ປະທານ ສນຊ ຕ້ອນຮັບ ກົງສູນລາວກິດຕິມະສັກ ປະຈຳຍີ່ປຸ່ນ


...

03.09.2018 10:27     

   ທ່ານ ໄຊສົມພອນ ພົມວິ ຫານ ກຳມະການກົມການ ເມືອງສູນກາງພັກ ປະທານສູນ ກາງແນວລາວສ້າງຊາດ (ສນຊ) ໄດ້ໃຫ້ກຽດຕ້ອນຮັບການເຂົ້າ ຢ້ຽມຂ່ຳນັບຂອງທ່ານ ນາກະ ໂນະ ຊິເກຢະ ກົງສູນລາວກິດ ຕິມະສັກ ປະຈຳເມືອງ ນາໂກ ຢະ ປະເທດຍີ່ປຸ່ນ ພ້ອມດ້ວຍ ຄະນະ ໃນໂອກາດມາຢ້ຽມຢາມ ແລະ ເຮັດວຽກຢູ່ໃນ ສປປ ລາວ. ທີ່ສູນກາງແນວລາວສ້າງຊາດ ໃນວັນທີ 30 ສິງຫາຜ່ານມາ. ໃນໂອກາດນີ້, ທ່ານ ໄຊ ສົມພອນ ພົມວິຫານ ໄດ້ສະ ແດງຄວາມຊົມເຊີຍ ຍິນດີຕ້ອນ ຮັບ ແລະ ຕີລາຄາສູງ ຕໍ່ການ ພົວພັນຮ່ວມມືສອງຝ່າຍ. ພ້ອມ ກັນນັ້ນ ຍັງໄດ້ປຶກສາຫາລືແລກ ປ່ຽນຄຳຄິດຄຳເຫັນກ່ຽວກັບ ການສ້າງສາຍພົວພັນມິດຕະ ພາບລາວ-ຍີ່ປຸ່ນ ທີ່ຈະໄດ້ຮ່ວມ ມືກັນໃນຕໍ່ໜ້າເວົ້າລວມ, ເວົ້າ ສະເພາະກໍຄືສູນກາງແນວລາວ ສ້າງຊາດກັບກົງສູນລາວກິດຕິ ມະສັກ ປະຈຳເມືອງນາໂກຢະ ເພື່ອເປັນການເສີມສ້າງສາຍ ພົວພັນຮ່ວມມື, ການແລກປ່ຽນ ຂໍ້ມູນຂ່າວສານ, ປະສານສົມ ທົບ ແລະ ສະໜັບສະໜູນ ຊຶ່ງ ກັນ ແລະ ກັນ ກ່ຽວກັບວຽກງານ ທີ່ເປັນປະໂຫຍດໃຫ້ປະຊາຊົນ ສອງປະເທດ, ພ້ອມກັນນີ້ທ່ານ ປະທານສູນກາງແນວລາວສ້າງ ຊາດ ຍັງໄດ້ສະແດງຄວາມ ຂອບໃຈຢ່າງສູງຕໍ່ການສະໜັບ ສະໜູນ, ຊ່ວຍເຫຼືອ ແລະ ນ້ຳ ໃຈຂອງປະຊາຊົນ ແລະ ລັດຖະ ບານຍີ່ປຸ່ນ ໃນການປຸກລະດົມ ການບໍລິຈາກເຄື່ອງອຸປະໂພກ-ບໍລິໂພກ, ວັດຖຸ, ສິ່ງຂອງ ແລະ ອື່ນໆ ເພື່ອຊ່ວຍເຫຼືອປະຊາຊົນ ລາວ ທີ່ຖືກຜົນກະທົບຈາກໄພ ນ້ຳຖ້ວມ ທີ່ເມືອງສະໜາມໄຊ ແຂວງອັດຕະປື. ທ່ານ ນາກະໂນະ ຊິເກຢະ ໄດ້ສະແດງຄວາມຂອບໃຈຕໍ່ ທ່ານ ໄຊສົມພອນ ພົມວິຫານ ທີ່ເສຍສະຫຼະເວລາອັນມີຄ່າ ຕ້ອນຮັບຢ່າງອົບອຸ່ນໃນຄັ້ງນີ້, ພ້ອມທັງໄດ້ແຈ້ງສະພາບຂອງ ການມາເຄື່ອນໄຫວເຮັດວຽກ ໃນຄັ້ງນີ້ ຊຶ່ງກໍມີການປາຖະກະ ຖາ ໃນຫົວຂໍ້ ບົດບາດຂອງກົງ ສູນລາວກິດຕິມະສັກ ປະຈຳຍີ່ ປຸ່ນ ກັບການເສີມສ້າງສາຍ ພົວພັນມິດຕະພາບລາວ-ຍີ່ປຸນ ພ້ອມນັ້ນ, ໄດ້ມີການລົງນາມ ບົດບັນທຶກຄວາມເຂົ້າໃຈລະ ຫວ່າງສູນກາງແນວລາວສ້າງ ຊາດ ກັບກົງສູນລາວກິດຕິມະ ສັກ ປະຈຳເມືອງນາໂກຢະ ໃຫ້ ປະທານສູນກາງແນວລາວສ້າງ ຊາດໄດ້ຮັບຊາບ. (ຂ່າວ: ສນຊ)