະສືບສວນ- ສອບສວນ ຫາສາເຫດຄູກັ້ນນ້ຳ ຂອງເຂື່ອນໄຟຟ້າເຊປຽນ-ເຊ ນ້ຳນ້ອຍແຕກ ຕາມຂໍ້ຕົກລົງ ເລກທີ 54/ນຍ. ກ່ອນອື່ນ, ທ່ານ ທອງລຸນ ສີສຸລິດ ໄດ້ສະແດງຄວາມຍິນດີຕ້ອນ ຮັບ ແລະ ຕີລາຄາສູງຕໍ່ການ ເຂົ້າຮ່ວມເປັນຄະນະສືບສວນ ຕ່າງປະເທດ ໃນເຫດການຄູກັ້ນ ນ້ຳຂອງເຂື່ອນແຕກໃນຄັ້ງນີ້. ຄະນະ ດັ່ງກ່າວ ໄດ້ລົງໄປສຳ ຫຼວດເບິ່ງສະຖານທີ່ເກີດເຫດ ໃນວັນທີ 19-20 ສິງຫາ ຜ່ານ ມາ, ພ້ອມທັງເກັບກຳຂໍ້ມູນຈຳ ນວນໜຶ່ງ ເພື່ອເປັນພື້ນຖານໃຫ້ ແກ່ການວິເຄາະວິໄຈ ເພື່ອຊອກ ຫາສາເຫດຂອງການແຕກຂອງ ຄູກັ້ນນ້ຳຂອງເຂື່ອນດັ່ງກ່າວ. ໃນໂອກາດການເຂົ້າ ຢ້ຽມຂ່ຳນັບ, ທ່ານ Prof.Dr. Schliess Anton J ໄດ້ສະ ແດງຄວາມຂອບໃຈຕໍ່ທ່ານ ນາຍົກລັດຖະມົນຕີ ທີ່ໄດ້ເສຍ ສະຫຼະເວລາອັນມີຄ່າໃຫ້ການ ຕ້ອນຮັບຢ່າງອົບອຸ່ນ, ພ້ອມທັງ ໄດ້ສະແດງຄວາມເສຍໃຈຕໍ່ ຜົນເສຍຫາຍທາງດ້ານຊີວິດ ແລະ ຊັບສິນ ທີ່ເກີດຂຶ້ນຕໍ່ປະ ຊາຊົນເມືອງສະໜາມໄຊ. ທ່ານ Prof.Dr.Schliess Anton J ໄດ້ກ່າວວ່າ: ອຸບັດ ເຫດ ແມ່ນສາມາດເກີດຂຶ້ນໄດ້ ກັບທຸກປະເທດ ບໍ່ວ່າຈະເປັນ ປະເທດທີ່ຈະເລີນ ແລະ ມີເຕັກ ນິກວິຊາການສູງແລ້ວກໍຕາມ ແຕ່ເມື່ອເກີດແລ້ວ ກໍຕ້ອງໄດ້ ຊອກຫາສາເຫດ ແລະ ຖືເປັນ ບົດຮຽນ ພ້ອມທັງ ນຳໃຊ້ບົດ ຮຽນດັ່ງກ່າວ ເພື່ອສະກັດກັ້ນບໍ່ ໃຫ້ເຫດການລັກສະນະນີ້ເກີດ ຂຶ້ນອີກ ແລະ ຖືເອົາໂອກາດນີ້ ກວດກາຄືນ ແລະ ປັບປຸງ ມາດຕະຖານ ແລະ ຄຸນນະພາບ ຂອງເຂື່ອນໃນຂອບເຂດທົ່ວ ປະເທດໃຫ້ດີຂຶ້ນກວ່າເກົ່າ. ໃນໂອກາດນີ້, ທ່ານ ທອງລຸນ ສີສຸລິດ ໄດ້ສະແດງ ຄວມຂອບໃຈຕໍ່ ທ່ານ Prof.Dr.Schliess Anton J ທີ່ໄດ້ ລາຍງານກ່ຽວກັບສະພາບການ ລົງໄປເບິ່ງສະຖານທີ່ເກີດເຫດ, ເກັບກຳຂໍ້ມູນ ແລະ ແຜນສືບ ສວນ-ສອບສວນເບື້ອງຕົ້ນ ພ້ອມທັງຊຸກຍູ້ໃຫ້ຄະນະຊ່ຽວ ຊານປະສານສົມທົບກັບຄະ ນະສືບສວນ-ສອບສວນພາຍ ໃນ ເພື່ອເລັ່ງສືບສວນ-ສອບ ສວນໃຫ້ຮູ້ຜົນໄວ, ມີຄວາມ ໂປ່ງໃສ ແລະ ເປັນທີ່ຍອມຮັບ ຂອງທຸກຝ່າຍ. ນອກຈາກນີ້, ທ່ານນາຍົກລັດຖະມົນຕີກໍຍັງ ໄດ້ແລກປ່ຽນກັບຄະນະຊ່ຽວ ຊານຕ່າງປະເທດດັ່ງກ່າວກ່ຽວ ກັບການກວດກາມາດຕະຖານ ແລະ ຄຸ້ມຄອງຄຸນນະພາບທາງ ດ້ານເຕັກນິກ ແລະ ປອດໄພ ຂອງເຂື່ອນ ແນໃສ່ຍົກມາດ ຕະຖານແລະຄຸນນະພາບຂອງ ເຂື່ອນຢູ່ໃນປະເທດໃຫ້ສູງຂຶ້ນ ເລື້ອຍໆ. (ຂ່າວ: ກົມປະຊາສຳພັນ)