ທ່ານ ສະເຫຼີມໄຊ ກົມມະສິດ ຕ້ອນຮັບ ປະທານສະພາທຸລະກິດອາເມຣິກາ-ອາຊຽນ


...

27.08.2018 10:48     

   ທ່ານ ສະເຫຼີມໄຊ ກົມມະ ສິດ ລັດຖະມົນຕີກະຊວງການ ຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂ່ຳ ນັບຂອງທ່ານ ອາເລັກ ຊີ. ເຟວ ແມນ (Mr.Alex C. Feiman) ປະທານສະພາທຸລະກິດອາເມ ຣິກາ-ອາຊຽນ (US-Asean Business Cuncil) ພ້ອມຄະ ນະ ໃນວັນທີ 24 ສິງຫາ ທີ່ກະ ຊວງການຕ່າງປະເທດ ໃນໂອ ກາດເດີນທາງມາເຄື່ອນໄຫວ ຢ້ຽມຢາມ ສປປ ລາວ ໃນລະ ຫວ່າງວັນທີ 23-24 ສິງຫາ. ຄະນະຜູ້ແທນສະພາທຸ ລະກິດອາເມຣິກາ-ອາຊຽນ ທີ່ ໄດ້ເດີນທາງມາຄັ້ງນີ້ ປະກອບ ມີບໍລິສັດຊັ້ນນຳຂອງອາເມຣິ ກາເຊັ່ນ: Microsolf, Ford, Coca Cola, Citi Group, MasterCard VisaCard. ໃນໂອກາດດັ່ງກ່າວນີ້ ທ່ານລັດຖະມົນຕີກະຊວງການ ຕ່າງປະເທດ ໄດ້ສະແດງຄວາມ ຍິນດີຕ້ອນຮັບອັນອົບອຸ່ນ ແລະ ຕີລາຄາສູງຕໍ່ການຢ້ຽມຢາມ ສປປ ລາວ ຄັ້ງນີ້ ຊຶ່ງເປັນໂອ ກາດທີ່ສຳຄັນໃນການປຶກສາ ຫາລືກັບພາກສ່ວນທີ່ກ່ຽວຂ້ອງ ຂອງລາວ ເພື່ອຊອກຫາຊ່ອງ ທາງເພີ່ມທະວີການພົວພັນ ສອງຝ່າຍໃນດ້ານການຄ້າ ແລະ ການລົງທຶນຂອງສະຫະ ລັດອາເມຣິກາຢູ່ລາວໃນຕໍ່ໜ້າ, ເປັນການສືບຕໍ່ການມາຢ້ຽມ ຢາມຂອງນັກທຸລະກິດອາເມຣິ ກາ ພາຍຫຼັງການຢ້ຽມຢາມ ສປປ ລາວ ຄັ້ງທຳອິດຂອງ ທ່ານ Wilbur Ross ລັດຖະ ມົນຕີກະຊວງການຄ້າຂອງສະ ຫະລັດອາເມຣິກາ ໃນເດືອນ ກັນຍາ 2017 ຜ່ານມາ. ໃນໂອກາດເດີນທາງມາ ຢ້ຽມຢາມ ສປປ ລາວ, ຄະນະ ຜູ້ແທນຍັງໄດ້ເຂົ້າຢ້ຽມ ຂ່ຳນັບ ຮອງລັດຖະມົນຕີກະ ຊວງການ ເງິນ, ຮອງລັດຖະມົນຕີກະຊວງ ແຜນການ ແລະ ການລົງທຶນ, ຮອງລັດຖະມົນຕີກະຊວງ ອຸດ ສາຫະກຳ ແລະ ການຄ້າ, ຮອງ ລັດຖະມົນຕີກະຊວງສຶກສາ ທິການ ແລະ ກິລາ, ຮອງຜູ້ວ່າ ການທະນາຄານແຫ່ງ ສປປ ລາວ ແລະ ທ່ຽວຊົມສະຖານ ທີ່ວັດທະນະທຳ ແລະ ປະຫວັດ ສາດຢູ່ນະຄອນຫຼວງວຽງຈັນ ຈຳນວນໜຶ່ງ. (ຂ່າວ: ນ. ຄຳຮູ້ +ພາບ: ສຸກສາຄອນ)