ຜົນຂອງກອງປະຊຸມລັດຖະບານສະໄໝສາມັນ ປະຈຳເດືອນສິງຫາ 2018


...

27.08.2018 10:25     

   ກອງປະຊຸມລັດຖະບານ ສະໄໝສາມັນປະຈຳເດືອນ ສິງຫາ 2018 ຈັດຂຶ້ນແຕ່ວັນທີ 22-23 ສິງຫາ ພາຍໃຕ້ການເປັນປະທານຂອງທ່ານ ທອງລຸນ ສີສຸລິດ ນາຍົກລັດຖະມົນຕີ, ມີສະມາຊິກ ລັດຖະບານ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ. ທ່ານ ຈະເລີນ ເຢຍປາວເຮີ ລັດຖະມົນຕີປະຈຳສຳນັກງານນາຍົກລັດຖະມົນຕີໂຄສົກ ລັດ ຖະບານໄດ້ຖະແຫຼງຂ່າວຕໍ່ສື່ມວນຊົນ ເມື່ອວັນທີ 24 ສິງຫາຜ່ານມານີ້ວ່າ: ກອງປະຊຸມລັດຖະບານ ສະໄໝສາມັນ ປະຈຳເດືອນ ສິງຫາ 2018, ໄດ້ປຶກສາຫາລືຫຼາຍບັນຫາສຳຄັນຄືດັ່ງນີ້:

I. ກອງປະຊຸມໄດ້ສັງເກດຕີລາຄາກ່ຽວກັບສະພາບການ ຕ້ານໄພນ້ຳຖ້ວມໃນທົ່ວປະ ເທດ, ເປັນຕົ້ນແມ່ນການແກ້ ໄຂໄພພິບັດ ຢູ່ເມືອງສະໜາມ ໄຊ, ແຂວງອັດຕະປື ກອງປະຊຸມໄດ້ສັງເກດຕີ ລາຄາວ່າ ແຕ່ກາງເດືອນກໍລະ ກົດເຖິງກາງເດືອນສິງຫາ 2018 ພາຍຸເຊິນຕິນ ແລະ ເບີ ປິນກາ ໄດ້ພັດຜ່ານເຂົ້າ ສປປ ລາວ ໄດ້ເຮັດໃຫ້ຫຼາຍແຂວງ ເກີດໄພນ້ຳຖ້ວມ ແລະ ດິນ ເຈື່ອນ ສົ່ງຜົນກະທົບໂດຍກົງຕໍ່ ປະຊາຊົນຢູ່ໃນ 14 ແຂວງ ແລະ ນະຄອນຫຼວງວຽງຈັນ, 80 ເມືອງ, 1.438 ບ້ານ, ໄດ້ສ້າງ ຄວາມເສຍຫາຍຕໍ່ພື້ນຖານ ໂຄງລ່າງເສດຖະກິດ-ສັງຄົມ ເປັນຕົ້ນເສັ້ນທາງ, ຂົວ, ພື້ນທີ່ ການຜະລິດກະສິກຳ, ແຫຼ່ງນ້ຳ ກິນ, ນ້ຳໃຊ້, ໂຮງຮຽນ, ໂຮງໝໍ, ໄຟຟ້າ... ສຳລັບມູນຄ່າຄວາມ ເສຍຫາຍທັງໝົດ ແມ່ນຍັງຢູ່ ໃນໄລຍະເກັບກຳຂໍ້ມູນ ຈຶ່ງຍັງ ບໍ່ທັນສາມາດປະເມີນຜົນໄດ້ ເທື່ອ. ຮ້າຍແຮງກວ່າໝູ່ ແມ່ນ ກໍລະນີໄພພິບັດຄູກັ້ນນ້ຳຂອງ ສັນເຂື່ອນໄຟຟ້າເຊປຽນ-ເຊ ນ້ຳນ້ອຍແຕກ ຢູ່ເມືອງສະໜາມ ໄຊ ແຂວງອັດຕະປື ຊຶ່ງໄດ້ສ້າງ ຄວາມເສຍຫາຍຢ່າງໃຫຍ່ຫຼວງ ໜັກໜ່ວງຕໍ່ປະຊາຊົນໃນເຂດ ດັ່ງກ່າວ. ຕໍ່ບັນຫາດັ່ງກ່າວ, ກອງ ປະຊຸມໄດ້ຊີ້ນຳໃຫ້ທຸກກະຊວງ, ອົງການ ແລະ ອຳນາດການ ປົກຄອງທ້ອງຖິ່ນທຸກຂັ້ນ ຕ້ອງ ເພີ່ມທະວີຄວາມຮັບຜິດຊອບ ແລະ ເປັນເຈົ້າການແກ້ໄຂດັ່ງ ນີ້:

