ລາວ-ອັງກິດ ເພີ່ມທະວີການຮ່ວມມື ສອງຝ່າຍ


...

27.08.2018 10:48     

   ທ່ານ ມາກ ຟິວ (Mark Field) ຮອງລັດຖະມົນຕີກະ ຊວງການຕ່າງປະເທດ ແຫ່ງ ສະຫະຣາຊາອານາຈັກອັງກິດ ແລະ ອຽກລັງເໜືອ ພ້ອມຄະ ນະໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ແຕ່ວັນທີ 23-25 ສິງຫານີ້. ໃນໂອກາດຢ້ຽມຢາມ ລາວ ໃນຄັ້ງນີ້ ທ່ານ ມາກ ຟິວ ພ້ອມ ຄະນະ ໄດ້ເຂົ້າຢ້ຽມຂ່ຳນັບ ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງ ປະເທດ ໃນວັນທີ 24 ສິງຫາ ຜ່ານມານີ້ ທີ່ກະຊວງ ການຕ່າງ ປະເທດ. ໃນໂອກາດດັ່ງກ່າວ, ທ່ານ ລັດຖະມົນຕີກະຊວງການຕ່າງ ປະເທດກໍໄດ້ສະແດງຄວາມ ຕ້ອນຮັບ ແລະ ຊົມເຊີຍຕໍ່ທ່ານ ມາກ ຟິວ ພ້ອມຄະນະທີ່ໄດ້ ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ຊຶ່ງເປັນ ການປະກອບສ່ວນຮັດແໜ້ນ ສາຍພົວພັນມິດຕະພາບ ແລະ ການຮ່ວມມືລະຫວ່າງລາວ- ອັງກິດ ໃຫ້ນັບມື້ຂະຫຍາຍຕົວ ຍິ່ງໆຂຶ້ນ. ໃນວັນດຽວກັນນັ້ນ ທັງ ສອງຝ່າຍໄດ້ຮ່ວມກັນຈັດກອງ ປະຊຸມປຶກສາຫາລືທາງດ້ານ ການເມືອງລາວ-ອັງກິດ ຄັ້ງທີ 2 ໂດຍຕາງໜ້າໃຫ້ຝ່າຍລາວ ແມ່ນທ່ານ ແສງເພັດ ຮຸ່ງບຸນ ຍວງ ຮອງລັດຖະມົນຕີກະຊວງ ການຕ່າງປະເທດ ແລະ ຝ່າຍ ອັງກິດແມ່ນທ່ານ ມາກ ຟິວ ຮອງລັດຖະມົນຕີກະຊວງການ ຕ່າງປະເທດອັງກິດ. ໃນກອງ ປະຊຸມ ທັງສອງຝ່າຍໄດ້ຮ່ວມ ກັນປຶກສາຫາລືກ່ຽວກັບການ ເສີມຂະຫຍາຍການພົວພັນ ແລະ ການຮ່ວມມືລະຫວ່າງ ສອງປະເທດໃນຕໍ່ໜ້າ, ແລກ ປ່ຽນທັດສະນະຕໍ່ສະພາບການ ພົ້ນເດັ່ນຂອງພາກພື້ນ ແລະ ສາກົນ ທີ່ສອງຝ່າຍມີຄວາມ ສົນໃຈຮ່ວມກັນ. ການຢ້ຽມຢາມຢ່າງເປັນ ທາງການຂອງທ່ານ ມາກ ຟິວ ຮອງລັດຖະມົນຕີກະຊວງການ ຕ່າງປະເທດອັງກິດໃນຄັ້ງນີ້ ເປັນຂີດໝາຍອັນສຳຄັນໃນ ການເສີມຂະຫຍາຍການພົວ ພັນ ແລະ ການຮ່ວມມືຂອງ ສອງປະເທດໃຫ້ມີບາດກ້າວ ໃໝ່. ໃນວັນດຽວກັນນັ້ນ ຄະ ນະຜູ້ແທນດັ່ງກ່າວ ໄດ້ເຂົ້າ ຢ້ຽມຂ່ຳນັບການນຳຂັ້ນສູງ ຂອງຂະແໜງການຕ່າງໆເຊັ່ນ: ທ່ານ ນາງ ແສງເດືອນ ຫຼ້າຈັນ ທະບູນ ລັດຖະມົນຕີກະຊວງ ສຶກສາທິການ ແລະ ກິລາ, ພົບປະກັບ ທ່ານ ສົມຈິດ ອິນ ທະມິດ ຮອງລັດຖະມົນຕີກະ ຊວງອຸດສາຫະກຳ ແລະ ການ ຄ້າ. ພ້ອມດຽວກັນນັ້ນ ຄະນະ ຜູ້ແທນຍັງໄດ້ຢ້ຽມຢາມເມືອງ ມໍລະດົກໂລກທີ່ແຂວງຫຼວງພະ ບາງ ຊຶ່ງໃນໂອກາດນີ້ ກໍໄດ້ ຢ້ຽມຢາມສູນເກັບກູ້ລະເບີດບໍ່ ທັນແຕກ ແລະ ຢ້ຽມຊົມສະ ຖານທີ່ວັດທະນະທຳຈຳນວນ ໜຶ່ງທີ່ເປັນເອກະລັກຂອງ ແຂວງ. ພາຍຫຼັງທີ່ທັງສອງປະ ເທດລາວ ແລະ ອັງກິດ ໄດ້ສ້າງ ສາຍພົວພັນການທູດມາຕັ້ງແຕ່ ປີ 1955 ເປັນຕົ້ນມາ, ອັງກິດ ໄດ້ໃຫ້ການຊ່ວຍເຫຼືອ ສປປ ລາວ ທັງໃນຂອບສອງຝ່າຍ ແລະ ຫຼາຍຝ່າຍເຊັ່ນ: ຂະແໜງ ສາທາລະນະສຸກຜ່ານອົງການ Welcome oxford University ມູນຄ່າ 1,3 ລ້ານໂດລາ ແລະ ຊ່ວຍຕິດຕັ້ງອຸປະກອນ ແລະ ຄົ້ນຄວ້າພະຍາດໃຫ້ ໂຮງໝໍມະໂຫສົດ 4 ລ້ານໂດ ລາ, ທຶນການສຶກສາຜ່ານໂຄງ ການ Chevening ໃນປີ 2017 ຈຳນວນ 5 ທຶນ, ໂຄງ ການເກັບກູ້ລະເບີດຜ່ານອົງ ການ MAG ແລະ ອົງການ HALO TRUST ມູນຄ່າ 5 ລ້ານ ໂດ ລາ. ນອກຈາກນັ້ນ ກໍ ຍັງໄດ້ ໃຫ້ ການຊ່ວຍ ເຫຼືອ ດ້ານ ການຝຶກ ອົບຮົມໃຫ້ຂະແໜງ ການຕ່າງໆ, ເປັນການ ປະກອບ ສ່ວນອັນສຳຄັນເຂົ້າໃນການ ສ້າງສາພັດທະນາ ສປປ ລາວ ໃຫ້ຫຼຸດພົ້ນຈາກຄວາມທຸກ ຍາກເທື່ອລະກ້າວ. (ຂ່າວ: ນ. ຄຳຮູ້ +ພາບ: ສຸກສາຄອນ)