ຮອງປະທານສະພາແຫ່ງຊາດ ຢ້ຽມຢາມປະຊາຊົນ ທີ່ປະສົບໄພນ້ຳຖ້ວມ ຢູ່ເມືອງຍົມມະລາດ


...

31.08.2018 9:16     

   ທ່ານ ບຸນປອນ ບຸດຕະ ນະວົງ ຮອງປະທານສະພາ ແຫ່ງຊາດ ແລະ ທ່ານ ບຸນມີ ພິມມະສອນ ຮອງເຈົ້າແຂວງ ຄຳມ່ວນ ໄດ້ລົງຢ້ຽມຢາມປະ ຊາຊົນທີ່ປະສົບໄພນ້ຳຖ້ວມ ຢູ່ເມືອງຍົມມະລາດ ເມື່ອບໍ່ດົນ ມານີ້, ຊຶ່ງໄດ້ຮັບການຕ້ອນຮັບ ຈາກຄະນະນຳຂັ້ນເມືອງ, ຫ້ອງ ການທີ່ກ່ຽວຂ້ອງ ແລະ ປະຊາ ຊົນພາຍໃນເມືອງ. ທ່ານ ຄູນສີ ແສງດາລາ ຮອງເຈົ້າເມືອງໆຍົມມະລາດໄດ້ລາຍງານສະພາບລວມຂອງ ໄພນ້ຳຖ້ວມໃຫ້ທ່ານຮອງປະ ທານສະພາແຫ່ງຊາດ ຮັບຮູ້ວ່າ: ເມືອງຍົມມະລາດ ມີທັງໝົດ 46 ບ້ານ, ມີ 3 ກຸ່ມບ້ານ, ມີ 27 ບ້ານໃຫຍ່ຂຶ້ນກັບເມືອງ, ມີ ພົນລະເມືອງທັງໝົດ 34.369 ຄົນ, ຍິງ 17.437 ຄົນ, ມີ 7.552 ຄອບຄົວ, ມີ 6.859 ຫຼັງຄາເຮືອນ ປະຊາຊົນສ່ວນ ຫຼາຍແມ່ນມີອາຊີບປູກຝັງ-ລ້ຽງສັດ ແລະ ຄ້າຂາຍເປັນຕົ້ນ ຕໍ, ຕໍ່ກັບສະພາບນ້ຳຖ້ວມທີ່ ຜ່ານມາເມືອງຍົມມະລາດໄດ້ ຖືກຜົນກະທົບຈາກພາຍຸເຊິນ ຕິນ ເຮັດໃຫ້ບ້ານເຮືອນຂອງປະ ຊາຊົນຖືກນ້ຳຖ້ວມທັງໝົດ 24 ບ້ານ ຖ້ວມໜັກ 14 ບ້ານ, ມີ ຄອບຄົວທັງໝົດ 3.537 ຄອບ ຄົວ, ມີພົນລະເມືອງ 15.889 ຄົນ, ຍິງ 8.123 ຄົນ, ຖືກຜົນ ກະທົບຕົວຈິງມີ 2.660 ຄອບ ຄົວ, ພົນລະເມືອງ 11.873 ຄົນ, ຍິງ 6.010 ຄົນ, ໄດ້ກຳ ນົດສູນລົບໄພ ເພື່ອຊ່ວຍເຫຼືອ ປະຊາຊົນ 5 ຈຸດ ຊຶ່ງຄະນະພັກ, ຄະນະຮັບຜິດຊອບ ແລະ ພາກ ສ່ວນຕ່າງໆໄດ້ພ້ອມກັນລົງ ຊ່ວຍເຫຼືອຜູ້ປະສaົບໄພນ້ຳຖ້ວມ ແຕ່ວັນທີ 25 ກໍລະກົດ 2018 ຈົນຮອດວັນທີ 8 ສິງຫາ 2018 ລະດັບນ້ຳ ຈຶ່ງກັບເຂົ້າສູ່ສະພາບ ປົກກະຕິ ແຕ່ເຂດລ້ອງນ້ຳເຊ ບັ້ງໄຟແມ່ນຍັງຖືກນ້ຳຖ້ວມຢູ່, ມີເນື້ອທີ່ການຜະລິດທັງໝົດ 24 ບ້ານ, ມີ 3.665 ເຮັກຕາ, ໃນນັ້ນ, ຖືກນ້ຳຖ້ວມ 2.550 ເຮັກຕາ, ເສຍຫາຍ 1.897 ເຮັກຕາ, ເນື້ອທີ່ສວນ 39 ເຮັກ ຕາ, ຖືກນ້ຳຖ້ວມ 100%, ມີ ຄວາຍຕາຍຈຳນວນ 6 ໂຕ, ໜອງປາ 107 ໜອງ, ມີເນື້ອທີ່ 2 ເຮັກຕາ, ຈຳນວນລູກປາທີ່ເສຍ ຫາຍ 100.000 ໂຕ, ມີເສັ້ນ ທາງຖືກຕັດຂາດ ໂດຍສະເພາະ ແມ່ນເສັ້ນທາງເລກທີ 12 , ເສັ້ນ ທາງແຕ່ບ້ານໄຮຫາບ້ານທ່າ ໂຈນ, ເສັ້ນທາງແຕ່ບ້ານນາ ໂຊກຫາບ້ານໂພນແສດ ທັງ ໝົດແມ່ນຖືກຕັດຂາດການລຳ ລຽງຂົນສົ່ງເຄື່ອງຊ່ວຍເຫຼືອປະ ຊາຊົນແມ່ນໃຊ້ເຮືອນຳສົ່ງມູນ ຄ່າການເປ່ເພຂອງເສັ້ນທາງ ແມ່ນ 1,5 ຕື້ກີບ, ມີໂຮງຮຽນ ຖືກນ້ຳຖ້ວມ 3 ແຫ່ງ, ສຸກສາລາ 1 ແຫ່ງ ສະພາບຄົນເຈັບໃນ ໄລຍະນ້ຳຖ້ວມມີກໍລະນີເຈັບ ປ່ວຍທັງໝົດ 339 ຄົນ ໃນນັ້ນ, ມີເດັກນ້ອຍລຸ່ມ 5 ປີ ມີ 5 ຄົນ, ພະຍາດທີ່ເກີດມີໄຂ້ຫວັດ, ຖອກທ້ອງ, ເຈັບກະເພາະ, ພະ ຍາດຕຸ່ມຄັນ ແລະ ພະຍາດ ອື່ນໆ, ດ້ານການຊ່ວຍເຫຼືອຄະ ນະກຳມະການປ້ອງກັນ ແລະ ຄວບຄຸມໄພພິບັດໄດ້ນຳເອົາ ເຄື່ອງອຸປະໂພກ ແລະ ບໍລິໂພກ, ເຄື່ອງໃຊ້ທີ່ຈຳເປັນທີ່ໄດ້ຈາກ ການຊ່ວຍເຫຼືອຈາກພາກສ່ວນ ຕ່າງໆ ນຳລົງແຈກຢາຍໃຫ້ຜູ້ ປະສົບໄພນ້ຳຖ້ວມຈຳນວນ 24 ບ້ານ ແລະ ໃຫ້ບ້ານທີ່ບໍ່ຖືກຜົນ ກະທົບຈຳນວນໜຶ່ງໃນນັ້ນມູນ ນິທິ, ອົງການ ແລະ ບຸກຄົນ ບາງສ່ວນກໍລົງໄປແຈກຢາຍ ດ້ວຍຕົນເອງ ຊຶ່ງລວມມູນຄ່າ ໄດ້ຮັບບໍລິຈາກທັງໝົດ 1,5 ຕື້ ກີບ. ທ່ານ ບຸນປອນ ບຸດຕະ ນະວົງ ຍັງໄດ້ໂອ້ລົມກັບປະຊາ ຊົນ ແລະ ຍັງໄດ້ມອບເຄື່ອງອຸ ປະໂພກ ແລະ ບໍລິໂພກຊ່ວຍ ເຫຼືອບັນເທົາທຸກໃຫ້ແກ່ປະຊາ ຊົນອີກຈຳນວນໜຶ່ງ ຊຶ່ງມີມູນ ຄ່າທັງໝົດ 45 ລ້ານກວ່າກີບ. (ຂ່າວ: ຄຳພູວາ)