ລາວ - ຫວຽດນາມ ເພີ່ມທະວີການຮ່ວມມືວຽກງານສານປະຊາຊົນສູງສຸດ


...

28.08.2018 10:11     

   ກອງປະຊຸມພົບປະສອງ ຝ່າຍລະຫວ່າງສານປະຊາຊົນ ສູງສຸດແຫ່ງ ສປປ ລາວ (ສປສສ) ກັບສານປະຊາຊົນສູງສຸດແຫ່ງ ສສ ຫວຽດນາມ ໄດ້ຈັດຂຶ້ນໃນ ວັນທີ 27 ສິງຫານີ້ ທີ່ສານປະ ຊາຊົນສູງສຸດ ຊຶ່ງຝ່າຍລາວນຳ ໂດຍທ່ານ ຄຳພັນ ສິດທິດຳພາ ປະທານສານປະຊາຊົນສູງສຸດ ແຫ່ງ ສປປ ລາວ, ຝ່າຍຫວຽດ ນາມນຳໂດຍທ່ານ ຫງວຽນ ຮວາ ບິງ ປະທານສານ ປະຊາ ຊົນສູງສຸດແຫ່ງ ສສ ຫວຽດນາມ ພ້ອມດ້ວຍຄະນະເຂົ້າຮ່ວມ. ໂອກາດດັ່ງກ່າວ ທ່ານປະ ທານສານປະຊາຊົນສູງສຸດ ໄດ້ ສະແດງຄວາມຊົມເຊີຍຍິນດີ ຕ້ອນຮັບທ່ານ ຫງວຽນ ຮວາ ບິງ ພ້ອມດ້ວຍຄະນະທີ່ໄດ້ມາ ຢ້ຽມຢາມ ແລະ ເຮັດວຽກຢູ່ ສປປ ລາວ ໃນລະຫວ່າງວັນທີ 26 ຫາ 28 ສິງຫານີ້, ການພົບ ປະຄັ້ງນີ້ສອງຝ່າຍໄດ້ລາຍງານ ການຈັດຕັ້ງປະຕິບັດໜ້າທີ່ວຽກ ງານວິຊາສະເພາະໃຫ້ກັນຊາບ ລວມທັງການພົວພັນຮ່ວມມື ລະຫວ່າງສານປະຊາຊົນສູງ ສຸດລາວ-ຫວຽດນາມໄດ້ຮັບ ການເສີມຂະຫຍາຍຢ່າງ ບໍ່ຢຸດຢັ້ງມີການແລກປ່ຽນ ການຢ້ຽມຢາມຂອງຄະນະ ຜູ້ແທນຂັ້ນສູງເປັນປົກກະຕິ, ໄດ້ແລກປ່ຽນຂໍ້ມູນຂ່າວສານ ທາງດ້ານວິຊາການ ແລະ ກົດ ໝາຍ. ໄດ້ປຶກສາຫາລືແລກ ປ່ຽນຄວາມຄິດເຫັນ ແລະ ສະ ໜັບສະໜູນຊຶ່ງກັນ ແລະ ກັນ, ໃນເວທີສາກົນ ແລະ ພາກພື້ນ, ໄດ້ແລກປ່ຽນບົດຮຽນໃນການ ດຳເນີນຄະດີ. ທ່ານປະທານສານ ປະຊາຊົນສູງສຸດ ສປປ ລາວ ຍັງໄດ້ກ່າວວ່າ: ໃນວຽກງານຕໍ່ ໜ້າຂໍໃຫ້ສືບຕໍ່ຊ່ວຍເຫຼືອອົບ ຮົມຜູ້ພິພາກສາກ່ຽວກັບການ ດຳເນີນຄະດີທາງປົກຄອງ ແລະ ບັນຫາໃໝ່ໆທີ່ເກີດຂຶ້ນ ເພື່ອສ້າງຄວາມຮັບຮູ້ໃໝ່ໃຫ້ ແກ່ຜູ້ພິພາກສາຂອງລາວໄດ້ ພັດທະນາຄຽງຄູ່ກັບສານປະ ຊາຊົນແຫ່ງ ສສ ຫວຽດນາມ. ໃນພິທີດັ່ງກ່າວ ທ່ານປະ ທານສານປະຊາຊົນສູງສຸດ ແຫ່ງ ສປປ ລາວ ກໍໄດ້ໃຫ້ກຽດ ມອບຫຼຽນກາລະນຶກ 35 ປີ ມູນເຊື້ອຂອງສານປະຊາຊົນ ໃຫ້ທ່ານ ຫງວຽນ ຮວາ ບິງ ແລະ ທ່ານ ບຸຍ ຫງອກ ຮວາ ອະດີດຮອງປະທານສານປະ ຊາຊົນສູງສຸດແຫ່ງ ສສ ຫວຽດ ນາມ ທີ່ໄດ້ມີຄຸນງານຄວາມດີ ໃນການປະກອບສ່ວນຊ່ວຍ ພັດທະນາສານປະຊາຊົນສູງ ສຸດແຫ່ງ ສປປ ລາວ ໃນໄລ ຍະຜ່ານມາ. ໃນໂອກາດນີ້ທ່ານ ຫງວຽນ ຮວາ ບິງ ໄດ້ນຳເອົາອຸປະກອນ ຄອມພິວເຕີແລັບທ໊ອບຈຳ ນວນ 10 ຊຸດ ແລະ ໄດ້ມອບ ເງິນຈຳນວນ 500 ລ້ານດົງ (ສະກຸນເງິນຫວຽດນາມ) ຫຼື ປະ ມານ 180 ລ້ານກີບ ໃຫ້ສານ ປະຊາຊົນສູງສຸດແຫ່ງ ສປປ ລາວ ເພື່ອນຳໄປຊ່ວຍເຫຼືອຜູ້ ປະສົບໄພນ້ຳຖ້ວມ ຢູ່ເມືອງສະ ໜາມໄຊ ແຂວງອັດຕະປື. ສ.ເກົາຫຼີ ໃຫ້ການຊ່ວຍເຫຼືອວຽກງານລະເບີດບໍ່ທັນແຕກ ທ່ານ ຊິນຊ່ອງຊຸນ ເອກ ອັກຄະລັດຖະທູດ ສ.ເກົາຫຼີ ປະ ຈຳ ລາວ ພ້ອມພາກສ່ວນທີ່ກ່ຽວ ຂ້ອງໄດ້ລົງຢ້ຽມຢາມວຽກງານ ແກ້ໄຂບັນຫາລະເບີດບໍ່ທັນ ແຕກ ຢູ່ແຂວງຊຽງຂວາງ ເມື່ອ ທ້າຍອາທິດຜ່ານມາ. ການລົງຢ້ຽມຢາມຄັ້ງນີ້ ແມ່ນເພື່ອປະເມີນໂຄງການ ຊ່ວຍເຫຼືອວຽກງານດັ່ງກ່າວ ຊຶ່ງ ນັບແຕ່ປີ 2014 ລັດຖະບານ ສ.ເກົາຫຼີ ໄດ້ໃຫ້ການສະໜັບ ສະໜູນຂະແໜງແກ້ໄຂລະເບີດ ບໍ່ທັນແຕກທີ່ຕົກຄ້າງຢູ່ ສປປ ລາວ ໂດຍຜ່ານອົງການກອຍ ກາ ປະຈຳລາວ ແລະ ອົງການ ສປຊ ເພື່ອການພັດທະນາປະ ຈຳລາວ ໃນການສະໜັບສະ ໜູນ ໃນໄລຍະທີໜຶ່ງມີມູນຄ່າ 3 ລ້ານໂດລາ ແລະ ຈະສືບຕໍ່ ສະໜັບສະໜູນໄລຍະສອງໃນ ປີໜ້າ, ໂຄງການດັ່ງກ່າວ ປະ ກອບມີກິດຈະກຳຫຼັກຄື: ວຽກ ໂຄສະນາສຶກສາຄວາມສ່ຽງ ໄພຈາກລະເບີດບໍ່ທັນແຕກ, ການສ້າງຄວາມອາດສາມາດ ແລະ ການປະຕິບັດງານຫ້ອງ ການຄະນະກຳມະການຄຸ້ມຄອງ ແຫ່ງຊາດ ເພື່ອແກ້ໄຂບັນຫາ ລະເບີດບໍ່ທັນແຕກທີ່ຕົກຄ້າງຢູ່ ສປປ ລາວສູນກາງ (ຄຊກລ) ສະໜັບສະ ໜູນການຊ່ວຍເຫຼືອ ຜູ້ຖືກເຄາະ ຮ້າຍຈາກລະເບີດບໍ່ທັນແຕກ ແລະ ອື່ນໆ. ທ່ານ ຊິນຊ່ອງຊຸນ ໃຫ້ສຳ ພາດຕໍ່ກັບນັກຂ່າວພວກເຮົາ ວ່າ: ກ່ຽວກັບບັນຫາລະເບີດ ບໍ່ທັນແຕກແມ່ນໄດ້ສຸມໃສ່ກ່ຽວ ກັບການເກັບກູ້ລະເບີດ ຂະ ຫຍາຍສະຖານທີ່ເພື່ອຮອງຮັບ ແຜນການພັດທະນາເສດຖະ ກິດ ໂດຍສະເພາະຂະຫຍາຍ ບ່ອນຜະລິດໃຫ້ແກ່ປະຊາຊົນ ໃນການທຳມາຫາກິນ, ເອົາໃຈ ໃສ່ດູແລໂດຍສະເພາະການ ປິ່ນປົວຜູ້ທີ່ຖືກເຄາະຮ້າຍ ແລະ ການສົ່ງເສີມການມີວຽກເຮັດ ງານທຳ ແລະ ມີວິຊາຊີບ ທ່ານ ກ່າວຕື່ມວ່າ ເພື່ອເຮັດໃຫ້ການ ພັດທະນາເສດຖະກິດເປັນໄປ ໄດ້ດີຈຳເປັນຕ້ອງ ມີຄວາມຮັບ ປະກັນດ້ານຄວາມປອດໄພ ຈາກລະເບີດບໍ່ທັນແຕກ ໃນທົ່ວ ທຸກບ່ອນກໍຄືໃນທົ່ວປະເທດ ລາວ ແຕ່ມາເບິ່ງໃນປັດຈຸບັນ ໂດຍສະເພາະໃນການປິ່ນປົວ ແລະ ເບິ່ງແຍງຜູ້ທີ່ໄດ້ຮັບເຄາະ ຮ້າຍຈາກລະເບີດບໍ່ທັນແຕກ ຖືວ່າເລື່ອງງົບປະມານຍັງມີຈຳ ກັດ ສະນັ້ນ, ຈຶ່ງມີຄວາມຈຳ ເປັນຢ່າງຍິ່ງຕ້ອງການທຶນ ເຂົ້າ ມາຊ່ວຍເຫຼືອຈາກຫຼາຍພາກ ສ່ວນ, ເຖິງວ່າມາຮອດປັດຈຸ ບັນຈະມີຫຼາຍປະເທດລວມ ທັງ ສ. ເກົາຫຼີ ແລະ ອົງການ ຈັດຕັ້ງສາກົນຈະໃຫ້ການຊ່ວຍ ເຫຼືອໃນການເກັບກູ້ລະເບີດ ແລະ ໃຫ້ການຊ່ວຍເຫຼືອແກ່ ຜູ້ຖືກປະສົບເຄາະຮ້າຍແຕ່ ມາເບິ່ງສະພາບຕົວຈິງຍັງບໍ່ ທັນພຽງພໍກັບຄວາມຕ້ອງການ, ລັດຖະບານ ສ ເກົາຫຼີ ໄດ້ໃຫ້ ການຊ່ວຍເຫຼືອ ໃນວຽກງານ ເກັບກູ້ລະເບີດໄລຍະທີໜຶ່ງ ໃນມູນຄ່າ 3 ລ້ານ ໂດລາໂດຍ ຜ່ານກອງທຶນຂອງ ອົງການ UNDP ນັບ ແຕ່ປີ 2015-2018 ແລະ ໃນປີຕໍ່ໄປຈະໄດ້ ເພີ່ມທຶນໃນການຊ່ວຍເຫຼືອດັ່ງ ກ່າວ ເປັນ 5.5 ລ້ານໂດລາ ຊຶ່ງຈະເລີ່ມໃນປີ 2019-2022 ຫວັງຢ່າງຍິ່ງວ່າການຊ່ວຍເຫຼືອ ຂອງລັດຖະບານ ສ ເກົາຫຼີ ຈະ ເປັນແບບຢ່າງໃຫ້ແກ່ປະເທດ ອື່ນໆ ທີ່ຈະໃຫ້ການຊ່ວຍເຫຼືອ ແກ່ ສປປ ລາວ. (ຂ່າວ: ສຳນານ)