ຮອງປະທານປະເທດ ຕ້ອນຮັບ ທູດຝຣັ່ງ ອຳລາ


...

27.08.2018 10:48     

   ທ່ານ ພັນຄຳ ວິພາວັນ ຮອງປະທານປະເທດໄດ້ຕ້ອນ ຮັບທ່ານ ນາງ ໂກດິນ ເລີດູ ເອກ ອັກຄະລັດຖະທູດຜູ້ມີອຳນາດ ເຕັມ ແຫ່ງ ສາທາລະນະລັດ ຝຣັ່ງ ເຂົ້າຢ້ຽມຂ່ຳນັບອຳລາໃນ ວັນທີ 24 ສິງຫາຜ່ານມາ ທີ່ທຳ ນຽບປະທານປະເທດ ໃນໂອ ກາດທີ່ສຳເລັດການປະຕິບັດ ໜ້າທີ່ການທູດຢູ່ ສປປ ລາວ. ໃນໂອກາດດັ່ງກ່າວນີ້ ທ່ານຮອງປະທານປະເທດ ກໍ ໄດ້ຕີລາຄາສູງຕໍ່ຜົນສຳເລັດ ການປະຕິບັດໜ້າທີ່ວຽກງານ ການທູດຢູ່ ສປປ ລາວ ຂອງ ທ່ານທູດ ຊຶ່ງຕະຫຼອດໄລຍະ ເວລາການປະຕິບັດໜ້າທີ່, ທ່ານທູດໄດ້ປະກອບສ່ວນອັນ ສຳຄັນເຂົ້າໃນການເສີມຂະ ຫຍາຍສາຍພົວພັນມິດຕະພາບ ແລະ ການຮ່ວມມືລະຫວ່າງ ສປປ ລາວ-ສາທາລະນະລັດ ຝຣັ່ງ ມີຜົນສຳເລັດເປັນທີ່ໜ້າ ພໍໃຈ ຊຶ່ງສະແດງອອກຄະນະ ຜູ້ແທນຂັ້ນສູງຂອງສອງປະ ເທດໄດ້ມີການຢ້ຽມຢາມ ແລະ ແລກປ່ຽນບົດຮຽນຊຶ່ງກັນ ແລະ ກັນ. ທ່ານຮອງປະທານປະ ເທດ ຍັງໄດ້ອວຍພອນໃຫ້ທ່ານ ທູດຈົ່ງເດີນທາງກັບຄືນປະເທດ ດ້ວຍຄວາມສະຫວັດດີພາບ ແລະ ຈົ່ງປະສົບຜົນສຳເລັດໃນ ໜ້າທີ່ໃໝ່ຂອງທ່ານ. ທ່ານ ນາງ ໂກດິນ ເລີດູ ກໍໄດ້ສະແດງຄວາມຂອບໃຈຕໍ່ ທ່ານຮອງປະທານປະເທດທີ່ ໃຫ້ການຕ້ອນຮັບຢ່າງອົບອຸ່ນ ພ້ອມທັງສະແດງຄວາມຂອບ ໃຈຕໍ່ລັດຖະບານ ແລະ ປະຊາ ຊົນລາວ ທີ່ອຳນວຍຄວາມສະ ດວກໃນການປະຕິບັດໜ້າທີ່ ຈົນປະສົບຜົນສຳເລັດຢ່າງຈົບ ງາມ. ສຳລັບ ສປປ ລາວ ແລະ ສາທາລະນະລັດຝຣັ່ງ ໄດ້ສ້າງ ຕັ້ງສາຍພົວພັນທາງການທູດ ຮ່ວມກັນແຕ່ປີ 1951, ພາຍຫຼັງ ສະຖາປະນາສາທາລະນະລັດ ປະຊາທິປະໄຕ ປະຊາຊົນລາວ, ໃນເວລານັ້ນ ແມ່ນສະພາບ ການບໍ່ເອື້ອອຳນວຍ ແລະໂຈະ ສາຍພົວພັນທາງການທູດນຳ ກັນ, ມາເຖິງປີ 1982 ຖືເປັນ ການເປີດການພົວພັນທາງການ ທູດລາວ-ຝຣັ່ງຄືນໃໝ່ ແລະ ໄດ້ແຕ່ງຕັ້ງທູດຂອງຕົນໄປປະ ຈຳຢູ່ປະເທດຂອງກັນ ແລະ ກັນ, ນີ້ຖືເປັນບາດກ້າວອັນສຳ ຄັນໃນການພົວພັນຮ່ວມມືລະ ຫວ່າງສອງປະເທດ. ນອກຈາກ ນີ້ ກໍມີການຊ່ວຍເຫຼືອຂອງລັດ ຖະບານຝຣັ່ງ ນັບແຕ່ປີ 1989-1994 ລວມງົບປະມານທັງໝົດ 90 ລ້ານຟຣັງ ຊຶ່ງເປັນການ ຊ່ວຍເຫຼືອຜ່ານການເຊັນສັນ ຍາຮ່ວມມືດ້ານການເງິນນຳກັນ ເພື່ອນຳໃຊ້ເຂົ້າໃນໂຄງການ ຕ່າງໆ, ນັບແຕ່ປີ 1994 ເຖິງ ປັດຈຸບັນຂະແໜງທີ່ຝຣັ່ງໃຫ້ ການຊ່ວຍເຫຼືອປະກອບມີ: ການ ສຶກສາ, ສາທາລະນະສຸກ, ກະ ສິກຳ-ພັດທະນາຊົນນະບົດ, ຖະແຫຼງຂ່າວ-ວັດທະນະທຳ, ພັດທະນາຕົວເມືອງ, ພື້ນຖານ ໂຄງລ່າງ ແລະ ການປົກຄອງ, ນອກນີ້ ກໍມີການແລກປ່ຽນຄະ ນະນຳຂັ້ນສູງ ເພື່ອຢ້ຽມຢາມ ຊຶ່ງກັນ ແລະ ກັນ. (ຂ່າວ+ພາບ: ສຸກສາຄອນ)