ທ່ານ ຄຳເມິງ ພົງທະດີ ຕ້ອນຮັບທູດ ສປປ ເກົາຫຼີ


...

03.09.2018 10:27     

   ທ່ານ ຄຳເມິງ ພົງທະດີ ລັດຖະມົນຕີ ຫົວໜ້າຫ້ອງວ່າ ການປະທານປະເທດ ໄດ້ຕ້ອນ ຮັບການເຂົ້າຢ້ຽມຂ່ຳນັບ ຂອງທ່ານ ຣີ ຢອງ ໂຊນ (RI YONG CHOL) ໃນໂອກາດ ມາດຳລົງຕຳແໜ່ງເປັນເອກ ອັກຄະລັດຖະທູດຜູ້ມີອຳນາດ ເຕັມແຫ່ງ ສປປ ເກົາຫຼີ ຄົນໃໝ່ ປະຈຳ ສປປ ລາວ, ໃນວັນທີ 30 ສິງຫາຜ່ານມານີ້ ທີ່ຫ້ອງ ວ່າການປະທານປະເທດ. ໃນໂອກາດດັ່ງກ່າວ, ທ່ານ ລັດຖະມົນຕີ ໄດ້ສະແດງ ຄວາມຍ້ອງຍໍຊົມເຊີຍ ແລະ ຕ້ອນຮັບອັນອົບອຸ່ນຕໍ່ທ່ານ ທູດຄົນໃໝ່ທີ່ຖືກແຕ່ງຕັ້ງມາ ດຳລົງຕຳແໜ່ງເປັນເອກອັກ ຄະລັດຖະທູດ ປະຈຳ ສປປ ລາວ, ຊຶ່ງເປັນການປະກອບ ສ່ວນເສີມຂະຫຍາຍສາຍພົວ ພັນມິດຕະພາບ ແລະ ການ ຮ່ວມມືລະຫວ່າງສອງພັກ, ສອງລັດ ແລະ ປະຊາຊົນສອງ ຊາດ ລາວ-ສປປ ເກົາຫຼີ ໃຫ້ ນັບມື້ນັບແໜ້ນແຟ້ນຍິ່ງໆຂຶ້ນ. ຈາກນັ້ນ ທ່ານທູດກ່າວວ່າ: ໃນ ເວລາທີ່ຖືກມາປະຕິບັດໜ້າທີ່ ການທູດ ຈະພະຍາຍາມເຮັດ ໜ້າທີ່ການທູດໃຫ້ດີທີ່ສຸດ ແລະ ພ້ອມທີ່ຈະເສີມຂະຫຍາຍສາຍ ພົວພັນມິດຕະພາບ ທີ່ບັນດາ ທ່ານຜູ້ນຳທັງສອງປະເທດລາວ -ສປປ ເກົາຫຼີ ທີ່ເຄີຍມີມາແຕ່ ດົນນານແລ້ວນັ້ນ ໃຫ້ຂະຫຍາຍ ຕົວຍິ່ງໆຂຶ້ນ. ຄຽງຄູ່ກັນນັ້ນທ່ານ ທູດຍັງໄດ້ແຈ້ງສະພາບການ ຕ່າງໆໃນ ສປປ ເກົາຫຼີ ໂດຍ ຫຍໍ້ໃຫ້ກັບທ່ານລັດຖະມົນຕີ ໄດ້ຮັບຊາບຕື່ມອີກ. ສປປ ລາວ-ສປປ ເກົາຫຼີ ໄດ້ສ້າງສາຍພົວພັນການທູດ ນຳກັນ ໃນວັນທີ 24 ມິຖຸນາ 1974, ຊຶ່ງມີສຳນັກງານສະ ຖານທູດຕັ້ງຢູ່ນະຄອນຫຼວງ ວຽງຈັນ. (ຂ່າວ: ແສງຈັນ)