ເຈົ້າແຂວງບໍລິຄຳໄຊ ມອບເຄື່ອງຊ່ວຍເຫຼືອ ໃຫ້ປະຊາຊົນທີ່ຖືກໄພນ້ຳຖ້ວມ


...

07.09.2018 9:40     

   ຍ້ອນຄວາມເປັນຫ່ວງ ເປັນໄຍຂອງການນຳພັກ-ລັດ ຂັ້ນເທິງ ທີ່ມີຕໍ່ປະຊາຊົນບັນ ດາເຜົ່າ ແລະ ເພື່ອຕິດຕາມ ກວດກາຜົນກະທົບຈາກໄພພິ ບັດທາງທຳມະຊາດ ຢູ່ພາຍໃນ ແຂວງບໍລິຄຳໄຊ. ມາໃນຕອນ ເຊົ້າຂອງວັນທີ 5 ກັນຍານີ້ ທ່ານ ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ ພ້ອມ ດ້ວຍຄະນະ ແລະ ພະແນກ ການທີ່ກ່ຽວຂ້ອງ ໄດ້ລົງສຳ ຫຼວດເບິ່ງບ້ານເຮືອນຂອງປະ ຊາຊົນ ທີ່ໄດ້ຮັບຜົນກະທົບ ຈາກໄພນ້ຳຖ້ວມ 4 ບ້ານຄື: ບ້ານສີບຸນເຮືອງ, ບ້ານທ່າບໍ່, ບ້ານສວນສະຫວັນ ແລະ ບ້ານ ສີວິໄລ. ບ້ານທີ່ໄດ້ຮັບຜົນກະທົບ ຫຼາຍກວ່າໝູ່ແມ່ນບ້ານທ່າບໍ່ ເພາະເປັນເຂດທີ່ຕ່ຳ ແຕ່ລະປີ ແມ່ນຈະຖືກນ້ຳຖ້ວມ, ສ່ວນປີນີ້ ເປັນປີທີ່ຖືກອຸທົກກະໄພນ້ຳ ຖ້ວມຮ້າຍແຮງກວ່າທຸກປີ ໂດຍ ຖ້ວມໄປແລ້ວ 3 ຄັ້ງ, ຄັ້ງທີໜຶ່ງ ແຕ່ວັນທີ 16-23 ກໍລະກົດ 2018 ຖ້ວມ 30 ຫຼັງຄາເຮືອນ, ເນື້ອທີ່ນາ 80 ເຮັກຕາ, ສວນ 50 ເຮັກຕາ, ງົວຕາຍ 2 ໂຕ, ຄວາຍ 2 ໂຕ ແລະ ແບ້ 6 ໂຕ; ມາວັນທີ 25 ກໍລະກົດ-6 ສິງຫາ 2018 ແມ່ນຖ້ວມຄັ້ງທີ 2 ແລະ ມາໃນວັນທີ 16 ສິງຫາ 2018 ຄັ້ງນີ້ແມ່ນຖ້ວມເຮືອນປະຊາ ຊົນ 4 ບ້ານ, ເພື່ອເປັນການບັນ ເທົາທຸກ ແລະ ຊ່ວຍເຫຼືອປະຊາ ຊົນ ທີ່ໄດ້ຮັບຜົນກະທົບ, ທ່ານ ເຈົ້າແຂວງພ້ອມຄະນະນຳໄດ້ ລົງຕິດຕາມກວດກາສະພາບ ນ້ຳຖ້ວມ ແລະ ແຈກຢາຍເຄື່ອງ ບໍລິໂພກຈຳນວນໜຶ່ງໃຫ້ ພໍ່ ແມ່ປະຊາຊົນພາຍໃນບ້ານທີ່ ຖືກຜົນກະທົບ ຊຶ່ງເປັນປະເພດ ນ້ຳດື່ມ, ໝີ່ສຳເລັດຮູບ ແລະ ເຂົ້າສານ. ຕໍ່ກັບສະພາບການ ດັ່ງກ່າວ ທ່ານເຈົ້າແຂວງ ໄດ້ ຮຽກຮ້ອງໃຫ້ອຳນາດການ ປົກຄອງບ້ານ ຈົ່ງໄດ້ເອົາໃຈ ໃສ່ແຈ້ງເຕືອນໃຫ້ພໍ່ແມ່ປະຊາ ຊົນທີ່ອາໄສຢູ່ລຽບຕາມສາຍ ນ້ຳຕ່າງໆທີ່ມີຄວາມສ່ຽງ ໃຫ້ມີ ສະຕິລະວັງຕົວ ແລະ ຮີບຮ້ອນ ເກັບມ້ຽນເຄື່ອງຂອງຊັບສິນທີ່ ມີຄ່າ, ສັດລ້ຽງໄປໄວ້ບ່ອນທີ່ສູງ ພ້ອມທັງເຝົ້າລະວັງພະຍາດ ຕ່າງໆ ທີ່ມາກັບນ້ຳຖ້ວມ ແລະ ພາຍຫຼັງນ້ຳບົກແຫ້ງ. (ຂ່າວ: ບໍລິຄຳໄຊ)