ຮອງປະທານ ສພຊ ເຜີຍແຜ່ຜົນສຳເລັດກອງປະຊຸມສະໄໝສາມັນ ເທື່ອທີ 5


...

12.09.2018 9:27     

   (ສພຊ) ໃນລະຫວ່າງວັນ ທີ 10-11 ກັນຍານີ້ ທີ່ເມືອງວິ ລະບູລີ ແຂວງສະຫວັນນະເຂດ ທ່ານ ແສງນວນ ໄຊຍະລາດ ເລຂາທິການສູນກາງພັກ ຮອງ ປະທານສະພາແຫ່ງຊາດ ທັງ ເປັນສະມາຊິກສະພາແຫ່ງ ຊາດ (ສສຊ) ປະຈຳເຂດເລືອກ ຕັ້ງທີ 13 ແຂວງສະຫວັນນະ ເຂດ ພ້ອມດ້ວຍບັນດາທ່ານ ສສຊ ແລະ ສະມາຊິກສະພາ ປະຊາຊົນແຂວງ (ສສຂ) ປະ ຈຳເມືອງ ລົງເຄື່ອນໄຫວພົບ ປະຜູ້ມີສິດເລືອກຕັ້ງ ແລະ ໂຄ ສະນາເຜີຍແຜ່ຜົນສຳເລັດກອງ ປະຊຸມສະໄໝສາມັນ ເທື່ອທີ 5 ຂອງສະພາແຫ່ງຊາດ (ສພຊ) ຊຸດທີ VIII ແລະ ສະພາປະຊາ ຊົນແຂວງ (ສພຂ) ຊຸດທີ Iໃນນີ້, ໄດ້ລົງພົບປະ ແລະ ເຜີຍ ແຜ່ຢູ່ອົງການປົກຄອງເມືອງ ວິລະບູລີ, ບ້ານນາມະລຸ ແລະ ບ້ານນໍ້າຈະໂລະ ຊຶ່ງມີບັນດາທ່ານຄະນະປະຈໍາພັກເມືອງ, ພະນັກງານ-ລັດຖະກອນ, ພາກ ສ່ວນທີ່ກ່ຽວຂ້ອງ ຕະຫຼອດຮອດພໍ່ແມ່ປະຊາຊົນເຂົ້າຮ່ວມ. ໃນກອງປະຊຸມ, ໄດ້ຮັບຟັງການລາຍງານໂດຍສັງເຂບສະ ພາບແຜນພັດທະນາເສດຖະກິດ-ສັງຄົມຂອງເມືອງ ແລະ ບ້ານ ຊຶ່ງເຫັນໄດ້ຂໍ້ສະດວກ ແລະ ຂໍ້ຫຍຸ້ງຍາກ ພ້ອມທັງໃຫ້ຮູ້ເຖິງຜົນກະທົບຂອງບັນດາໄພພິບັດທໍາມະຊາດເປັນຕົ້ນສະພາບນໍ້າຖ້ວມ ເຮັດໃຫ້ປະຊາຊົນພົບຄວາມຫຍຸ້ງຍາກໃນການດໍາລົງຊີວິດ. ຈາກນັ້ນ, ບັນດາທ່ານ ສສຊ ແລະ ສສຂ ໄດ້ຜັດປ່ຽນກັນເຜີຍແຜ່ຜົນສໍາເລັດຂອງກອງປະຊຸມດັ່ງກ່າວ. ໃນນີ້, ທ່ານຮອງປະທານສະພາແຫ່ງ ຊາດ ໄດ້ເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 5 ຂອງ ສພຊ ຊຸດທີ VIII ຊຶ່ງຈັດຂຶ້ນລະຫວ່າງ 5-28 ມິຖຸນາ 2018 ຊຶ່ງໄດ້ພິຈາລະນາຮັບ ຮອງຫຼາຍບັນຫາໃນກອງປະ ຊຸມ ເປັນຕົ້ນພິຈາລະນາ, ຮອງຮັບເອົາມະຕິກອງປະຊຸມສະພາແຫ່ງຊາດ 4 