1. ສຳລັບການແກ້ໄຂບັນ ຫາໄພພິບັດທີ່ເມືອງສະໜາມ ໄຊ ແຂວງອັດຕະປື ແມ່ນໃຫ້ ຄະນະສະເພາະກິດ ເພື່ອແກ້ ໄຂໄພພິບັດລະດັບຊາດ ເອົາ ໃຈໃສ່ໃນການປັບປຸງວຽກງານ ບໍລິຫານ, ຈັດການ, ໃຫ້ແຕ່ງ ຕັ້ງພະນັກງານຈາກຂະແໜງ ການທີ່ກ່ຽວຂ້ອງ ລົງໄປປະຈຳ ຢູ່ພາກສະໜາມໃນແຕ່ລະມື້ ເພື່ອແກ້ໄຂບັນຫາຕ່າງໆໃຫ້ ທັນການ ໂດຍແບ່ງຄວາມຮັບ ຜິດຊອບຢ່າງຈະແຈ້ງ, ສ່ວນ ບັນຫາໃດທີ່ແກ້ໄຂບໍ່ໄດ້ແມ່ນ ໃຫ້ຄົ້ນຄວ້າປຶກສາຫາລື ແລະ ຕົກລົງກັນຈັດຕັ້ງປະຕິບັດຢ່າງ ເປັນເອກະພາບ. ສິ່ງສຳຄັນ ຕ້ອງມີລະບົບການລາຍງານ ຂັ້ນເທິງກໍຄື: ລັດຖະບານຢ່າງ ເປັນປົກກະຕິ. ສຳລັບການນຳ ໃຊ້ເງິນ ແລະ ເຄື່ອງຊ່ວຍເຫຼືອ ຕ່າງໆນັ້ນ, ຕ້ອງຮັບປະກັນໃຫ້ ຖືກຕ້ອງ ແລະ ໄປເຖິງເປົ້າ ໝາຍ, ມີຄວາມໂປ່ງໃສ, ສາ ມາດກວດສອບໄດ້. ພ້ອມດຽວ ກັນນັ້ນ, ໃຫ້ສຸມທຸກກຳລັງເຂົ້າ ໃສ່ການສ້າງທີ່ຢູ່ອາໄສຂອງ ປະຊາຊົນທີ່ໄດ້ຮັບຜົນກະທົບ ໃຫ້ສຳເລັດໂດຍໄວ ເພາະໄລ ຍະນີ້ແມ່ນລະດູຝົນ, ຕໍ່ບັນຫາ ອຸທົກກະໄພຄູກັ້ນນ້ຳເຊປຽນ-ເຊນ້ຳນ້ອຍແຕກ ໃນຄັ້ງນີ້ ດ້ວຍ ຄວາມເປັນຫວ່ງເປັນໄຍຂອງ ລັດຖະບານຈຶ່ງໄດ້ແຕ່ງຕັ້ງຄະ ນະສືບສວນ-ສອບສວນຂຶ້ນ ໂດຍໄດ້ສົມທົບກັບຄະນະ ຊ່ຽວຊານຈາກສາກົນ ເພື່ອສຶກ ສາ, ຄົ້ນຄວ້າ ແລະ ເກັບກຳຂໍ້ມູນ ຕ່າງໆຫາສາເຫດຂອງການ ແຕກຫັກຢ່າງພາວະວິໄສຖືກ ຕ້ອງກັບຄວາມເປັນຈິງ.

