ຮອງນາຍົກ ລົງຕິດຕາມການແກ້ໄຂຜົນກະທົບຈາກໄພພິບັດຢູ່ແຂວງອຸດົມໄຊ


...

12.09.2018 9:13     

   ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ປະ ທານຄະນະກຳມະການສະ ເພາະກິດແກ້ໄຂໄພພິບັດລະດັບ ຊາດ ພ້ອມດ້ວຍຄະນະ ໄດ້ໄປ ຕິດຕາມການແກ້ໄຂສະພາບ ໄພພິບັດ ທີ່ເກີດຂຶ້ນຢູ່ແຂວງ ອຸດົມໄຊ ເມື່ອວັນທີ 10-11 ກັນຍານີ້, ພ້ອມທັງເນັ້ນໃຫ້ ການນຳແຂວງຈັດສັນອາຊີບ ໃຫ້ປະຊາຊົນຕິດພັນກັບແຜນ ພັດທະນາເສດຖະກິດ-ສັງຄົມ. ໃນໂອກາດດັ່ງກ່າວນີ້, ທ່ານ ຄຳພັນ ເຜີຍຍະວົງ ເຈົ້າ ແຂວງອຸດົມໄຊ ໄດ້ລາຍງານ ໃຫ້ຊາບກ່ຽວກັບສະພາບໄພພິ ບັດທີ່ເກີດຂຶ້ນ ແລະ ຄວາມ ເສຍຫາຍຕ່າງໆ ໃນນີ້: ຂະ ແໜງແຮງງານ ແລະ ສະຫວັດ ດີການສັງຄົມ ລວມມູນຄ່າເສຍ ຫາຍ 3,42 ຕື້ກີບ. ຈຳນວນ ບ້ານທີ່ໄດ້ຮັບຜົນກະທົບໜັກມີ 25 ບ້ານ, ມີ 210 ຫຼັງຄາເຮືອນ ມີພົນລະເມືອງ 1.229 ຄົນ, ໃນນີ້ ເຮືອນຖືກໄຫຼໄປກັບກະ ແສນ້ຳເສຍຫາຍ 31 ຫຼັງ, ເລົ້າ ເຂົ້າເສຍຫາຍ 16 ຫຼັງ; ຂະແໜງ ກະສິກຳ ແລະ ປ່າໄມ້: ລວມ ມູນຄ່າເສຍຫາຍ 195,47 ຕື້ ກີບ, ໄດ້ຮັບຜົນກະທົບໄພແຫ້ງ ແລ້ງ 1 ບ້ານ, 100 ຄອບຄົວ, ເນື້ອທີ່ໄດ້ຮັບຜົນກະທົບ 268 ເຮັກຕາ, ສັດຕູພືດທຳລາຍ 57 ບ້ານ, 3.627 ຄອບຄົວ, ເນື້ອທີ່ເສຍຫາຍ 5.297 ເຮັກ ຕາ ແລະ ໄດ້ຮັບຜົນກະທົບ ຈາກໄພນ້ຳຖ້ວມ, ຊົນລະປະ ທານເປ່ເພ 134 ແຫ່ງ, ໄຮ່ 6.913 ເຮັກຕາ, ສວນສາລີ 8.547 ເຮັກຕາ, ສວນກ້ວຍ ເສຍຫາຍ 350,75 ເຮັກຕາ, ລວມມູນຄ່າ 82,7 ຕື້ກີບ. ນອກຈາກນັ້ນ ຍັງມີເນື້ອທີ່ ພືດຜັກ, ໜອງປາ, ສັດລ້ຽງ ຈຳນວນໜຶ່ງ; ຂະແໜງໂຍທາ ທິການ ແລະ ຂົນສົ່ງ: ລວມມູນ ຄ່າເສຍຫາຍ 134,27 ຕື້ກີບ, ເສັ້ນທາງທີ່ໄດ້ຮັບຜົນກະທົບ 71 