ສະຖານທູດຫວຽດນາມ ຈັດງານລ້ຽງ ສະເຫຼີມສະຫຼອງວັນຊາດ ຄົບຮອບ 73 ປີ


...

03.09.2018 10:23     

   ສະຖານທູດຫວຽດນາມ ປະຈຳລາວ ໄດ້ຈັດງານລ້ຽງສະ ເຫຼີມສະຫຼອງວັນຊາດ ຄົບຮອບ 73 ປີ (2/9/1945-2/9/2018) ໃນຕອນຄ່ຳຂອງວັນທີ 31 ສິງຫາຜ່ານມານີ້ ທີ່ໂຮງແຮມ ເມືອງແທ໋ງ ນະຄອນຫຼວງວຽງ ຈັນ, ເປັນກຽດເຂົ້າຮ່ວມງານ ລ້ຽງໂດຍ ທ່ານ ໄຊສົມພອນ ພົມວິຫານ ກຳມະການກົມ ການເມືອງສູນກາງພັກ ປະ ທານສູນກາງແນວລາວສ້າງ ຊາດ, ທ່ານ ສິນລະວົງ ຄຸດໄພ ທູນ ກຳມະການກົມການເມືອງ ສູນກາງພັກ ເລຂາຄະນະພັກ ເຈົ້າຄອງ ນະຄອນຫຼວງວຽງ ຈັນ, ບັນດາທ່ານອຸປະທູດ ພ້ອມ ດ້ວຍແຂກຖືກເຊີນເຂົ້າຮ່ວມ ຢ່າງພ້ອມພຽງ. ໃນພິທີ, ທ່ານ ຫງວຽນ ບ່າ ຮຸ່ງ ເອກອັກຄະລັດຖະທູດວິສາ ມັນຜູ້ມີອຳນາດເຕັມ ແຫ່ງ ສສ ຫວຽດນາມ ປະຈຳລາວ ໄດ້ ກ່າວບາງຕອນທີ່ສຳຄັນວ່າ: ຕະຫຼອດໄລຍະ 73 ປີທີ່ຜ່ານ ມາ, ພາຍໃຕ້ການນຳພາຂອງ ພັກກອມມູນິດຫວຽດນາມ, ປະຊາຊົນຫວຽດນາມ ໄດ້ຜ່ານ ຜ່າຄວາມຫຍຸ້ງຍາກນາໆປະ ການ ແລະ ຍາດໄດ້ບັນດາໄຊ ຊະນະອັນໃຫຍ່ຫຼວງ ທີ່ມີຄວາມ ໝາຍປະຫວັດສາດ, ປະຕິບັດ ການຕໍ່ສູ້ຢ່າງມີໄຊ, ຍາດເອົາ ເອກະລາດແຫ່ງຊາດ, ທ້ອນ ໂຮມປະເທດຊາດເປັນເອກະ ພາບ, ປົກປັກຮັກສາປະເທດ ຊາດ, ລິເລີ່ມ ແລະ ພວມປະຕິ ບັດພາລະກິດປ່ຽນແປງໃໝ່. ພິເສດ, ປີ 2017 ເປັນຄັ້ງທຳ ອິດ ພາຍຫຼັງຫວຽດນາມໄດ້ປະ ຕິບັດສຳເລັດ ແລະ ຮອບດ້ານ ໃນການພັດທະນາເສດຖະກິດ -ສັງຄົມ ໄດ້ທັງໝົດ 13 ຄາດ ໝາຍ ທີ່ສະພາແຫ່ງຊາດໄດ້ ວາງອອກ. ເສດຖະກິດມະຫາ ພາກໝັ້ນທ່ຽງ ສາມາດຄວບ ຄຸມໄພເງິນເຟີ້ໄວ້ໄດ້, ການ ເຕີບໂຕເສດຖະກິດບັນລຸ 6,81% ຍອດມູນຄ່າຂາອອກ- ຂາເຂົ້າ ບັນລຸ 425 ຕື້ໂດລາ ຊຶ່ງແມ່ນລະດັບສູງສຸດ ນັບແຕ່ ກ່ອນ ມາຮອດປັດຈຸບັນ. ລັດ ຖະບານ ຫວຽດນາມ ຍາມໃດ ກໍເອົາການພັດທະນາເສດຖະ ກິດຕິດພັນກັບການແກ້ໄຂ ບັນດາບັນຫາສັງຄົມ ເປັນຕົ້ນ ແມ່ນການລຶບລ້າງຄວາມອຶດ ຫິວ, ຫຼຸດຜ່ອນຄວາມທຸກຍາກ, ການເບິ່ງແຍງສຸຂະພາບໃຫ້ແກ່ ປະຊາຊົນ ແລະ ບັນລຸໄດ້ບັນ ດາໝາກຜົນທີ່ສຳຄັນອື່ນໆ. ທ່ານທູດກ່າວຕື່ມວ່າ: ປີນີ້ ເປັນ ປີທີ 3 ທີ່ພວກຂ້າພະເຈົ້າ ສືບຕໍ່ ພະຍາຍາມສ້າງລັດຖະບານ ແຫ່ງການປະດິດສ້າງໃນການ ພັດທະນາ, ຮັບໃຊ້ປະຊາຊົນ ສຸມໃສ່ປະຕິບັດບັນດາມາດຕະ ການບຸກທະລຸເດັດດ່ຽວ, ຍົກ ສູງສະມັດຖະພາບ, ປະສິດທິ ຜົນ ແລະ ກຳລັງແຂ່ງຂັນຂອງ ພື້ນຖານເສດຖະກິດ, ຊຸກຍູ້ ຢ່າງແຂງແຮງການປັບປຸງລະ ບຽບການບໍລິຫານ, ອຳນວຍ ຄວາມສະດວກໃຫ້ແກ່ປະຊາ ຊົນ ແລະ ວິສາຫະກິດ. ພວກເຮົາມີຄວາມປິຕິຊົມ ຊື່ນເປັນຢ່າງຍິ່ງ ແລະ ມີຄວາມ ເອກອ້າງທະນົງໃຈທີ່ເຫັນວ່າ ໃນຊຸມປີທີ່ຜ່ານມາ, ສາຍພົວ ພັນມິດຕະພາບ, ຄວາມສາມັກ ຄີພິເສດ ແລະ ການຮ່ວມມື ຮອບດ້ານຫວຽດນາມ-ລາວ ໄດ້ຮັບການພັດທະນາຢ່າງຕໍ່ ເນື່ອງ, ກຳລັງເຂົ້າສູ່ລວງເລິກ ແລະ ມີປະສິດທິຜົນກວ່າເກົ່າ. ປີ 2017 ຜ່ານມາ, ສອງຝ່າຍ ໄດ້ປະສານສົມທົບການຈັດຕັ້ງ ປີສາມັກຄີມິດຕະພາບສະເຫຼີມ ສະຫຼອງວັນສ້າງຕັ້ງສາຍພົວ ພັນການທູດ ຄົບຮອບ 55 ປີ ແລະ ວັນເຊັນສົນທິສັນຍາມິດ ຕະພາບ ແລະ ການຮ່ວມມື ຫວຽດນາມ-ລາວ ຄົບຮອບ 40 ປີ ດ້ວຍຫຼາຍໆກິດຈະກຳ ໂດຍ ມີຫຼາຍຮູບການທີ່ອຸດົມສົມບູນ ແລະ ສະຫງ່າຜ່າເຜີຍ. ພັກ, ລັດ, ປະຊາຊົນຫວຽດນາມ ຍາມໃດກໍມີຄວາມຮັບຮູ້ຢ່າງ ເລິກເຊິ່ງ ໃນພາລະກິດປົກປັກ ຮັກສາ ແລະ ສ້າງສາປະເທດ ຊາດຂອງຕົນ ໄປຄຽງຄູ່ກັບ ຄວາມພະຍາຍາມບຸກບືນຕົວ ຂອງຕົນເອງ, ພວກຂ້າພະເຈົ້າ ຍັງໄດ້ຮັບການສະໜັບສະໜູນ ການຊ່ວຍເຫຼືອອັນລ້ຳຄ່າຈາກ ເພື່ອນມິດສາກົນ ໂດຍສະ ເພາະແມ່ນການຊ່ວຍເຫຼືອທີ່ ໃຫຍ່ຫຼວງ ໝົດຈິດໝົດໃຈຂອງ ພັກ, ລັດ, ປະຊາຊົນລາວອ້າຍ ນ້ອງ. (ຂ່າວ: ແສງຈັນ)