2. ສຳລັບການແກ້ໄຂໄພ ນ້ຳຖ້ວມທີ່ເກີດຂຶ້ນໃນທົ່ວປະ ເທດ. ກ່ອນອື່ນໝົດ ຮັບປະກັນ ຄວາມປອດໄພທາງດ້ານຊີວິດ ແລະ ຊັບສິນຂອງປະຊາຊົນຖື ເອົາເປັນວຽກບຸລິມະສິດ ໃນ ການເຄື່ອນຍ້າຍ ແລະ ອົບພະ ຍົບປະຊາຊົນບ່ອນຖືກນ້ຳຖ້ວມ ມາຢູ່ບ່ອນທີ່ປອດໄພ ເພື່ອຫຼີກ ລ່ຽງການເສຍຊີວິດ ແລະ ເສຍ ຫາຍຊັບສິນ. ພາຍຫຼັງນ້ຳລົງ ແລ້ວ ຕ້ອງມີການວາງແຜນລະ ອຽດ, ຊັດເຈນ, ຟື້ນຟູການຜະ ລິດ ແລະ ຊີວິດການເປັນຢູ່ຂອງ ປະຊາຊົນໃຫ້ກັບມາເປັນປົກ ກະຕິໂດຍໄວ; ເອົາໃຈໃສ່ໃນ ການແຈກຢາຍເຄື່ອງຊ່ວຍເຫຼືອ ບັນເທົາທຸກໃຫ້ໄປເຖິງປະຊາ ຊົນຢ່າງແທ້ຈິງ ແລະ ທັນການ. ພ້ອມດຽວກັນນັ້ນ, ຕ້ອງເດັດ ດ່ຽວບໍ່ໃຫ້ສວຍໂອກາດນຳເອົາ ເຄື່ອງທີ່ຫຼົບຫຼີກພາສີມາປົນເປ ກັບເຄື່ອງຊ່ວຍເຫຼືອ. ໃນໂອກາດນີ້, ລັດຖະ ບານ ແຫ່ງ ສປປ ລາວ ຂໍສະ ແດງຄວາມຮູ້ບຸນຄຸນເປັນຢ່າງ ຍິ່ງ ແລະ ຂອບໃຈຢ່າງຈິງໃຈ ໄປຍັງບັນດາປະເທດເພື່ອນ ມິດ, ອົງການຈັດຕັ້ງສາກົນ, ອົງ ການຈັດຕັ້ງທາງສັງຄົມ, ມູນນິ ທິຕ່າງໆ ແລະ ປະຊາຊົນບັນ ດາປະເທດເພື່ອນມິດທີ່ໄດ້ສະ ໜັບສະໜູນຊ່ວຍເຫຼືອທາງ ດ້ານຈິດໃຈ, ການເງິນ, ວັດຖຸ ສິ່ງຂອງ ແລະ ກຳລັງຄົນໃຫ້ ແກ່ປະຊາຊົນທີ່ຖືກໄພພິບັດຢູ່ ເມືອງສະໜາມໄຊ ແຂວງອັດ ຕະປື. ພິເສດ ລັດຖະບານຂໍສະ ແດງຄວາມຍ້ອງຍໍຊົມເຊີຍຕໍ່ ກຳລັງປະກອບອາວຸດ ທັງສູນ ກາງ ແລະ ທ້ອງຖິ່ນທີ່ໄດ້ເປັນ ເຈົ້າການເຂົ້າຮ່ວມແກ້ໄຂໄພພິ ບັດຢູ່ເມືອງສະໜາມໄຊ, ຊົມ ເຊີຍບັນດາອົງການຈັດຕັ້ງທັງ ພາກລັດ ແລະ ເອກະຊົນລວມ ທັງປະຊາຊົນລາວບັນດາເຜົ່າ ທົ່ວປະເທດທີ່ໄດ້ມີຄວາມເປັນ ຫ່ວງເປັນໄຍ, ປຸ້ມລຸມຄວາມສາ ມັກຄີ ແລະ ສຸມທຸກກຳລັງ, ບໍ່ ວ່າຈະເປັນເຫື່ອແຮງ ແລະ ເຄື່ອງ ຊ່ວຍເຫຼືອຕ່າງໆ ເພື່ອຊ່ວຍເຫຼືອ ປະຊາຊົນຜູ້ທີ່ຖືກຜົນກະທົບ ຢູ່ເມືອງສະໜາມໄຊ ແຂວງອັດ ຕະປືກໍຄືທົ່ວປະເທດ. ຊົມເຊີຍ ຕໍ່ມວນຊົນ ທັງພາກລັດ ແລະ ເອກະຊົນພາຍໃນ ແລະ ຕ່າງ ປະເທດທີ່ໄດ້ອອກຂ່າວຢ່າງ ທັນເວລາ ຖືກກັບເຫດການ ຄວາມເປັນຈິງ ໃນການແກ້ໄຂ ໄພພິບັດຢູ່ເມືອງສະໜາມໄຊ ແຂວງອັດຕະປື.

II. ກອງປະຊຸມໄດ້ສັງເກດ ຕີລາຄາການຈັດຕັ້ງປະຕິບັດ ວຽກງານຈຸດສຸມໃນເດືອນສິງ ຫາ 2018 ດັ່ງນີ້:

1. ລັດຖະບານໄດ້ຕິດຕາມ ຢ່າງຈົດຈໍ່, ຊີ້ນຳຢ່າງໃກ້ຊິດ ແລະ ລະດົມທຸກກຳລັງແຮງທົ່ວສັງ ຄົມໃນການແກ້ໄຂບັນຫາໄພ ພິບັດຢູ່ແຂວງອັດຕະປື ໂດຍ ສະເພາະເມືອງສະໜາມໄຊ ແລະ ຕ້ານໄພນ້ຳຖ້ວມໃນຂອບ ເຂດທົ່ວປະເທດ, ພ້ອມກັນນີ້ກໍ ໄດ້ສືບຕໍ່ເອົາໃຈໃສ່ວຽກງານ ພັດທະນາເສດຖະກິດ-ສັງຄົມ, ຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍ ໃນສັງຄົມ, ເຮັດໃຫ້ສະພາບ ໂດຍລວມເປັນປົກກະຕິຢ່າງ ຕໍ່ເນື່ອງ.