ເສັ້ນ, ໃນນັ້ນ ທາງຫຼວງ ແຫ່ງຊາດ 3 ເສັ້ນ, ລວງຍາວ 337,5 ກິໂລແມັດ, ມູນຄ່າ ເສຍຫາຍ 55,71 ຕື້ກີບ; ທາງ ຫຼວງທ້ອງຖິ່ນ 7 ເມືອງ 68 ເສັ້ນ, ລວງຍາວ 1.181,95 ກິໂລແມັດ, ມູນຄ່າເສຍຫາຍ 50,54 ຕື້ກີບ, ຜົນກະທົບ ຕໍ່ນ້ຳປະປາ 7 ເມືອງ, ມູນຄ່າ ເສຍ ຫາຍ 1,96 ຕື້ກີບ ແລະ ມີຕາຝັ່ງເຈື່ອນ ມູນຄ່າເສຍ ຫາຍ 26,06 ຕື້ກີບ; ຂະແໜງ ການສາທາລະນະສຸກ ລວມມູນ ຄ່າເສຍຫາຍ 955,25 ລ້ານ ກີບ, ໃນນັ້ນ ນ້ຳລິນ 27 ບ້ານ, ໂຮງໝໍເມືອງ 1 ແຫ່ງ, ຕູ້ຢາປະຈຳບ້ານ 1 ຕູ້ ແລະ ອຸ ປະກອນການແພດຈຳນວນ ໜຶ່ງ; ຂະແໜງສຶກສາທິການ ແລະ ກິລາ: ລວມມູນຄ່າເສຍ ຫາຍ 171,38 ລ້ານກີບ, ໂຮງ ຮຽນເປ່ເພ 2 ຫຼັງ, ເຮືອນຄົວ ລວມ, ຮົ້ວອ້ອມໂຮງຮຽນ ແລະ ອຸປະກອນການຮຽນ-ການສອນ ຈຳນວນໜຶ່ງ; ຂະແໜງພະລັງ ງານ ແລະ ບໍ່ແຮ່: ລະບົບໄຟ ຟ້າເສຍຫາຍ 1.10 ຕື້ກີບ ຊຶ່ງມີ ເສົາໄຟຟ້າຫັກລົ້ມຕາມເສັ້ນ ທາງຫຼວງແຫ່ງຊາດ, ທາງຫຼວງ ແຂວງ, ເມືອງ ແລະ ທາງຊົນ ນະບົດເປັນຈຳນວນຫຼວງຫຼາຍ. ສຳລັບການລະດົມທຶນ ແລະ ການຊ່ວຍເຫຼືອເບື້ອງຕົ້ນ: ທາງ ຄະນະກຳມະການປ້ອງກັນ ແລະ ຄວບຄຸມໄພພິບັດຂັ້ນ ແຂວງ ໄດ້ເລີ່ມລະດົມທຶນແຕ່ ວັນທີ 25 ກໍລະກົດ ຫາ 7 ກັນຍາ 2018 ລະດົມທຶນໄດ້ ທັງໝົດ 1,7 ຕື້ກວ່າກີບ, ໃນ ນັ້ນ ເງິນສົດ 1.05 ຕື້ກວ່າກີບ. ນອກນັ້ນ ເປັນເຄື່ອງນຸ່ງຫົ່ມ, ເຄື່ອງອຸປະໂພກ-ບໍລິໂພກ ແລະ ມີເຮືອ 2 ລຳ ເພື່ອນຳໄປ ຊ່ວຍເຫຼືອປະຊາຊົນທີ່ໄດ້ຮັບ ຜົນກະທົບ. ຜ່ານການປະເມີນຜົນກະ ທົບ ແລະ ຄວາມເສຍຫາຍໃນ ເບື້ອງຕົ້ນ ທົ່ວແຂວງມີບ້ານໄດ້ ຮັບຜົນກະທົບທັງໝົດ 239 ບ້ານ, ມີ 11.645 ຄອບຄົວ, ພົນລະເມືອງ 68.456 ຄົນ ແລະ ບໍ່ມີຜູ້ເສຍຊີວິດ ຊຶ່ງລວມ ມູນຄ່າຄວາມເສຍຫາຍເບື້ອງ ຕົ້ນທັງໝົດ 