ເຜີຍແຜ່ເຊື່ອມຊຶມວຽກງານນະໂຍບາຍ ການຕ່າງປະເທດອົດສະຕຣາລີ


...

30.08.2018 9:41     

   (ຂປລ). ຄະນະໂຄສະນາ ອົບຮົມສູນກາງພັກຮ່ວມກັບ ສະຖານທູດອົດສະຕຣາລີ ປະຈຳລາວ ຈັດພິທີເຜີຍແຜ່, ເຊື່ອມຊຶມວຽກງານນະໂຍບາຍ ການຕ່າງປະເທດຂອງອົດສະ ຕຣາລີ. ທັງນີ້, ເພື່ອແນໃສ່ເຮັດ ໃຫ້ພະນັກງານພາຍໃນເຂົ້າໃຈ ກ່ຽວກັບນະໂຍບາຍ, ແນວທາງ ວຽກງານການຕ່າງປະເທດ ຂອງອົດສະຕຣາລີໃຫ້ຫຼາຍ ຂຶ້ນ, ຊຶ່ງໄດ້ຈັດຂຶ້ນໃນວັນທີ 29 ສິງຫາ 2018 ທີ່ຄະນະໂຄສະ ນາອົບຮົມສູນກາງພັກ ໃຫ້ກຽດ ເຂົ້າຮ່ວມໂດຍ ທ່ານ ຄຳໝັ້ນ ຈັນທະລັງສີ ຮອງຫົວໜ້າຄະນະ ໂຄສະນາອົບຮົມສູນກາງພັກ ພ້ອມດ້ວຍພະນັກງານຈາກ ກະຊວງຕ່າງໆເຂົ້າຮ່ວມ. ໃນໂອກາດນີ້, ທ່ານ ຊອງ ເບີນາດ ຄາຣາສໂກ ເອກອັກ ຄະລັດຖະທູດອົດສະຕຣາລີ ປະຈຳລາວ ໄດ້ຂຶ້ນເຜີຍແຜ່ເອ ກະສານດັ່ງກ່າວ ຊຶ່ງໄດ້ຍົກໃຫ້ ເຫັນເຖິງສະພາບລວມຂອງເອ ກະສານປົກຂາວ (White Paper) ກ່ຽວກັບນະໂຍບາຍການ ຕ່າງປະເທດຂອງອົດສະຕຣາ ລີ ໃນການເຊື່ອມໂຍງກັບພາກ ພື້ນ ແລະ ສາກົນ, ພື້ນຖານຂອງ ຄວາມສຳເລັດ, ແຜນງານດ້ານ ໂອກາດ, ຄວາມໝັ້ນຄົງ ແລະ ຄວາມເຂັ້ມແຂງ, ສະຖຽນລະ ພາບ ແລະ ຄວາມຈະເລີນຮຸ່ງ ເຮືອງຂອງພາກພື້ນອິນໂດ-ປາຊີຟິກ, ກົດລະບຽບສາ ກົນ ແລະ ການຮ່ວມມື ໃນການ ປົກປ້ອງຄວາມສົນໃຈຂອງອົດ ສະຕຣາລີ, ການແລກປ່ຽນ ຄວາມໝັ້ນຄົງ, ຄວາມຈະເລີນ ຮຸ່ງເຮືອງ ແລະ ອື່ນໆ. ສາຍພົວພັນການທູດ ລາວ-ອົດສະຕຣາລີ ໄດ້ຮັບ ການສ້າງຕັ້ງຂຶ້ນແຕ່ວັນທີ 15 ມັງກອນ 1952 ປັດຈຸບັນຄົບ ຮອບ 66 ປີ ຊຶ່ງການພົວພັນ ຮ່ວມມືຂອງສອງປະເທດ ແມ່ນ ໄດ້ສືບຕໍ່ພັດທະນາຢ່າງຕໍ່ ເນື່ອງ ແລະ ຂະຫຍາຍຕົວຢ່າງ ບໍ່ຢຸດຢັ້ງໄລຍະຜ່ານມາລັດຖະ ບານອົດສະຕຣາລີ ໄດ້ໃຫ້ການ ຊ່ວຍເຫຼືອ, ສະໜັບສະໜູນ ແລະ ຮ່ວມມື ໃນຫຼາຍດ້ານ ເປັນຕົ້ນແມ່ນດ້ານການສຶກສາ ການພັດທະນາຊັບພະຍາ ກອນມະນຸດ, ການຄ້າ-ການລົງ ທຶນ, ການເກັບກູ້ລະເບີດບໍ່ທັນ ແຕກ, ການສະໜັບສະໜູນໃນ ຂອບການຮ່ວມມື ເພື່ອຄຸ້ມຄອງ ຊັບພະຍາກອນນ້ຳ ແລະອື່ນໆ. (ຂ່າວ: ກິດຕາ, ພາບ: ໄອຄຳ)