2. ພາຍໃຕ້ການເປັນປະ ທານຂອງທ່ານນາຍົກລັດຖະ ມົນຕີ ລັດຖະບານໄດ້ຈັດຕັ້ງ ສຳມະນາລະດົມຄວາມເຫັນ ກ່ຽວກັບການສ້າງແຜນງົບປະ ມານແຫ່ງລັດ ປີ 2019 ໃຫ້ ແທດກັບຕົວຈິງ, ໄດ້ຕີລາຄາ ຢ່າງເລິກເຊິ່ງສະພາວະຄວາມ ເປັນຈິງ ໃນການສ້າງແຜນງົບ ປະມານແຫ່ງລັດ ໄລຍະທີ່ຜ່ານ ມາ. ຈາກນັ້ນໄດ້ເປັນເອກະພາບ ສູງ ການສ້າງແຜນງົບປະມານ ປີ 2019 ນີ້ ຕ້ອງຄາດຄະເນ ລາຍຮັບງົບປະມານຈາກຖານ ລາຍຮັບທີ່ມີຕົວຕົນ, ຈຳກັດລາຍ ຈ່າຍທີ່ບໍ່ຈຳເປັນ ແລະ ບໍ່ອະນຸ ຍາດໃຫ້ສ້າງໂຄງການທີ່ບໍ່ມີ ງົບປະມານຮອງຮັບ.

3. ໄດ້ດຳເນີນກອງປະ ຊຸມນາຍົກ-ຮອງນາຍົກລັດຖະ ມົນຕີ ເພື່ອພິຈາລະນາຫຼາຍບັນ ຫາທີ່ສຳຄັນ, ເປັນຕົ້ນແມ່ນ ການອອກວີຊາແບບອອນ ລາຍ; ການຄຸ້ມຄອງການຍົກ ຍ້າຍຕັ້ງພູມລຳເນົາ ຕາມລຳພັງ ໃຈ ແລະ ການສ້າງຄອບຄົວບໍ່ ຖືກກົດໝາຍ ແລະ ລະບຽບ ການ; ການສະເໜີຂໍສືບຕໍ່ກິດ ຈະການໂຮງງານຜະລິດແຮ່ຫາ ຍາກ ຢູ່ເຂດນິຄົມອຸດສາຫະກຳ ຫຼັກ 21; ການແກ້ໄຂໜີ້ສິນ ບ້ວງໄພພິບັດໃນໄລຍະຜ່ານມາ ແລະ ທິດທາງການແກ້ໄຂຜົນ ກະທົບຈາກໄພທຳມະຊາດ ຕາມເສັ້ນທາງຫຼວງແຫ່ງຊາດ ແລະ ບັນຫາອື່ນໆ.

4. ລັດຖະບານໄດ້ພິຈາ ລະນາ ແລະ ອອກນິຕິກຳໃຕ້ ກົດໝາຍຈຳນວນໜຶ່ງ, ເປັນ ຕົ້ນຂໍ້ຕົກລົງ ວ່າດ້ວຍການແຕ່ງ ຕັ້ງຄະນະສະເພາະກິດແກ້ໄຂ ໄພພິບັດລະດັບຊາດ; ແຕ່ງຕັ້ງ ຄະນະກຳມະການອຳນວຍ ຄວາມສະດວກທາງດ້ານການ ຄ້າ; ແຕ່ງຕັ້ງຄະນະສືບສວນ- ສອບສວນ ສາເຫດຄູກັ້ນນ້ຳ ຂອງເຂື່ອນໄຟຟ້າເຊປຽນ-ເຊ ນ້ຳນ້ອຍແຕກພັງ; ແຕ່ງຕັ້ງຄະ ນະກວດກາຄວາມຮັບຜິດຊອບ ຂອງບຸກຄົນທີ່ຕິດພັນກັບສາ ເຫດຂອງຄູກັ້ນນ້ຳຂອງເຂື່ອນ ໄຟຟ້າເຊປຽນ-ເຊນ້ຳນ້ອຍແຕກ ພັງ; ແຕ່ງຕັ້ງຄະນະກວດກາ ຄວາມຮັບຜິດຊອບຂອງບຸກ ຄົນທີ່ຕິດພັນກັບສາເຫດຂອງ ຄູກັ້ນນ້ຳຂອງເຂື່ອນໄຟຟ້າເຊ ປຽນ-ເຊນ້ຳນ້ອຍແຕກພັງ; ແຕ່ງ ຕັ້ງຄະນະກຳມະການແຫ່ງຊາດ ເພື່ອຄຸ້ມຄອງອາຫານ ແລະ ຢາ; ແຕ່ງຕັ້ງຄະນະຊີ້ນຳລະດັບ ຊາດ ໂຄງການຮ່ວມມືຄົ້ນຄວ້າ ດ້ານນະໂຍບາຍກ່ຽວກັບການ ສ້າງສະຖຽນລະພາບດ້ານ ການເງິນ ໃນ ສປປ ລາວ ແລະ ແກ້ໄຂຄຳສະເໜີຂອງບັນດາ ຂະແໜງການ, ທ້ອງຖິ່ນ, ນິຕິ ບຸກຄົນ ແລະ ບຸກຄົນ ຊຶ່ງໄດ້ ອອກເປັນແຈ້ງການທັງໝົດ 295 ສະບັບ. ທັງໝົດເຫຼົ່ານັ້ນ, ໄດ້ສືບຕໍ່ ເຮັດໃຫ້ປະເທດຊາດມີສະຖຽນ ລະພາບທາງດ້ານການເມືອງ, ເສດຖະກິດ-ສັງຄົມໄດ້ຮັບ ການພັດທະນາຢ່າງຕໍ່ເນື່ອງ, ສັງຄົມມີຄວາມສະຫງົບໂດຍ ພື້ນຖານ, ຊີວິດການເປັນຢູ່ຂອງ ປະຊາຊົນບັນດາເຜົ່າ, ເປັນຕົ້ນ ບ່ອນຖືກໄພພິບັດໄດ້ຮັບການ ປົວແປງຟື້ນຟູ.

