ປະທານ ສນຊ ເຂົ້າຢ້ຽມຂໍ່ານັບການນຳ ຂັ້ນສູງຂອງ ສສ ຫວຽດນາມ


...

07.09.2018 9:39     

   ທ່ານ ໄຊສົມພອນ ພົມວິ ຫານ ກຳມະການກົມການ ເມືອງສູນກາງພັກ ປະທານສູນ ກາງແນວລາວສ້າງຊາດ (ສນຊ) ພ້ອມດ້ວຍຄະນະໄດ້ ເຂົ້າຢ້ຽມຂ່ຳນັບທ່ານ ຫງວຽນ ຟູ ຈອງ ເລຂາທິການໃຫຍ່ ຄະ ນະບໍລິຫານງານສູນກາງພັກ ກອມມູນິດຫວຽດນາມ ໃນໄລ ຍະຢູ່ຢ້ຽມຢາມ ແລະ ເຄື່ອນ ໄຫວວຽກງານຢູ່ ສສ ຫວຽດ ນາມ (4-5/9/2018). ໃນໂອກາດນີ້ ທ່ານ ຫງວຽນ ຟູ ຈອງ ໄດ້ສະແດງ ຄວາມຕ້ອນຮັບຢ່າງອົບອຸ່ນ, ຊົມເຊີຍຕໍ່ທ່ານປະທານ ສນຊ ພ້ອມດ້ວຍຄະນະທີ່ມາຢ້ຽມ ຢາມ ແລະ ເຮັດວຽກຢູ່ ສສ ຫວຽດ ນາມ ໃນຄັ້ງນີ້ ຊຶ່ງທ່ານໄດ້ແຈ້ງ ສະພາບລວມໂດຍຫຍໍ້ໃຫ້ເຫັນ ຜົນງານທີ່ພົ້ນເດັ່ນ ແລະ ຂໍ້ຄົງ ຄ້າງບາງອັນຕື່ມ. ທ່ານປະທານ ສນຊ ໄດ້ ສະແດງຄວາມຂອບໃຈທີ່ໄດ້ ຮັບການຕ້ອນຮັບຢ່າງອົບອຸ່ນ ຂອງທ່ານເລຂາທິການໃຫຍ່ ຄະນະບໍລິຫານງານສູນກາງ ພັກກອມມູນິດ ສສ ຫວຽດນາມ ແລະ ທ່ານໄດ້ລາຍງານໃຫ້ຮູ້ ວ່າການມາຢ້ຽມຢາມ ແລະ ເຮັດວຽກຢູ່ ສສ ຫວຽດນາມຄັ້ງ ນີ້ ເພື່ອເພີ່ມພູນຄູນສ້າງຄວາມ ສາມັກຄີພິເສດ ແລະ ການ ຮ່ວມມືຮອບດ້ານລະຫວ່າງ ສອງພັກ, ສອງລັດ, ປະຊາຊົນ ສອງຊາດລາວ-ຫວຽດນາມ ກໍ ຄືການພົວພັນຮ່ວມມືຢ່າງສະ ໜິດແໜ້ນລະຫວ່າງ ສນຊ ກັບ ອົງການຈັດຕັ້ງ ສສ ຫວຽດນາມ ທີ່ມີການຮ່ວມມືກັບ ສນຊ, ເພື່ອສືບຕໍ່ຈັດຕັ້ງປະຕິບັດແຜນ ການສະເຫຼີມສະຫຼອງວັນສ້າງ ຕັ້ງສາຍພົວພັນການທູດລາວ- ຫວຽດນາມ ຄົບຮອບ 55 ປີ ແລະ ວັນເຊັນສົນທິສັນຍາມິດ ຕະພາບ ແລະ ການຮ່ວມມື ລາວ-ຫວຽດນາມ ຄົບຮອບ 40 ປີ ດ້ວຍການຄັດເລືອກຜູ້ທີ່ມີ ຜົນງານ ແລະ ດຳເນີນການ ຍ້ອງຍໍໃຫ້ມີຜົນສຳເລັດ, ເພື່ອ ຈັດຕັ້ງປະຕິບັດຕາມຂໍ້ຕົກລົງ ວ່າດ້ວຍການຮ່ວມມືໄລຍະ 2016-2020 ລະຫວ່າງ ສນຊ ກັບຄະນະຂົນຂວາຍປະຊາຊົນ ສູນກາງພັກກອມມູນິດຫວຽດ ນາມໃຫ້ເປັນຮູບປະທຳ. ໃນໂອກາດນີ້, ທ່ານ ຫງວຽນ ຟູ ຈອງ ໄດ້ອວຍພອນ ໃຫ້ສາຍພົວພັນມິດຕະພາບ ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ອັນເປັນມູນເຊື້ອດີງາມຂອງ ສອງພັກ-ສອງລັດ ກໍຄືປະຊາ ຊົນສອງຊາດລາວ-ຫວຽດນາມ ຈົ່ງໝັ້ນຄົງຂະໜົງແກ່ນ ຕະ ຫຼອດກາລະນານ ແລະ ຂໍອວຍ ພອນໃຫ້ຄະນະຜູ້ແທນຄະນະ ກຳມະການສູນກາງແນວລາວ ສ້າງຊາດ ຈົ່ງປະສົບຜົນສຳເລັດ ຢ່າງສະຫງ່າງາມໃນການມາ ຢ້ຽມຢາມ ສສ ຫວຽດນາມ ໃນ ຄັ້ງນີ້ ແລະ ພ້ອມກັນນີ້ ທ່ານປະ ທານ ສນຊ ພ້ອມດ້ວຍຄະນະ ໄດ້ເຂົ້າຢ້ຽມຂ່ຳນັບທ່ານ ຫງວຽນ ຊວັນ ຟຸກ ນາຍົກລັດຖະມົນຕີ ສສ ຫວຽດນາມ ແລະ ທ່ານ ຄະນະກຳມະການສູນກາງ ແນວໂຮມປະເທດຊາດຫວຽດ ນາມຕື່ມອີກ. (ຂ່າວ: ສນຊ)