ລັດຖະມົນຕີກະຊວງຍຸຕິທຳ ຕ້ອນຮັບທູດປະເທດເພື່ອນມິດ


...

28.08.2018 10:09     

   ທ່ານ ໄຊສີ ສັນຕິວົງ ລັດ ຖະມົນຕີກະຊວງຍຸຕິທຳ ໄດ້ ຕ້ອນຮັບທ່ານ ນາງ ໂກລດິນ ເລີດູ ເອກອັກຄະລັດຖະທູດ ຝຣັ່ງ ປະຈຳລາວ ເຂົ້າຢ້ຽມຂ່ຳນັບ ອຳລາ ເມື່ອວັນທີ 27 ສິງຫານີ້ ທີ່ກະຊວງດັ່ງກ່າວ, ໃນໂອກາດ ທີ່ທ່ານທູດສຳເລັດການປະຕິ ບັດໜ້າທີ່ການທູດ ປະຈຳ ສປປ ລາວ. ໃນໂອກາດດັ່ງກ່າວ ທ່ານ ລັດຖະມົນຕີກະຊວງຍຸຕິທຳ ໄດ້ກ່າວສະແດງຄວາມຕ້ອນ ຮັບຊົມເຊີຍຕໍ່ທ່ານ ນາງ ໂກລ ດິນ ເລີດູ ທີ່ສຳເລັດການປະຕິ ບັດໜ້າທີ່ເປັນເອກອັກຄະລັດ ຖະທູດຝຣັ່ງ ປະຈຳລາວ ໃນຄັ້ງ ນີ້ ຊຶ່ງຕະຫຼອດໄລຍະໃນການ ປະຕິບັດໜ້າທີ່ດັ່ງກ່າວ ແມ່ນ ໄດ້ເອົາໃຈໃສ່ຢ່າງຕັ້ງໜ້າໃນ ການປະກອບສ່ວນເສີມສ້າງ ສາຍພົວພັນຮ່ວມມື ແລະ ຊ່ວຍ ເຫຼືອຊຶ່ງກັນ ແລະ ກັນ ລະຫວ່າງ ລາວ-ຝຣັ່ງ ທີ່ມີມາແລ້ວນັ້ນ ໃຫ້ນັບມື້ນັບດີຂຶ້ນເປັນກ້າວໆ, ໃນໂອກາດນີ້, ທ່ານລັດຖະມົນ ຕີ ຍັງໄດ້ສະແດງຄວາມຂອບ ໃຈຕໍ່ທູດຝຣັ່ງ ທີ່ໃຫ້ການຮ່ວມ ມື, ຊຸກຍູ້ ແລະ ຊ່ວຍເຫຼືອໃນ ວຽກງານຍຸຕິທຳ ແລະ ກົດ ໝາຍ ໃນໄລຍະທີ່ຜ່ານມາ, ໃນ ນັ້ນ, ໄດ້ສະເໜີໃຫ້ສືບຕໍ່ແຜນ ການຮ່ວມມືລາວ-ຝຣັ່ງ ໃນຂົງ ເຂດວຽກງານຍຸຕິທຳ ແລະ ກົດ ໝາຍ, ຊ່ວຍຊຸກຍູ້ໂຄງການທີ່ ຈະໄດ້ຮັບການຊ່ວຍເຫຼືອຈາກ ອົງການ AFD ໃຫ້ສຳເລັດ ແລະ ໄດ້ຈັດຕັ້ງປະຕິບັດຕາມແຜນ ການ ແລະ ລະດັບຄາດໝາຍ. ທ່ານ ນາງ ໂກລດິນ ເລີດູ ກໍໄດ້ກ່າວ ສະແດງຄວາມຂອບ ໃຈຕໍ່ທ່ານລັດຖະມົນຕີກະຊວງ ຍຸຕິທຳ ທີ່ໄດ້ໃຫ້ການຕ້ອນຮັບ ຢ່າງອົບອຸ່ນ ແລະ ສະແດງ ຄວາມຂອບໃຈຕໍ່ອົງການຈັດ ຕັ້ງທຸກຂັ້ນຂອງລາວທີ່ໄດ້ໃຫ້ ການຮ່ວມມືໃນການປະຕິບັດ ໜ້າທີ່ເປັນເອກອັກຄະລັດຖະ ທູດ ປະຈຳລາວ ໃນຄັ້ງນີ້ຈົນປະ ສົບຜົນສຳເລັດ. ຕອນບ່າຍວັນດຽວກັນ ທ່ານ ໄຊສີ ສັນຕິວົງ ລັດຖະ ມົນຕີກະຊວງຍຸຕິທຳ ກໍໄດ້ຕ້ອນ ຮັບທ່ານ ໂຄຣດ ເຢີນ ເຊັນ (Claude Jentgen) ອຸປະທູດ ແຫ່ງລາຊະອານາຈັກລຸກຊຳ ບວກ ປະຈຳລາວ ເຂົ້າຢ້ຽມຂ່ຳ ນັບອຳລາເຊັ່ນດຽວກັນ. (ຂ່າວ: ສຳນານ)