III. ກອງປະຊຸມໄດ້ພິຈາ ລະນາ ແລະ ເຫັນດີດ້ານຫຼັກ ການຮັບຮອງເອົາຮ່າງກົດໝາຍ ສ້າງໃໝ່ ແລະ ປັບປຸງຈຳນວນ 5 ສະບັບ; ຮ່າງດຳລັດຈຳນວນ 2 ສະບັບຄື:

1. ຮ່າງກົດໝາຍ ວ່າດ້ວຍ ລາຍເຊັນເອເລັກໂຕຣນິກ;

2. ຮ່າງກົດໝາຍວ່າດ້ວຍ ປະກັນສຸຂະພາບ;

3. ຮ່າງກົດໝາຍ ວ່າ ດ້ວຍການລົດໄຟ;

4. ຮ່າງກົດໝາຍ ວ່າດ້ວຍ ທະນາຄານທຸລະກິດ;

5. ຮ່າງປະມວນກົດໝາຍ ແພ່ງ;

6. ດຳລັດ ວ່າດ້ວຍການ ຄຸ້ມຄອງ ແລະ ນຳໃຊ້ຕາປະ ທັບ;

7. ດຳລັດ ວ່າດ້ວຍການ ຄຸ້ມຄອງດ່ານຊາຍແດນ. ຕໍ່ບັນດານິຕິກຳດັ່ງກ່າວ, ກອງປະຊຸມ ໄດ້ຊີ້ນຳໃຫ້ພາກ ສ່ວນທີ່ກ່ຽວຂ້ອງ ນຳໄປປັບປຸງ ຕາມການປະກອບຄຳເຫັນ ຂອງສະມາຊິກລັດຖະບານໃຫ້ ມີເນື້ອໃນຈະແຈ້ງ, ສອດຄ່ອງ, ກົມກຽວ ແລະ ຮັດກຸມເພື່ອໃຫ້ ທັນນຳສະເໜີຕໍ່ກອງປະຊຸມສະ ໄໝສາມັນເທື່ອທີ 6 ຂອງສະ ພາແຫ່ງຊາດຊຸດທີ 8.

IV. ກອງປະຊຸມ ໄດ້ເປັນ ເອກະພາບສູງ ແລະ ຕັດສິນ ໃຈ ພ້ອມກັນຈັດຕັ້ງປະຕິບັດ ວຽກຈຸດສຸມໃນເດືອນກັນຍາ 2018 ດັ່ງນີ້:

1. ໃຫ້ອົງການນຳທຸກໆ ກະຊວງ, ອົງການທຽບເທົ່າກະ ຊວງ ແລະ ທຸກແຂວງ, ນະ ຄອນຫຼວງໃນທົ່ວປະເທດ ຈົ່ງ ເພີ່ມທະວີຄວາມຮັບຜິດຊອບ ຕໍ່ການຈັດຕັ້ງປະຕິບັດ ຄຳສັ່ງ ຂອງຄະນະເລຂາທິການສູນ ກາງພັກສະບັບເລກທີ 06/ຄລສພ, ລົງວັນທີ 16 ສິງຫາ 2018 ກ່ຽວກັບການນຳພາ-ຊີ້ ນຳການປ້ອງກັນ ແລະ ຮັບມື ໄພພິບັດທຳມະຊາດ ໃຫ້ເກີດ ດອກອອກຜົນເປັນຈິງ, ລັດຖະ ບານ ມອບໃຫ້ຄະນະສະເພາະ ກິດແກ້ໄຂໄພພິບັດລະດັບ ຊາດສົມທົບກັບທຸກພາກສ່ວນ ທີ່ກ່ຽວຂ້ອງເອົາໃຈໃສ່ການຄຸ້ມ ຄອງ, ການບໍລິຫານ-ຈັດການ ແກ້ໄຂໄພພິບັດ, ຊ່ວຍເຫຼືອປະ ຊາຊົນ, ພື້ນຟູຊີວິດການເປັນຢູ່ ຂອງປະຊາຊົນ ແລະ ຄຸ້ມຄອງ ນຳໃຊ້ເຄື່ອງບັນເທົາທຸກ, ອຸປະ ກອນ ແລະ ງົບປະມານຢ່າງມີ ປະສິດທິພາບ, ປະສິດທິຜົນ, ທົ່ວເຖິງ ແລະ ໂປ່ງໃສ, ຖືກຕ້ອງ ຕາມຈິດໃຈຊີ້ນຳຂອງກອງປະ ຊຸມລັດຖະບານສະໄໝວິສາ ມັນ ໃນຕົ້ນເດືອນສິງຫາ 2018 ກ່ຽວກັບການແກ້ໄຂໄພພິບັດຢູ່ ເມືອງສະໜາມໄຊ, ແຂວງອັດ ຕະປືດັ່ງນີ້:

- ໃຫ້ຄະນະສະເພາະກິດ ແກ້ໄຂໄພພິບັດລະດັບຊາດ ເອົາໃຈໃສ່ຄຸ້ມຄອງການຮັບ ເອົາການຊ່ວຍເຫຼືອ ແລະ ແຈກ ຢາຍເຄື່ອງບັນເທົາທຸກ ໃຫ້ແກ່ ຜູ້ປະສົບໄພໃຫ້ເປັນລະບົບ, ປະສານສົມທົບກັບຂະແໜງ ການທີ່ກ່ຽວຂ້ອງ ເພື່ອຈຳກັດ ຊ່ອງວ່າງ, ການສວຍໂອກາດ ລັກລອບນຳເຂົ້າ ແລະ ແຈກ ຢາຍເຄື່ອງບໍລິຈາກທີ່ບໍ່ຖືກ ຕ້ອງ ແລະ ບໍ່ຖືກຕາມເປົ້າ ໝາຍ;

-ໃຫ້ປັບປຸງຄະນະຮັບຜິດ ຊອບວາງແຜນຟື້ນຟູຫຼັງໄພພິ ບັດໃຫ້ແທດກັບຕົວຈິງຕື່ມ ໂດຍມີຜູ້ຕາງໜ້າຈາກກະຊວງ ໂຍທາທິການ ແລະ ຂົນສົ່ງ ເປັນຫົວໜ້າ, ກະຊວງແຜນ ການ ແລະ ການລົງທຶນ, ກະ ຊວງ ກະສິກຳ ແລະ ປ່າໄມ້, ກະຊວງປ້ອງກັນປະເທດ, ກະ ຊວງສຶກສາທິການ ແລະ ກິລາ, ກະຊວງສາທາລະນະສຸກ ແລະ ພາກສ່ວນທີ່ກ່ຽວຂ້ອງເຂົ້າ ຮ່ວມ ແລະ ລົງໄປສຳຫຼວດ, ວາງແຜນ ແລະ ລົງມືປະຕິບັດ ປະຈຳຢູ່ສະໜາມ;

- ໃຫ້ແຕ່ລະຂະແໜງການ ໂດຍສະເພາະ ຂະແໜງໂຍທາ ທິການ ແລະ ຂົນສົ່ງ ກະສິກຳ ແລະ ປ່າໄມ້, ສຶກສາທິການ ແລະ ກິລາ, ສາທາລະນະສຸກ ແລະ ພາກສ່ວນກ່ຽວຂ້ອງເອົາ ໃຈໃສ່ຊີ້ນຳ ແລະ ມອບໝາຍໃຫ້ ພາກສ່ວນທີ່ກ່ຽວຂ້ອງຂອງຕົນ ໄປປະຈຳ ແລະ ເຮັດຕາມພາ ລະບົດບາດຂອງຕົນ ເພື່ອຊ່ວຍ ເຫຼືອແຂວງອັດຕະປື ໃນການ ແກ້ໄຂໄພພິບັດ ແລະ ຟື້ນຟູຫຼັງ ໄພພິບັດໃຫ້ແທດຕົວຈິງ, ທັນ ການ ແລະ ໜັກແໜ້ນກວ່າເກົ່າ.

- ໃຫ້ສືບຕໍ່ເລັ່ງປະຕິບັດ ການສືບສວນ-ສອບສວນ ຫາ ສາເຫດຂອງຄູກັນນ້ຳຂອງ ເຂື່ອນແຕກພັງໃນຄັ້ງນີ້ ຢ່າງ ລະອຽດຮອບຄອບ ແລະ ໂປ່ງ ໃສທີ່ສຸດ ເພື່ອໃຫ້ໄດ້ຂໍ້ມູນ, ຂໍ້ ສະຫຼຸຸບ ທີ່ບໍ່ສາມາດໂຕ້ແຍ່ງໄດ້. ພ້ອມນີ້, ກໍສືບຕໍ່ເກັບກຳເອກະ ສານຂໍ້ມູນ ແລະ ຫຼັກຖານຕ່າງໆ ທີ່ຈະເປັນປະໂຫຍດ ແລະ ເປັນ ພື້ນຖານໃຫ້ແກ່ການສືບສວນ-ສອບສວນໃນຄັ້ງນີ້.

