ກຊສ ເປີດກອງປະຊຸມຄົບຄະນະບໍລິຫານງານພັກ ຄັ້ງທີ 7 ສະໄໝທີ I


...

...

28.08.2018 10:17     

   ກອງປະຊຸມຄົບຄະນະບໍລິຫານງານພັກ ກະຊວງຊັບພະຍາ ກອນທຳມະຊາດ ແລະ ສິ່ງແວດລ້ອມ (ກຊສ) ຄັ້ງທີ 7 ສະໄໝທີ I ໄດ້ເປີດຂຶ້ນໃນຕອນເຊົ້າວັນທີ 27 ສິງຫານີ້ ທີ່ກະຊວງດັ່ງກ່າວ ໂດຍການເປັນປະທານຂອງສະຫາຍ ສົມມາດ ພົນເສນາ ກຳມະ ການສູນກາງພັກ ລັດຖະມົນຕີ ກຊສ ໂດຍການໃຫ້ກຽດເຂົ້າຮ່ວມ ຂອງສະຫາຍ ຈັນສີ ໂພສີຄຳ ກຳມະການກົມການເມືອງສູນກາງພັກ ຄະນະເລຂາທິການສູນກາງພັກ ຫົວໜ້າຄະນະຈັດຕັ້ງສູນ ກາງພັກ, ໂດຍມີຄະນະປະຈຳພັກ, ຄະນະພັກ, ຄະນະພັກຮາກ ຖານ ແລະ ຄະນະໜ່ວຍພັກ ເຂົ້າຮ່ວມ. ກອງປະຊຸມ ໄດ້ຮັບຟັງບົດສະຫຼຸບການລາຍງານການຊີ້ນຳໆພາຂອງຄະນະພັກກະຊວງ ໄລຍະກາງສະໄໝ ແລະ ທິດທາງແຜນ ການໄລຍະທ້າຍສະໄໝ, ຮ່າງບົດສະຫຼຸບ 6 ເດືອນຕົ້ນ ປີ ແລະ ທິດທາງແຜນການ 6 ເດືອນທ້າຍປີ 2018 ຂອງຄະນະພັກກະຊວງ, ຮ່າງບົດລາຍງານກ່ຽວກັບວຽກງານປ້ອງກັນພັກ ແລະ ແຜນການກະກຽມດຳເນີນກອງປະ ຊຸມໃຫຍ່ຂອງອົງຄະນະພັກ ກະຊວງ, ຄະນະພັກຮາກຖານ ແລະ ບັນດາໜ່ວຍພັກທີ່ຂຶ້ນ ກັບກະຊວງ. ຈາກນັ້ນ ບັນດາຜູ້ ແທນກອງປະຊຸມກໍໄດ້ມີການ ປະກອບຄຳເຫັນຕໍ່ກັບເນື້ອໃນ ທີ່ສະເໜີໃນກອງປະຊຸມ ເພື່ອ ຮັບຮອງເອົາເປັນທາງການ, ໃນ ໂອກາດເຂົ້າຮ່ວມກອງປະຊຸມ ດັ່ງກ່າວ ສະຫາຍ ຈັນສີ ໂພສີຄຳ ໄດ້ໂອ້ລົມຕໍ່ກອງປະ ຊຸມຄັ້ງນີ້ວ່າ: ເພື່ອໃຫ້ບັນລຸຄາດ ໝາຍແຜນນຳພາຂອງຄະນະ ພັກກະຊວງຊັບພະຍາກອນທຳ ມະຊາດ ແລະ ສິ່ງແວດລ້ອມ ໃນໄລຍະທ້າຍສະໄໝທີ່ກຳ ນົດໄວ້, ຂ້າພະເຈົ້າຂໍມີຄວາມ ເຫັນເພີ່ມເຕີມບາງບັນຫາໃຫ້ ຄະນະປະຈຳພັກ, ຄະນະພັກ, ຮາກຖານພັກ ແລະ ບັນດາ ສະຫາຍສະມາຊິກພັກ-ພະນັກ ງານນຳໄປຄົ້ນຄວ້າພິຈາລະ ນາ ໃນການຈັດຕັ້ງຜັນຂະຫຍາຍ ແລະ ປະຕິບັດໃນຕໍ່ໜ້າໃຫ້ໄດ້ ຮັບຜົນດີມີຄືດັ່ງນີ້: 1. ສະຫາຍຄະນະປະຈຳ ພັກ ແລະ ຄະນະພັກແຕ່ລະ ຂັ້ນ ໃຫ້ສືບຕໍ່ເອົາໃຈໃສ່ໃນການ ນຳພາຄົ້ນຄວ້າ ແລະ ຜັນຂະ ຫຍາຍເນື້ອໃນຈິດໃຈມະຕິ X ຂອງພັກ, ແຜນພັດທະນາເສດ ຖະກິດ-ສັງຄົມ ແຫ່ງຊາດ 5 ປີ ຄັ້ງທີ VIII ຂອງລັດ, ເນື້ອໃນ ວຽກງານຈຸດສຸມຂອງຄະນະ ພັກກະຊວງຊັບພະຍາກອນທຳ ມະຊາດ ແລະ ສິ່ງແວດລ້ອມ ທີ່ຄາດໝາຍຈະນຳພາ ຈັດຕັ້ງ ປະຕິບັດໃນໄລຍະກາງສະໄໝ ຫັນມາເປັນອັນລະອຽດ, ໃນ ການຊີ້ນຳ-ນຳພາ ຈັດຕັ້ງປະຕິ ບັດໃຫ້ປະກົດເປັນຈິງໃນແຕ່ ລະດ້ານ. 2. ຄະນະພັກທຸກຂັ້ນຕ້ອງ ເພີ່ມທະວີວຽກງານສຶກສາອົບ ຮົມທາງດ້ານການເມືອງ-ແນວ ຕິດ ແນໃສ່ໃຫ້ບຸກຄົນໄດ້ເປັນ ເຈົ້າການໃນການຝຶກຝົນຫຼໍ່ ຫຼອມຕົນເອງຫຼາຍຂຶ້ນ ພ້ອມ ທັງເອົາໃຈໃສ່ປັບປຸງວຽກງານ ປ້ອງກັນພັກ-ພະນັກງານໃຫ້ ໄດ້ດີ, ສະກັດກັ້ນບັນດາປະກົດ ການຫຍໍ້ທໍ້ຕ່າງໆ ທີ່ເກີດຂຶ້ນໃນ ຖັນແຖວສະມາຊິກພັກ, ພະນັກ ງານ-ລັດຖະກອນ, ສ້າງໃຫ້ມີ ຄວາມເປັນແບບຢ່າງນຳໜ້າ, ຄະນະພັກທຸກຂັ້ນ ຕ້ອງມີການ ຕິດຕາມ, ກວດກາຕັກເຕືອນ ແລະ ສຶກສາອົບຮົມໃຫ້ສະມາ ຊິກພັກ, ພະນັກງານ-ລັດຖະ ກອນໃນຄວາມຮັບຜິດຊອບ ຂອງຕົນຢ່າງເປັນປົກກະຕິ ໃນ ການຍົກສູງສະຕິເຄົາລົບ ແລະ ປະຕິບັດແນວທາງນະໂຍບາຍ ມະຕິ, ຄຳສັ່ງຂອງພັກ, ກົດ ໝາຍ ແລະ ລະບຽບການຂອງ ລັດຢ່າງເຂັ້ມງວດ. 3. ພວກເຮົາຈະຕ້ອງສືບ ຕໍ່ຜັນຂະຫຍາຍຜົນສຳເລັດ ບັ້ນດຳເນີນຊີວິດການເມືອງປັບ ປຸງປົວແປງພັກປີ 2017 ໃຫ້ ເຂົ້າສູ່ລວງເລິກ ດ້ວຍການສືບ ຕໍ່ຕີລາຄາຄວາມຮັບຜິດຊອບ ໜ້າທີ່ການເມືອງຂອງຕົນທີ່ໄດ້ ຮັບການມອບໝາຍ ໂດຍອີງ ໃສ່ຄຳຕຳນິສົ່ງຂ່າວຂອງພະ ນັກງານ, ສະມາຊິກພັກຕໍ່ການ ນຳພາລວມ, ຕໍ່ບຸກຄົນ, ພາຍ ໃນຄະນະພັກ ມາຄົ້ນຄວ້າຕີລາ ຄາພາຍໃນຄະນະພັກບັນຫາ ໃດມີຄວາມຈິງ, ບັນຫາໃດບໍ່ມີ, ຄວນວາງມາດຕະການ, ວິທີການແກ້ໄຂໃຫ້ເປັນຮູບປະທຳ (ນັບທັງລວມໝູ່ ແລະ ບຸກຄົນ). 