ລມຕ ກະຊວງ ຖວທ ຕ້ອນຮັບຄະນະ ຜູ້ແທນໄທ


...

27.08.2018 10:48     

   ທ່ານ ບໍ່ແສງຄຳ ວົງດາລາ ລັດຖະມົນຕີ ກະຊວງຖະແຫຼງ ຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ຕ້ອນຮັບ ການເຂົ້າພົບຂອງທ່ານ ວິຣະ ໂຣດພົດຈະນະຣັດ ລັດຖະມົນ ຕີ ກະຊວງວັດທະນະທຳ ແຫ່ງ ລາຊະອານາຈັກໄທ ເນື່ອງໃນ ໂອກາດເດີນທາງມາຢ້ຽມຢາມ ເຄື່ອນໄຫວລັດຖະກິດທີ່ ສປປ ລາວ, ເມື່ອວັນທີ 24 ສິງຫາ ຜ່ານມານີ້ ທີ່ກະຊວງ ຖວທ. ໃນໂອກາດດັ່ງກ່າວ ທ່ານ ລັດຖະມົນຕີ ໄດ້ສະແດງຄວາມ ຊົມເຊີຍຍິນດີຕ້ອນຮັບທ່ານ ວິຣະ ໂຣດພົດຈະນະຣັດ ພ້ອມ ດ້ວຍຄະນະທີ່ໄດ້ມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້ ຈຸດປະສົງໃນການພົບ ປະຄັ້ງນີ້ ແມ່ນເພື່ອປຶກສາຫາ ລືໃນການຮ່ວມມືດ້ານວັດທະ ນະທຳລະຫວ່າງສອງປະເທດ ໃຫ້ສືບຕໍ່ນັບມື້ຂະຫຍາຍຕົວ ແລະ ການຮ່ວມມືຊ່ວຍເຫຼືອຊຶ່ງ ກັນ ແລະ ກັນ ໃຫ້ນັບມື້ຂະ ຫຍາຍຕົວຍິ່ງຂຶ້ນ. ໃນໂອກາດດັ່ງກ່າວ ທ່ານ ລັດຖະມົນຕີກະຊວງວັດທະນະ ທຳ ແຫ່ງ ລາຊະອານາຈັກໄທ ໄດ້ຕາງໜ້າໃຫ້ຄະນະ ກ່າວສະ ແດງຄວາມຂອບໃຈຕໍ່ທ່ານລັດ ຖະມົນຕີ ທີ່ໄດ້ໃຫ້ການຕ້ອນ ຮັບອັນອົບອຸ່ນໃນຄັ້ງນີ້ອີກດ້ວຍ. (ຂ່າວ+ພາບ: ສະຫວັນຄຳ)