- ໃຫ້ກະຊວງພະລັງງານ ແລະ ບໍ່ແຮ່ ຮີບຮ້ອນຄົ້ນຄວ້າ ສ້າງຕັ້ງໜ່ວຍງານຮັບຜິດຊອບ ສຶກສາຄົ້ນຄວ້າຄວາມປອດໄພ ຂອງເຂື່ອນ ໂດຍເຊີນນັກຊ່ຽວ ຊານສາກົນເຂົ້າຮ່ວມນຳ ແລະ ໃຫ້ດຳເນີນການກວດກາສະ ພາບໂຄງການເຂື່ອນໄຟຟ້າ ທັງໝົດຢູ່ໃນ ສປປ ລາວ ເປັນຕົ້ນ ແມ່ນໂຄງການທີ່ໄດ້ດຳເນີນ ງານແລ້ວ ແລະ ກຳລັງກໍ່ສ້າງ ຢູ່ ເພື່ອໃຫ້ວຽກງານດັ່ງກ່າວດຳ ເນີນໄປໄດ້ຢ່າງມີປະສິດທິຜົນ.

2. ໃຫ້ຂະແໜງການ ແລະ ທ້ອງຖິ່ນ ໃນຂອບເຂດທົ່ວປະ ເທດ ເອົາໃຈໃສ່ວຽກງານຕິດ ຕາມກວດກາ, ແຈ້ງສະພາບ ດິນຟ້າອາກາດ ທີ່ຈະມີຜົນກະ ທົບຕໍ່ການດຳລົງຊີວິດ ແລະ ການຜະລິດ, ດຳເນີນທຸລະກິດ ແລະ ການບໍລິການຂອງສັງຄົມ ໃຫ້ທົ່ວເຖິງທັນເວລາ ໃຫ້ຄະ ນະສະເພາະກິດ ເພື່ອປ້ອງກັນ ແລະ ຄຸ້ມຄອງໄພພິບັດແຫ່ງ ຊາດ ຕິດຕາມສະພາບນ້ຳ ຖ້ວມ ແລະ ຢູ່ໃນທ່າກຽມພ້ອມເມື່ອ ມີສະພາບນ້ຳຖ້ວມເກີດຂຶ້ນ ຢູ່ ບ່ອນໃດກໍໃຫ້ຮີບຮ້ອນປະສານ ກັບພາກສ່ວນກ່ຽວຂອງ ຊ່ວຍ ເຫຼືອປະຊາຊົນ ໃຫ້ມີຄວາມ ປອດໄພທາງດ້ານຊີວິດ ແລະ ຊັບສິນ, ທັງວາງແຜນຟື້ນຟູ ພາຍ ຫຼັງນ້ຳຖ້ວມໄດ້ຫຼຸຸດລົງ ຫຼື ພາຍ ຫຼັງນ້ຳຖ້ວມ ເພື່ອໃຫ້ສະພາບ ກັບຄືນສູ່ປົກກະຕິໂດຍໄວ.

3. ໃຫ້ບັນດາກະຊວງ ແລະ ພາກສ່ວນທີ່ກ່ຽວຂ້ອງ ເປັນເຈົ້າການ ແລະ ຮັບຜິດ ຊອບຈັດຕັ້ງປະຕິບັດຄຳສັ່ງ ສະ ບັບເລກທີ 12/ນຍ, ລົງວັນທີ 23 ສິງຫາ 2018 ຂອງນາຍົກ ລັດຖະມົນຕີ ວ່າດ້ວຍການຈັດ ຕັ້ງປະຕິບັດ 8 ມາດຕະການ ຊຸກຍູ້ເສດຖະກິດ ໃຫ້ມີປະສິດ ທິຜົນ ຊຶ່ງຄຳສັ່ງດັ່ງກ່າວ ໄດ້ ລະບຸລະອຽດ ເຖິງຄວາມຮັບ ຜິດຊອບຂອງບັນດາຂະແໜງ ການສູນກາງ.

4. ໃຫ້ກະຊວງຖະແຫຼງ ຂ່າວ, ວັດທະນະທຳ ແລະ ທ່ອງທ່ຽວ ເປັນເຈົ້າການປະ ສານສົມທົບກັບກະຊວງປ້ອງ ກັນຄວາມສະຫງົບ, ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ ແລະ ພາກ ສ່ວນກ່ຽວຂ້ອງຕິດຕາມການ ເຜີຍແຜ່ ແລະ ໂຄສະນາຜ່ານ ສື່ສັງຄົມອອນລາຍທີ່ຂັດກັບ ດຳລັດວ່າດ້ວຍການຄຸ້ມຄອງ ຂໍ້ມູນຂ່າວສານຜ່ານອິນເຕີ ເນັດ (ສະບັບເລກທີ 327/ລບ, ລົງວັນທີ 16 ກັນຍາ 2014) ເພື່ອແກ້ໄຂໃຫ້ທັນເວລາ.