4. ສືບຕໍ່ຄົ້ນຄວ້າປັບປຸງ ກົງຈັກການຈັດຕັ້ງ ໃຫ້ສົມຄູ່ກັບ ໜ້າທີ່ການເມືອງໃນໄລຍະໃໝ່ ນັບແຕ່ຂັ້ນສູນກາງລົງຮອດ ທ້ອງຖິ່ນ ຕາມພາລະບົດບາດ ໃໝ່ ໃຫ້ໄດ້ຕາມທິດກະທັດຮັດ, ບໍ່ໃຫຍ່ໂຕ, ມີປະສິດທິຜົນ, ປັບ ປຸງແກ້ໄຂການກ້າວກ່າຍໜ້າທີ່ ຫຼື ວຽກຊ້ຳຊ້ອນກັນໃຫ້ໄດ້ຢ່າງ ຂາດຕົວ, ແບ່ງຂັ້ນຄຸ້ມຄອງລະ ຫວ່າງຂັ້ນສູນກາງ ແລະ ທ້ອງ ຖິ່ນ ໃຫ້ຈະແຈ້ງ ພ້ອມທັງຮັບ ປະກັນການຈັດຕັ້ງປະຕິບັດ ໄດ້. 5. ສຸມໃສ່ການສ້າງແຜນ ກຳນົດພະນັກງານນຳພາ-ຄຸ້ມ ຄອງ, ການກຳນົດຕຳແໜ່ງງານ ໃຫ້ຖືກຕ້ອງ ແລະ ສອດຄ່ອງ ກັບສະພາບເປັນຈິງຫຼາຍຂຶ້ນ ກວ່າເກົ່າ, ສັບຊ້ອນຈັດວາງ ແລະ ບຳລຸງກໍ່ສ້າງພະນັກງານ ໄປຕາມແຜນກຳນົດ, ການບັນ ຈຸເຂົ້າໃນຕຳແໜ່ງນຳພາຄຸ້ມ ຄອງແຕ່ລະຂັ້ນ ຕ້ອງຮັບປະກັນ ມາດຕະຖານ-ເງື່ອນໄຂ, ຄວາມ ສະເໝີພາບ ຍິງ-ຊາຍ ແລະ ສົມ ຄູ່ກັບວິຊາສະເພາະທີ່ໄດ້ຮຽນ ມາ, ເອົາໃຈໃສ່ຈັດຕັ້ງຜັນຂະ ຫຍາຍ ແລະ ປະຕິບັດແຜນຍຸດ ທະສາດພັດທະນາ ແລະ ຄຸ້ມ ຄອງພະນັກງານ-ລັດຖະກອນ ຂອງຂະແໜງຊັບພະຍາກອນ ທຳມະຊາດ ຫແລະ ສິ່ງແວດ ລ້ອມ ຮອດປີ 2025 ໃຫ້ໄດ້ດີ, ເພີ່ມທະວີການກໍ່ສ້າງບຳລຸງ ພະນັກງານກັບທີ່ ແລະ ສົ່ງໄປ ສ້າງນຳຂະບວນການວຽກງານ ຕົວຈິງຢູ່ທ້ອງຖິ່ນຮາກຖານຖື ເປັນມາດຕະການໜຶ່ງ ໃນການ ສ້າງພະນັກງານສືບທອດ ແລະ ເອົາໃຈໃສ່ປະຕິບັດນະໂຍບາຍ ສະມາຊິກພັກ, ພະນັກງານ ຢ່າງຖືກຕ້ອງ ແລະ ເໝາະສົມ. 6. ຍົກສູງຄຸນນະພາບ ຂອງວຽກງານກວດກາພັກ, ກວດກາລັດ ແລະ ໃຫ້ດຳເນີນ ເປັນປົກກະຕິ, ເພີ່ມທະວີການ ຕິດຕາມກວດກາການເຄື່ອນ ໄຫວປະຕິບັດໜ້າທີ່ການເມືອງ ຂອງບັນດາກົມກອງກໍຄືການ ປະຕິບັດນະໂຍບາຍ, ກົດລະ ບຽບພັກ, ມະຕິ ຄຳສັ່ງຂອງ ພັກ, ຕິດຕາມກວດກາຄຸນທາດ ການເມືອງ ແລະ ຄຸມສົມບັດ ສິນທຳປະຕິວັດ, ແບບແຜນດຳ ລົງຊີວິດຂອງສະມາຊິກພັກ- ພະນັກງານ, ຖືເອົາການກວດ ກາການສ້າງໜ່ວຍພັກປອດ ໃສ, ເຂັ້ມແຂງ, ໜັກແໜ້ນເປັນ ປັດໄຈ ໃນການກວດກາ ແລະ ນຳພາພາຍໃນພັກ ຖ້າພົບເຫັນ ບັນຫາປະກົດການຫຍໍ້ທໍ້ກໍຕ້ອງ ໄດ້ຮີບຮ້ອນຄົ້ນຄວ້າແກ້ໄຂໃຫ້ ທັນການຕາມທິດຊີ້ນຳທີ່ວ່າ: ບັນຫາເກີດຂຶ້ນຢູ່ບ່ອນໃດຄະ ນະພັກຢູ່ບ່ອນນັ້ນຕ້ອງເປັນ ເຈົ້າການແກ້ໄຂ ຊຶ່ງໃນນີ້ ຕ້ອງ ຮີບຮ້ອນແກ້ໄຂສະພາບພະ ນັກງານທີ່ລະເມີດກົດລະບຽບ ຂອງພັກ, ກົດໝາຍ ແລະ ລະ ບຽບການຕ່າງໆຂອງລັດ, ຜູ້ທີ່ ເສື່ອມທາດຂາດຄຸນໃຫ້ໄດ້ ໂດຍ ໄວ ແລະ ເດັດຂາດທັນການ. 7. ເພີ່ມທະວີຊີ້ນຳ-ນຳພາ 3 ອົງການຈັດຕັ້ງມະຫາຊົນປະ ຕິບັດພາລະບົດບາດຂອງຕົນ ໃຫ້ໜັກແໜ້ນຂຶ້ນຕື່ມ ເພື່ອເສີມ ຂະຫຍາຍກຳລັງແຮງສັງລວມ ໃນທົ່ວກະຊວງ ເປັນເຈົ້າການ ເຂົ້າຮ່ວມການຈັດຕັ້ງຜັນຂະ ຫຍາຍແນວທາງຂອງພັກ, ແຜນ ພັດທະນາເສດຖະກິດ-ສັງຄົມ ຂອງລັດ ແລະ ແຜນຍຸດທະສາດ ຂອງກະຊວງໃຫ້ຟົດຟື້ນຫຼາຍ ຂຶ້ນກວ່າເກົ່າ. 8. ເອົາໃຈໃສ່ໃນການສືບ ຕໍ່ສ້າງ ແລະ ປັບປຸງນະໂຍບາຍ ຍຸດທະສາດ ແລະ ນິຕິກຳທີ່ ຕິດພັນກັບວຽກງານຊັບພະຍາ ກອນທຳມະຊາດ ແລະ ສິ່ງແວດ ລ້ອມ ໃຫ້ເປັນລະບົບຄົບຊຸດ, ໃຫ້ສຳເລັດໄປຕາມແຜນການ ວາງໄວ້ ພ້ອມທັງປະຕິບັດບັນ ດາກົດໝາຍ ແລະ ນິຕິກຳໃຕ້ ກົດໝາຍໃນຂົງເຂດຊັບພະຍາ ກອນທຳມະຊາດ ແລະ ສິ່ງແວດ ລ້ອມທີ່ມີແລ້ວ ໃຫ້ເຄັ່ງຄັດ ແລະ ເຂັ້ມງວດຫຼາຍຂຶ້ນກວ່າເກົ່າ. 9. ເອົາໃຈໃສ່ເຜີຍແຜ່ ແລະ ຈັດຕັ້ງຜັນຂະຫຍາຍ ມະຕິ ຂອງຄະນະບໍລິຫານງານສູນ ກາງພັກວ່າດ້ວຍການເພີ່ມທະ ວີວຽກງານຄຸ້ມຄອງ ແລະ ພັດ ທະນາທີ່ດິນ ໃນໄລຍະໃໝ່ ສະ ບັບເລກທີ 026/ຄບສພ ລົງ ວັນທີ 3 ສິງຫາ 2017 ໃຫ້ເຂົ້າ ສູ່ລວງເລິກ ແລະ ປະຕິບັດໄດ້ ຢ່າງມີປະສິດທິຜົນ, ພ້ອມທັງ ເອົາໃຈໃສ່ແກ້ໄຂບັນຫາທີ່ດິນ ທີ່ເກີດຂຶ້ນ ໃຫ້ໄດ້ໂດຍໄວ ແລະ ແກ້ໄຂໃຫ້ໄດ້ຂາດຕົວທັງໃຫ້ ຖືກຕ້ອງ ແລະ ສອດຄ່ອງກັບ ກົດໝາຍ ແລະ ລະບຽບການ, ສຸມໃສ່ຈັດສັນທີ່ດິນໃຫ້ໄດ້ຮັບ ຜົນດີຕາມແຜນແມ່ບົດຈັດສັນ ທີ່ດິນແຫ່ງຊາດ ທີ່ສະພາແຫ່ງ ຊາດໄດ້ຮັບຮອງມາແລ້ວ, ອອກ ສິດນຳໃຊ້ທີ່ດິນໃຫ້ໄດ້ຕາມແຜນ ການກຳນົດໄວ້, ສ້າງແຜນພັດ ທະນາ ແລະ ນຳໃຊ້ທີ່ດິນໃຫ້ ແທດເໝາະກັບສະພາບຄວາມ ເປັນຈິງ, ຄົ້ນຄວ້ານຳໃຊ້ທີ່ດິນ ສ້າງເປັນແຫຼ່ງລາຍຮັບສຳຄັນ ຂອງຊາດ; 10. ເອົາໃຈໃສ່ແກ້ໄຂ ບັນຫາສິ່ງແວດລ້ອມໃຫ້ຈິງຈັງ ຫຼາຍຂຶ້ນກວ່າເກົ່າ ໂດຍສະ ເພາະບັນຫາມົນລະພິດທາງ ອາກາດ, ການກຳຈັດສິ່ງເສດ ເຫຼືອໃນຕົວເມືອງ, ເອົາໃຈໃສ່ ໃນການຄຸ້ມຄອງຊັບພະຍາ ກອນນ້ຳໃຫ້ເປັນລະບົບ ແລະ ມີຄຸນນະພາບດີ ພ້ອມທັງກຽມ ພ້ອມຮັບມືກັບຜົນກະທົບ ຈາກ ສະພາບການປ່ຽນແປງດິນຟ້າ ອາກາດໃຫ້ທັນການ, ເພີ່ມທະ ວີວຽກງານສ້າງຈິດສຳນຶກກ່ຽວ ກັບການປົກປັກຮັກສາສິ່ງແວດ ລ້ອມ, ການປ້ອງກັນໄພພິບັດ ແລະ ການປ່ຽນແປງດິນຟ້າອາ ກາດໃຫ້ແກ່ມວນຊົນ ແລະ ກຸ່ມ ເປົ້າໝາຍທີ່ສຳຄັນໃນຂອບເຂດ ທົ່ວປະເທດ, ເອົາໃຈໃສ່ປັບປຸງ ຂອດປະສານງານ ປະສານສົມ ທົບກັບຂະແໜງການ ແລະອົງ ການປົກຄອງທ້ອງຖິ່ນໃຫ້ແໜ້ນ ແຟ້ນຫຼາຍຂຶ້ນກວ່າເກົ່າ ພ້ອມ ທັງເພີ່ມທະວີການຮ່ວມມື ແລະ ການເຊື່ອມໂຍງກັບພາກພື້ນ ແລະ ສາກົນ; 11. ສືບຕໍ່ປະສານສົມທົບ ກັບອົງການປົກຄອງທ້ອງຖິ່ນ ໃນການຈັດຕັ້ງປະຕິບັດວຽກ ງານ 3 ສ້າງໃຫ້ກວ້າງຂວາງ ແລະ ເຂົ້າສູ່ລວງເລິກຢ່າງເປັນ ຂະບວນການຕໍ່ເນື່ອງ ໃນຂະ ແໜງຊັບພະຍາກອນທຳມະ ຊາດ ແລະ ສິ່ງແວດລ້ອມໂດຍ ມີການຊີ້ນຳ-ນຳພາຢ່າງເລິກ ເຊິ່ງເຖິງຖອງ, ມີການຕິດຕາມ -ຊຸກຍູ້ ແລະ ກວດກາຢ່າງເປັນ ປະຈຳ. ພ້ອມນີ້, ກໍສຸມໃສ່ການ ປັບປຸງກົດໝາຍ ແລະ ນິຕິກຳ ໃຕ້ກົດໝາຍ ແລະ ນິຕິກຳ 3 ສ້າງ ຂອງຂະແໜງຊັບພະຍາ ກອນທຳມະຊາດ ແລະ ສິ່ງແວດ ລ້ອມໃຫ້ເປັນລະບົບຄົບຊຸດ. (ພາບ-ຂ່າວ: ພູວຽງຄຳ)