ສະບັບ. ໃນນັ້ນ, ມະຕິກ່ຽວກັບວຽກງານຂອງລັດຖະບານ 3 ສະບັບ ແລະ ກ່ຽວກັບສານປະຊາຊົນສູງສຸດ 1 ສະບັບ; ຮັບຟັງການລາຍງານຂອງລັດຖະບານກ່ຽວກັບ ການປະຕິບັດມະຕິກອງປະ ຊຸມສະພາແຫ່ງຊາດ ວ່າດ້ວຍ ການອອກນິຕິກໍາລຸ່ມກົດໝາຍ ແລະ ຜົນກະທົບຈາກການ ນໍາໃຊ້ເຄມີອັນຕະລາຍເກີນ ຄ່າມາດຕະຖານຕໍ່ສິ່ງແວດ ລ້ອມ ແລະ ທໍາມະຊາດ, ຮັບ ຟັງການຊີ້ແຈງຈາກທ່ານນາຍົກ ລັດຖະມົນຕີ ແລະ ບັນດາລັດຖະມົນຕີ 5 ກະຊວງ ຕໍ່ຄໍາຖາມຂອງສະພາແຫ່ງຊາດ, ຮັບຟັງການລາຍງານຂອງສະ ພາແຫ່ງຊາດ ກ່ຽວກັບການປະຕິບັດແຜນການເຄື່ອນໄຫວວຽກງານຂອງຄະນະປະຈໍາສະ ພາແຫ່ງຊາດ ລະຫວ່າງກອງປະຊຸມສະໄໝສາມັນເທື່ອທີ 4 ຫາ ເທື່ອທີ 5 ແລະ ທິດທາງແຕ່ນີ້ຮອດກອງປະຊຸມສະໄໝສາມັນເທື່ອທີ 6 ພິຈາລະນາຮັບຮອງເອົາການສ້າງ ແລະ ປັບປຸງກົດ ໝາຍ ທັງໝົດ 13 ສະບັບ ຊຶ່ງປະກອບມີກົດໝາຍສ້າງໃໝ່ 5 ສະບັບ ແລະ ປັບປຸງ 8 ສະບັບ. ໃນການລົງພົບປະ ແລະ ເຜີຍແຜ່ຜົນສໍາເລັດດັ່ງກ່າວ, ບັນດາທ່ານ ສສຊ ແລະ ສສຂ ໄດ້ລົງຕິດຕາມ ແລະ ຢ້ຽມຢາມໂຮງງານຜະລິດເຈ້ຍຊັນເປເປີ້ ຢູ່ເມືອງເຊໂປນ, ພ້ອມທັງໄດ້ຮັບຟັງຄໍາສະເໜີ, ຄໍາຄິດເຫັນຂອງປະຊາຊົນທີ່ພົບຄວາມຫຍຸ້ງຍາກໃນການດຳລົງຊີວິດ ແລະ ບັນຫາຕ່າງໆທີ່ເກີດຂຶ້ນຕົວຈິງເປັນຕົ້ນບັນຫາເສັ້ນທາງມີຄວາມຫຍຸ້ງຍາກໃນການໄປມາໃນລະດູຝົນ, ບັນຫານໍ້າສະ ອາດ, ໄຟຟ້າ, ໂຮງຮຽນ,ໂທລະໂຄ່ງປະຈໍາບ້ານ, ທຶນບຸກເບີກເນື້ອທີ່ນາ ແລະ ຊ້າງປ່າທີ່ເຂົ້າມາທໍາລາຍຜົນຜະລິດເຄື່ອງປູກຂອງຝັງຂອງປະຊາຊົນເຂດບ້ານນາມະລຸ. ພ້ອມກັນນັ້ນ, ບັນດາທ່ານ ສສຊ ແລະ ສສຂ ກໍໄດ້ໃຫ້ມີຄໍາຄິດຄຳເຫັນໃນການແກ້ໄຂບັນຫາເບື້ອງຕົ້ນ ແລະ ຮັບເອົາບັນດາຄໍາສະເໜີຂອງປະຊົນໄປນໍາສະເໜີຕໍ່ພາກສ່ວນທີ່ກ່ຽວຂ້ອງເພື່ອຫາວິທີການແກ້ໄຂໃນຕໍ່ໜ້າ. (ຂ່າວ: ສົມນຶກ ແກ້ວໄຊຍະຈັກ)