5. ໃຫ້ກະຊວງອຸດສາຫະ ກຳ ແລະ ການຄ້າ ເປັນເຈົ້າ ການສົມທົບກັບພາກສ່ວນກ່ຽວ ຂ້ອງໃນການຄຸ້ມຄອງລາຄາ ສິນຄ້າໃນທ້ອງຕະຫຼາດ ບໍ່ໃຫ້ ມີການສວຍໂອກາດຂຶ້ນລາຄາ ສິນຄ້າ ໃນໄລຍະທີ່ມີນ້ຳຖ້ວມ ຢູ່ໃນຂອບເຂດທົ່ວປະເທດ ເປັນຕົ້ນແມ່ນເຄື່ອງອຸປະໂພກ - ບໍລິໂພກ ທີ່ຈຳເປັນ ເພື່ອບໍ່ ໃຫ້ກະທົບຕໍ່ຊີວິດການເປັນຢູ່ ຂອງປະຊາຊົນ. 6. ໃຫ້ກະຊວງສຶກສາທິ ການ ແລະ ກິລາ ເປັນເຈົ້າການ ສົມທົບກັບພາກ ສ່ວນກ່ຽວຂ້ອງ ກະກຽມຄວາມພ້ອມໃນການ ເປີດສົກຮຽນໃໝ່ ເພື່ອຮັບປະ ກັນບໍ່ໃຫ້ມີສະພາບຫຍໍ້ທໍ້ ແລະ ຫາງສຽງກ່ຽວກັບການສອບ ເສັງ ແລະ ຄັດເລືອກນັກຮຽນ ເຂົ້າຮຽນຕໍ່ຢູ່ບັນດາສະຖາບັນ ການສຶກສາຕ່າງໆ ໃນຂອບ ເຂດທົ່ວປະເທດ ໃຫ້ຖືກຕ້ອງ ໂປ່ງໃສ.

7. ໃຫ້ບັນດາກະຊວງ ແລະ ອົງການທຽບເທົ່າກະຊວງ ເປັນເຈົ້າການກະກຽມບັນດາ ຮ່າງກົດໝາຍ ແລະ ເອກະສານ ທີ່ຈະລາຍງານຕໍ່ກອງປະຊຸມ ສະພາແຫ່ງຊາດ ສະໄໝສາ ມັນ ເທື່ອທີ 6 ໃຫ້ມີເນື້ອໃນ ຮອບຄອບຮັດກຸມ ແລະ ມີ ຄວາມເປັນເອກະພາບ ເພື່ອ ກຽມລາຍງານ ແລະ ອະທິບາຍ ຊີ້ແຈງຕໍ່ສະພາແຫ່ງຊາດ ດ້ວຍ ຄວາມຮັບຜິດຊອບ ແລະ ຄຸນ ນະພາບສູງ. ໃນຕອນທ້າຍ ກອງປະ ຊຸມໄດ້ຂໍຮຽກຮ້ອງມາຍັງພະ ນັກງານ, ສະມາຊິກພັກ, ລັດ ຖະກອນ, ກຳມະກອນ, ນັກຮຽນ ຮູ້ປັນຍາຊົນ, ປະຊາຊົນບັນດາ ເຜົ່າ, ຊັ້ນຄົນຕ່າງໆ, ຊາວຕ່າງ ດ້າວຜູ້ບໍ່ມີສັນຊາດ ທີ່ດຳລົງຊີ ວິດຢູ່ລາວ, ນັກທຸລະກິດພາກ ລັດ ແລະ ເອກະຊົນ ລວມທັງ ນັກທຸລະກິດຕ່າງປະເທດທີ່ ມາລົງທຶນຢູ່ລາວ ຈົ່ງພ້ອມກັນ ເຊີດຊູນ້ຳໃຈເປັນເຈົ້າປະເທດ ຊາດ, ສາມັກຄີເປັນຈິດໜຶ່ງໃຈ ດຽວ, ເດັດດ່ຽວຜ່ານຜ່າອຸປະ ສັກຕ່າງໆ, ສູ້ຊົນເຂົ້າຮ່ວມຈັດ ຕັ້ງປະຕິບັດວຽກງານສຳຄັນ ຕ່າງໆ ທີ່ລັດຖະບານວາງອອກ ໃຫ້ປະກົດຜົນເປັນຈິງເພື່ອຜົນ ປະໂຫຍດຂອງຊາດ, ຂອງປະ ຊາຊົນ ແລະ ຂອງພວກເຮົາ ໝົດທຸກຄົນ. ພ້ອມກັນນີ້, ໃຫ້ ຍົກສູງສະຕິລະວັງຕົວຕໍ່ຜູ້ບໍ່ ຫວັງດີ, ເພີ່ມທະວີຄວາມສາ ມັກຄີເປັນຈິດໜຶ່ງໃຈດ່ຽວ, ເດັດດ່ຽວຕ້ານກົນອຸບາຍໂດຍ ສັນຕິອິດທິກຳລັງປໍລະປັກໃນ ທຸກຮູບແບບ, ບໍ່ຖືກກົນອຸບາຍ ແບ່ງແຍກ, ຍຸແຍ່ໃສ່ຮ້າຍປ້າຍ ສີຂອງພວກຄົນບໍ່ດີຢູ່ພາຍໃນ ແລະ ຕ່າງປະເທດ ໂດຍຜ່ານ ສື່ສັງຄົມອອນໄລຕ່າງໆນາໆ.