ຫາລືການຕ້ານ ແລະ ສະກັດກັ້ນການຄ້າ- ຂາຍ ສັດປ່າ ໃນປະເທດລຸ່ມແມ່ນ້ຳຂອງ


...

03.09.2018 10:27     

   ກົມກວດກາປ່າໄມ້, ກະ ຊວງກະສິກຳ ແລະ ປ່າໄມ້ ຮ່ວມກັບອົງການກອງທຶນອະ ນຸລັກທຳມະຊາດໂລກ ປະຈຳ ລາວ (WWF-Laos) ໄດ້ເປີດ ກອງປະຊຸມປຶກສາຫາລືພາກ ພື້ນກ່ຽວກັບການຕ້ານ ແລະ ສະກັດກັ້ນການຄ້າ-ຂາຍສັດ ປ່າທີ່ຜິດກົດໝາຍຂຶ້ນໃນວັນທີ 30 ສິງຫາຜ່ານມານີ້ ທີ່ແຂວງ ອຸດົມໄຊ, ໃຫ້ກຽດເປັນປະທານ ໂດຍທ່ານ ລຽນ ທີແກ້ວ ລັດ ຖະມົນຕີກະຊວງກະສິກຳ ແລະ ປ່າໄມ້, ມີທ່ານ ສົມຈິດ ປັນຍາສັກ ຮອງເຈົ້າແຂວງອຸດົມໄຊ, ມີ ພາກສ່ວນກ່ຽວຂ້ອງເຂົ້າຮ່ວມ. ຈຸດປະສົງຂອງກອງປະ ຊຸມໃນຄັ້ງນີ້ ເພື່ອເປັນການຕິດ ຕາມຄວາມຄືບໜ້າ ແລະ ຄວາມໝາຍໝັ້ນໃນການຕ້ານ ແລະ ສະກັດກັ້ນການຄ້າ-ຂາຍ ສັດປ່າຢູ່ໃນຂົງເຂດພາກພື້ນ. ຜ່ານມາປະເທດລຸ່ມແມ່ນ້ຳ ຂອງປະກອບມີ ສປປ ລາວ, ມຽນມາ, ຣາຊະອານາຈັກໄທ, ສສ ຫວຽດນາມ ແລະ ສປ ຈີນ ຍັງເປັນເຂດທີ່ມີອາດຊະຍາກຳ ຂ້າມຊາດທາງດ້ານປ່າໄມ້ ແລະ ສັດປ່າ ທີ່ຜິດກົດໝາຍ ທີ່ຍັງເປັນບັນຫາທ້າທາຍ ມີທັງ ຮູບແບບການວາງຂາຍໃນຮ້ານ ຄ້າ ແລະ ການລັກລອບຄ້າ ຂາຍທີ່ຜິດກົດໝາຍ ໂດຍນຳ ໃຊ້ເຄື່ອງ ແລະ ຂີດຄວາມສາ ມາດຕ່າງໆ. ທ່ານ ລຽນ ທີແກ້ວ ໄດ້ ກ່າວວ່າ: ໃນໄລຍະຜ່ານມາ ພັກ ແລະ ລັດຖະບານ ສປປ ລາວ ໄດ້ໃຫ້ຄວາມສຳຄັນໃນການ ແກ້ໄຂບັນຫາການຕ້ານ ແລະ ສະກັດກັ້ນການຄ້າ-ຂາຍສັດ ປ່າທີ່ຜິດກົດໝາຍ ໂດຍອະນຸ ຍາດໃຫ້ສ້າງຕັ້ງເຄືອຂ່າຍປະ ສານງານບັງຄັບໃຊ້ກົດໝາຍ ວ່າດ້ວຍສັດນ້ຳ ແລະ ສັດປ່າ ລະດັບຊາດ ຊຶ່ງປະກອບມີ ກົມ ກວດກາປ່າໄມ້, ກົມພາສີ, ກົມ ຕຳຫຼວດສິ່ງແວດລ້ອມ, ກົມ ກວດກາລັດ ແລະ ກວດກາທົ່ວ ໄປ ອົງການໄອຍະການປະຊາ ຊົນສູງສຸດ ໃນການສະໜັບສະ ໜູນກຸ່ມວິຊາການຄົ້ນຄວ້າວຽກ ງານສົນທິສັນຍາສາກົນ ແລະ ວຽກງານບັງຄັບໃຊ້ກົດໝາຍ ດັ່ງກ່າວ. ເພື່ອເຮັດໃຫ້ກອງປະຊຸມ ສຳເລັດຕາມລະດັບຄາດໝາຍ ທ່ານ ລຽນ ທີແກ້ວ ໄດ້ສະເໜີ ໃຫ້ບັນດາປະເທດສະມາຊິກ ລຸ່ມແມ່ນ້ຳຂອງ ໃຫ້ເປັນເຈົ້າ ການໃນການຈັດຕັ້ງປະຕິບັດ ສົນທິສັນຍາສາກົນ ແລະ ສົນ ທິສັນຍາຕ່າງໆຂອງສະຫະປະ ຊາຊາດ ແລະ ສະເໜີໃຫ້ບັນ ດາຄູ່ຮ່ວມງານຕ່າງໆ ສືບຕໍ່ໃຫ້ ການສະໜັບສະໜູນ ເປັນຕົ້ນ ແມ່ນດ້ານງົບປະມານ, ອຸປະ ກອນຮັບໃຊ້, ເຕັກນິກວິຊາ ການຕ່າງໆ ເພື່ອເຮັດໃຫ້ວຽກ ງານຕ້ານ ແລະ ສະກັດກັ້ນ ການຄ້າຂາຍສັດປ່າທີ່ຜິດກົດ ໝາຍຫຼຸດລົງເທື່ອລະກ້າວ. (ຂ່າວ: ສອນເພັດ)