ເຈົ້າແຂວງເຊກອງ ເຄື່ອນໄຫວເຮັດວຽກຢູ່ເມືອງດາກຈຶງ


...

31.08.2018 9:19     

   ທ່ານ ຄຳເຜີຍ ບຸດດາວຽງ ກຳມະການສູນກາງພັກ ເລຂາ ພັກແຂວງ ເຈົ້າແຂວງເຊກອງ ພ້ອມຄະນະ ໄດ້ເຄື່ອນໄຫວ ເຮັດວຽກຢູ່ເມືອງດາກຈຶງ ໃນ ວັນທີ 24 ສິງຫາ ຜ່ານມາ ຊຶ່ງ ການລົງເຮັດວຽກໃນຄັ້ງນີ້ ແມ່ນ ເພື່ອນຳເອົາເຄື່ອງຊ່ວຍເຫຼືອ ໄປມອບໃຫ້ເມືອງດາກຈຶງທີ່ ໄດ້ຮັບຜົນກະທົບຈາກນ້ຳ ເຊາະເຈື່ອນສ້າງຄວາມເສຍ ຫາຍໃຫ້ແກ່ຊີວິດ ແລະ ຊັບສິນ ຂອງພໍ່ແມ່ປະຊາຊົນເຂດດາກ ປາ ແລະ ເຂດອາຢູນ. ໂອກາດນີ້ ທ່ານ ວິໄລສັກ ບຸດດາກກັງ ຮອງເຈົ້າເມືອງ ດາກຈຶງ ໄດ້ກ່າວລາຍງານສະ ພາບຄວາມເສຍຫາຍຈາກ ການເຊາະເຈື່ອນຂອງນ້ຳໂດຍ ສະເພາະເນື້ອທີ່ການຜະລິດ ຖືກນ້ຳເຊາະ, ເສັ້ນທາງຖືກຕັດ ຂາດເປ່ເພທັງໝົດ 30 ຈຸດ ໂຮງ ຮຽນ, ຫໍພັກກໍໄດ້ຮັບຄວາມເສຍ ຫາຍຈຳນວນໜຶ່ງ ຊຶ່ງເຮັດໃຫ້ ພາຫະນະຕ່າງໆບໍ່ສາມາດເຂົ້າ ເຖິງບ່ອນທີ່ໄດ້ຮັບຜົນກະທົບ ໄດ້ທັນເວລາ. ນອກນີ້, ຍັງມີ ເຮືອນປະຊາຊົນ ບ້ານຕັ່ງຕະຣັງຈຳນວນ 7 ຫຼັງຄາເຮືອນທີ່ໄດ້ ຮັບຜົນກະທົບຈາກອັກຄີໄພ ຊຶ່ງເຄື່ອງທີ່ນຳມາມອບ ໃນ ຄັ້ງນີ້ ປະກອບມີເຄື່ອງນຸ່ງຫົ່ມ 895 ກະສອບ, ນ້ຳດື່ມ 1.300 ແພັກ, ໝີ່ແກັດນ້ອຍ 73 ແກັດ, ສັງກະສີ 50 ແຜ່ນ, ເຫຼັກຕະປູ 5 ກັບ ໂອກາດດຽວກັນນີ້ ທ່ານ ເຈົ້າແຂວງໆເຊກອງກໍໄດ້ ກ່າວສະແດງຄວາມຂອບໃຈ ມາຍັງການນຳຂອງເມືອງກໍຄື ພາກສ່ວນທີ່ກ່ຽວຂ້ອງທີ່ໄດ້ ເອົາໃຈໃສ່ຊ່ວຍເຫຼືອພໍ່ແມ່ປະ ຊາຊົນບັນດາເຜົ່າ ແລະ ທ່ານ ໄດ້ໃຫ້ທິດຊີ້ນຳຕື່ມວ່າ: ທຸກ ພາກສ່ວນຕ້ອງເປັນເຈົ້າການ ໃນການຊ່ວຍເຫຼືອປະຊາຊົນ ທີ່ໄດ້ຮັບຜົນກະທົບ ໃນຄັ້ງນີ້ ພ້ອມທັງເຝົ້າ ລະວັງສະພາບ ໄພພິບັດຕ່າງໆທີ່ອາດຈະເກີດ ຂຶ້ນໃນຕໍ່ໜ້າ ເພື່ອກະກຽມຮັບ ມື ແລະ ແກ້ໄຂໃຫ້ທັນເວລາ. (ຂ່າວ: ປີຊາ ສິງສັກສິດ)