ກອງປະຊຸມຄັ້ງທີ 4 ຂອງຄະນະກຳມະການສະເພາະກິດແກ້ໄຂໄພພິບັດລະດັບຊາດ


...

28.08.2018 10:08     

   ກອງປະຊຸມຄັ້ງທີ 4 ຂອງ ຄະນະກຳມະການສະເພາະ ກິດແກ້ໄຂໄພພິບັດລະດັບຊາດ ພາຍໃຕ້ການເປັນປະທານ ຂອງທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ປະ ທານຄະນະກຳມະການສະ ເພາະກິດແກ້ໄຂໄພພິບັດລະ ດັບຊາດໄດ້ຈັດຂຶ້ນເມື່ອຕອນ ເຊົ້າຂອງວັນທີ 27 ສິງຫານີ້ ທີ່ ຫ້ອງປະຊຸມ ຊັ້ນ 3 ຕຶກສຳນັກ ງານນາຍົກລັດຖະມົນຕີ ໂດຍ ມີຄະນະຊີ້ນຳລວມ ແລະ ໜ່ວຍ ງານປະສານງານຂອງຄະນະ ກຳມະການດັ່ງກ່າວເຂົ້າຮ່ວມ. ໃນກອງປະຊຸມ ທ່ານ ສອນໄຊ ສີພັນດອນ ໃນນາມ ປະທານກອງປະຊຸມໄດ້ເຜີຍ ແຜ່ຄຳສັ່ງເລກທີ 06/ຄລສພ ລົງວັນທີ 16/8/2018 ວ່າດ້ວຍ ການເພີ່ມທະວີຄວາມຮັບຜິດ ຊອບຂອງຄະນະພັກໃນການ ນຳພາ-ຊີ້ນຳການປ້ອງກັນ ແລະຮັບມືໄພພິບັດທຳມະຊາດ, ຈາກນັ້ນໄດ້ຮັບຟັງການປະ ກອບຄຳເຫັນຂອງບັນດາຜູ້ຕາງ ໜ້າຈາກກະຊວງຕ່າງໆກ່ຽວ ກັບຜົນການຈັດຕັ້ງປະຕິບັດ ວຽກງານຂອງແຕ່ລະກະຊວງ ທີ່ຮັບຜິດຊອບໃນການແກ້ໄຂ ໄພພິບັດທີ່ເມືອງສະໜາມໄຊ ແຂວງອັດຕະປື ແລະ ຜ່ານທິດ ທາງແຜນການເຄື່ອນໄຫວໃນ ຕໍ່ໜ້າ. ຕອນທ້າຍຂອງກອງປະ ຊຸມ ທ່ານ ສອນໄຊ ສີພັນດອນ ໄດ້ໃຫ້ທິດຊີ້ນຳມອບຄວາມຮັບ ຜິດຊອບໃຫ້ແຕ່ລະການນຳກະ ຊວງສືບຕໍ່ຈັດຕັ້ງປະຕິບັດວຽກ ງານຈຸດສຸມທີ່ໄດ້ກຳນົດໄວ້ນັ້ນ ໃຫ້ມີຜົນສຳເລັດ, ເປັນຕົ້ນແມ່ນ ການປະເມີນຜົນເສຍຫາຍ, ສືບ ຕໍ່ຊອກຄົ້ນຫາຜູ້ສູນຫາຍ, ກະ ກຽມຈັດສຳມະນາແຜນຟື້ນຟູ ຫຼັງນ້ຳຖ້ວມ, ສະເພາະວຽກ ງານໂຍທາທິການແມ່ນໃຫ້ສືບ ຕໍ່ບັນດາວຽກທີ່ໄດ້ປະຕິບັດ ໄປແລ້ວໃຫ້ຮັບປະກັນທັງສາມ ເສັ້ນທາງໃຫ້ສະດວກຄື: ທາງ ບົກ, ທາງນ້ຳ ແລະ ທາງອາ ກາດ. ສ່ວນການສ້ອມແປງ ແລະ ກໍ່ສ້າງໃໝ່ໃຫ້ຮັບປະກັນ ດ້ານເຕັກນິກ, ບໍລິມາດວຽກ, ຫົວໜ່ວຍລາຄາມູນຄ່າການກໍ່ ສ້າງ ແລະ ກວດກາຄືນໂຄງ ການກໍ່ສ້າງຂອງຕ່າງປະເທດ ຊ່ວຍເຫຼືອທີ່ກ່ຽວຂ້ອງກັບກະ ຊວງຮັບຜິດຊອບ. ນອກນັັ້ນໃຫ້ ຈັດລະບົບສາງໃຫ້ມີຄວາມເປັນ ລະບຽບຮຽບຮ້ອຍ, ແຍກປະ ເພດເຄື່ອງຊ່ວຍເຫຼືອ ເພື່ອຫັນ ໄປສູ່ການຄຸ້ມຄອງທີ່ທັນສະ ໄໝ, ພ້ອມນັ້ນ ປະທານກອງ ປະຊຸມຍັງໄດ້ເນັ້ນໃຫ້ເອົາໃຈໃສ່ ບາງວຽກສຳຄັນດັ່ງນີ້: ໜຶ່ງ, ໃຫ້ ກະກຽມສ້າງທີ່ຢູ່ອາໄສໃຫ້ຜູ້ຖືກ ຜົນກະທົບຈາກນ້ຳຖ້ວມໃຫ້ ພຽງພໍ, ສອງ, ປະກອບເຄື່ອງ ໃຊ້ໃນຄົວເຮືອນໃຫ້ຄົບຖ້ວນ ພຽງພໍ. ສາມ, ອອກລະບຽບຄຸ້ມ ຄອງສູນພັກເຊົາຊົ່ວຄາວ ເພື່ອ ຄວາມເປັນລະບຽບຮຽບຮ້ອຍ. ສີ່, ສືບຕໍ່ສ້າງກິດຈະກຳຢູ່ສູນ ສຳລັບເດັກ. ຫ້າ, ກະກຽມໃຫ້ ເດັກໄດ້ເຂົ້າໂຮງຮຽນໃນສົກ ຮຽນໃໝ່ ແລະ ຫົກ, ສືບຕໍ່ເບິ່ງ ແຍງສຸຂະພາບຂອງຜູ້ຖືກຜົນ ກະທົບໃຫ້ມີສຸຂະພາບແຂງ ແຮງ. (ຂ່າວ: ບກ ປຊຊ)