335,38 ຕື້ກີບ. ໃນໂອກາດດັ່ງກ່າວ, ທ່ານ ສອນໄຊ ສີພັນດອນ ໄດ້ມີທິດ ຊີ້ນຳ ແລະ ເນັ້ນໜັກໃຫ້ອຳ ນາດການປົກຄອງ ລວມທັງ ຂະແໜງການທີ່ກ່ຽວຂ້ອງຂອງ ແຂວງອຸດົມໄຊ ເອົາໃຈໃສ່ສ້າງ ແຜນຮອງຮັບ ເພື່ອກຽມພ້ອມ ຮັບມື ແລະ ແກ້ໄຂໄພພິບັດທີ່ ອາດຈະເກີດຂຶ້ນໃນຕໍ່ໜ້າຢ່າງ ເປັນລະບົບຄົບຊຸດ, ເອົາໃຈໃສ່ ຄົ້ນຄວ້າແກ້ໄຂ ແລະ ຈັດສັນ ອາຊີບໃຫ້ປະຊາຊົນທີ່ຖືກຜົນ ກະທົບໃຫ້ຕິດພັນກັບແຜນພັດ ທະນາເສດຖະກິດ-ສັງຄົມ ໃນ ແຕ່ລະປີ, ຄົ້ນຄວ້າມອບຄວາມ ຮັບຜິດຊອບໃຫ້ບ້ານ ເພື່ອກະ ກຽມຄວາມພ້ອມຕ້ານກັບໄພ ພິບັດ; ກວດກາສະຖານທີ່ຈະ ຍົກຍ້າຍປະຊາຊົນໄປຢູ່ທີ່ພັກ ເຊົາຊົ່ວຄາວ. ພ້ອມດຽວກັນນີ້ ໃຫ້ສຸມທຸກກຳລັງເຂົ້າຊ່ວຍເຫຼືອ ໂດຍສະເພາະກຳລັງປ້ອງກັນ ຊາດ-ປ້ອງກັນຄວາມສະຫງົບ, ສະໜອງເຄື່ອງອຸປະໂພກ-ບໍລິ ໂພກ, ນ້ຳກິນ, ນ້ຳໃຊ້, ເຂົ້າກິນ ໃຫ້ພຽງພໍກັບຄວາມຕ້ອງການ ຕົວຈິງຂອງປະຊາຊົນ; ບູລິມະ ສິດໃນການຊ່ວຍເຫຼືອແມ່ນຮັບ ປະກັນຊີວິດຂອງປະຊາຊົນ ເປັນຕົ້ນຜູ້ເຖົ້າ ແລະ ເດັກນ້ອຍ ພາຍຫຼັງນ້ຳບົກແຫ້ງໃຫ້ກວດ ກາຄືນຄວາມເສຍຫາຍຢູ່ພື້ນ ທີ່ຢ່າງລະອຽດ; ສຳລັບການ ແກ້ໄຂແມ່ນໃຫ້ເອົາໃຈໃສ່ໃນ ການຍົກຍ້າຍ, ຈັດສັນທີ່ຢູ່ອາ ໄສໃຫ້ປະຊາຊົນ ຕິດພັນກັບ ການຈັດສັນອາຊີບທີ່ໝັ້ນຄົງ, ໂຮມບ້ານນ້ອຍໃຫ້ກາຍເປັນ ບ້ານໃຫຍ່ ເພື່ອໃຫ້ສອດຄ່ອງ ກັບແນວທາງຂອງພັກ, ນະໂຍ ບາຍຂອງລັດວາງອອກ. ພ້ອມດຽວກັນນີ້ ທ່ານ ສອນໄຊ ສີພັນດອນ ໄດ້ມອບ ເງິນຈຳນວນ 50 ລ້ານກີບໃຫ້ ອຳນາດການປົກຄອງແຂວງ ແລະ ມອບເງິນຈຳນວນ 10 ລ້ານກີບ ໃຫ້ບ້ານມົກພາງ, ເມືອງປາກແບ່ງ ແຂວງອຸດົມ ໄຊ ເພື່ອນຳໃຊ້ເຂົ້າໃນການ ຊ່ວຍເຫຼືອບັນເທົາທຸກແກ່ຜູ້ປະ ສົບໄພພິບັດ. (ພາບ-ຂ່າວ: ກົມປະຊາສຳພັນ)