ຮອງນາຍົກ ລົງຕິດຕາມສະພາບນ້ຳຖ້ວມຢູ່ບ້ານແສນດິນ


...

30.08.2018 9:39     

   ທ່ານ ສອນໄຊ ສີພັນ ດອນ ຮອງນາຍົກລັດຖະມົນຕີ ປະທານຄະນະກຳມະການສະ ເພາະກິດແກ້ໄຂໄພພິບັດລະ ດັບຊາດ ພ້ອມດ້ວຍຄະນະໄດ້ ເດີນທາງໄປເຄື່ອນໄຫວຕິດ ຕາມສະພາບໄພນ້ຳຖ້ວມ ຢູ່ທີ່ ບ້ານແສນດິນ ເມືອງນາຊາຍ ທອງ ນະຄອນຫຼວງວຽງຈັນ ໃນ ວັນທີ 28 ສິງຫາຜ່ານມາ ໂດຍ ການໃຫ້ກຽດຕ້ອນຮັບຂອງອຳ ນາດການປົກຄອງເມືອງ, ບ້ານ ແລະ ປະຊາຊົນເມືອງນາຊາຍ ທອງ. ບ້ານແສນດິນເປັນບ້ານ ໜຶ່ງ ທີ່ໄດ້ຮັບຜົນກະທົບຈາກ ໄພນ້ຳຖ້ວມມີ 282 ຫຼັງຄາ ເຮືອນ, 309 ຄອບຄົວ, ມີພົນ ລະເມືອງທັງໝົດ 1,3 ພັນຄົນ, ມີເນື້ອທີ່ 1.400 ກວ່າເຮັກ ຕາ, ເນື້ອທີ່ທຳການຜະລິດມີ 1.300 ກວ່າເຮັກຕາ ຊຶ່ງນັບ ແຕ່ວັນທີ 17-28 ສິງຫາ 2018ລະດັບນ້ຳໄດ້ມີການເພີ່ມຂຶ້ນ ຢ່າງຕໍ່ເນື່ອງ ແລະ ໄດ້ໄຫຼເຂົ້າ ຖ້ວມເຮືອນຊານ ແລະ ເຂດ ທຳການຜະລິດຂອງປະຊາ ຊົນເປັນຈຳນວນຫຼວງຫຼາຍ, ເສັ້ນທາງເຂົ້າຫາບ້ານຖືກ ຕັດຂາດ, ປະຊາຊົນຈຳນວນ ໜຶ່ງຂາດທີ່ຢູ່ອາໄສ ແລະ ເຄື່ອງ ອຸປະໂພກ - ບໍລິໂພກ. ຕໍ່ກັບ ເຫດການທີ່ເກີດຂຶ້ນໃນ ເບື້ອງ ຕົ້ນ ອຳນາດການປົກຄອງເມືອງ ແລະ ບ້ານ ໄດ້ສຸມທຸກກຳລັງ ເຂົ້າໄປຊ່ວຍເຫຼືອປະຊາຊົນ ທີ່ໄດ້ຮັບຜົນກະທົບ ໂດຍໄດ້ ມີການຍົກຍ້າຍປະຊາຊົນ ຈຳ ນວນ 10 ຄອບຄົວ, ວັດຖຸສິ່ງ ຂອງ ແລະ ສັດລ້ຽງຂອງປະຊາ ຊົນອອກຈາກພື້ນທີ່ນ້ຳຖ້ວມ ເຂົ້າມາຢູ່ທີ່ພັກບ່ອນທີ່ປອດໄພ ໄດ້ສ້າງຄູກັ້ນນ້ຳ ແລະ ຊ່ວຍ ເຫຼືອດ້ານສາທາລະນະສຸກ ໃຫ້ ຜູ້ທີ່ຖືກຜົນກະທົບ. ສຳລັບຜົນ ເສຍຫາຍໃນເບື້ອງຕົ້ນຍັງບໍ່ສາ ມາດປະເມີນໄດ້. ໃນໂອກາດເດີນທາງມາ ເຄື່ອນໄຫວຢ້ຽມຢາມ ແລະ ຕິດ ຕາມສະພາບນ້ຳຖ້ວມ ຢູ່ທີ່ບ້ານ ແສນດິນໃນຄັ້ງນີ້, ທ່ານ ສອນໄຊ ສີພັນດອນ ໄດ້ຊີ້ນຳໃຫ້ອຳນາດ ການປົກຄອງເມືອງ, ບ້ານ ແລະ ທຸກພາກສ່ວນທີ່ກ່ຽວຂ້ອງໃຫ້ ເອົາໃຈໃສ່ໃນການຕິດຕາມ ແລະ ເຝົ້າລະວັງກ່ຽວກັບລະດັບ ນ້ຳຢ່າງໃກ້ຊິດ. ພ້ອມດຽວກັນ ນີ້, ກໍໃຫ້ເອົາໃຈໃສ່ປົກປັກຮັກ ສາວັດຖຸສິ່ງຂອງມີຄ່າຕ່າງໆ ຂອງປະຊາຊົນ ທີ່ຍົກຍ້າຍມາ ຢູ່ທີ່ປອດໄພນັ້ນ ເພື່ອບໍ່ໃຫ້ຕົກ ເຮ່ຍເສຍຫາຍ. (ຂ່າວ: ກົມປະຊາສຳພັນ ຫສນຍ)