ສະຖາບັນການສຶກສາ ສປ ຈີນ ສືບຕໍ່ຊ່ວຍສ້າງພະນັກງານເພດຍິງ


...

12.09.2018 9:17     

   ຄະນະຜູ້ແທນຂັ້ນສູງສູນ ກາງສະຫະພັນແມ່ຍິງລາວ ນຳໂດຍ ທ່ານ ນາງ ອິນລາວັນ ແກ້ວບຸນພັນ ກຳມະການສູນ ກາງພັກ ປະທານຄະນະບໍລິ ຫານງານສູນກາງສະຫະພັນ ແມ່ຍິງລາວ ພ້ອມດ້ວຍຄະນະ ໄດ້ເດີນທາງເຄື່ອນໄຫວຢ້ຽມ ຢາມ ສປ ຈີນ ຢ່າງເປັນທາງ ການ ໃນລະຫວ່າງວັນທີ 3-9 ກັນຍາຜ່ານມານີ້. ໃນໂອກາດເຄື່ອນໄຫວ ຢ້ຽມຢາມຢູ່ປັກກິ່ງ,ທ່ານນາງ ອິນລາວັນ ແກ້ວບຸນພັນ ພ້ອມດ້ວຍຄະນະ ໄດ້ເຂົ້າຢ້ຽມຢາມພົບປະ ທ່ານນາງ ເສີນ ເຢ້ເຢ້ ຮອງປະທານສະພາປະຊາຊົນແຫ່ງປະເທດຈີນ ປະທານສະຫະພັນແມ່ຍິງທົ່ວປະເທດຈີນ, ຢ້ຽມຢາມພົບປະ ທ່ານນາງ ຫວາງສ້ຽວເວີ່ຍ ເລຂາຄະນະພັກ ຂອງສະຫະພັນແມ່ຍິງທົ່ວປະເທດຈີນ ພ້ອມດ້ວຍຄະນະໂດຍມີ ທ່ານ ນາງ ວັນດີ ບຸດທະສະວົງ ເອກອັກຄະລັດຖະທູດຜູ້ມີອຳນາດເຕັມແຫ່ງ ສປປ ລາວ ປະຈຳ ສປ ຈີນ ເຂົ້າຮ່ວມ. ສອງສະຫະພັນແມ່ຍິງລາວ-ຈີນ ໄດ້ສືບຕໍ່ເສີມຂະ ຫຍາຍສາຍພົວພັນທີ່ເປັນມູນ ເຊື້ອບົນຈິດໃຈຄູ່ຮ່ວມມືຍຸດ ທະສາດຮອບດ້ານ, ໝັ້ນຄົງຍາວນານ, ເພ່ີມທະວີຄວາມສາມັກຄີ, ການຮ່ວມມືຊ່ວຍເຫຼືອເຊິ່ງກັນ ແລະ ກັນ ເວົ້າສະເພາະ ໃນປີ 2017 ພາຍໃຕ້ຍຸດທະສາດ "ໜຶ່ງແລວ ໜຶ່ງເສັ້ນທາງ" ແບບຄູ່ຮ່ວມຊະຕາກຳ ສອງຝ່າຍໄດ້ສະໜັບສະໜູນການແລກປ່ຽນຄະນະຜູ້ແທນ 30 ກວ່າຄະນະ, ຊຸກຍູ້ເຂົ້າຮ່ວມກອງປະຊຸມ, ສຳມະນາ, ຊ່ວຍທຶນຮອນ-ວັດຖຸ ອຸປະກອນສຳລັບພັດທະນາແມ່ຍິງລາວ ມູນຄ່າ 562.300 ຢວນ. ໃນຕະຫຼອດເວລາຢ້ຽມ ຢາມຄະນະຜູ້ແທນສະຫະພັນແມ່ຍິງລາວ ຍັງໄດ້ຢ້ຽມຊົມຫໍພິພິທະພັນແມ່ຍິງ ແລະ ເດັກນ້ອຍ ຊຶ່ງເປັນອະນຸສອນສະຖານວາງສະແດງວິວັດທະນາການທາງດ້ານບົດບາດຍິງ-ຊາຍ, ເຂດພັດທະນາຊຸມຊົນ ເພື່ອສົ່ງເສີມວິຊາຊີບ ແລະ ສ້າງລາຍໄດ້ໃຫ້ແມ່ຍິງ-ເດັກນ້ອຍ ທີ່ດ້ອຍໂອກາດ, ຢ້ຽມຢາມຄະນະກຳມະການທີ່ປຶກສາການເມືອງ, ພົບປະກຸ່ມນັກ ທຸລະກິດດີເດັ່ນ, ຈາກນັ້ນ, ກໍໄດ້ໄປຢ້ຽມຢາມພົບປະ ຄະນະນຳຄູ-ອາຈານ ມະຫາວິທະຍາໄລພະລັງງານໄຟຟ້າ, ຢ້ຽມຊົມພື້ນ ຖານເສດຖະກິດ, ການຜະລິດ, ແຫຼ່ງສິລະປະວັດທະນະທຳຢູ່ ນະຄອນຫຼວງປັກກິ່ງ ແລະ ນະຄອນຊຽງໄຮ້ ແລະ ກຸ່ມນັກທຸລະກິດ ນະຄອນຊຽງໄຮ້ ໂດຍບໍລິສັດ Heng Yuan Xiang (HYX Group) ໄດ້ມອບເງິນ 100 ລ້ານກີບ ຊ່ວຍເຫຼືອຜູ້ປະສົບໄພນຳ້ຖ້ວມໃນລາວ ແລະ ມະຫາວິທະຍາໄລພະ ລັງງານໄຟຟ້າສະເໜີມອບທຶນການສຶກສາລະດັບປະລິນຍາເອກ ແລະ ປະລິນຍາໂທ ປີລະ 5 ທຶນ, ທຶນອົບຮົມໄລຍະສັ້ນ 3 ອາທິດ 2 ທຶນ ເພື່ອສ້າງ ເງື່ອນໄຂໃຫ້ແມ່ຍິງໄດ້ມີໂອ ກາດພັດທະນາຕົນເອງຢ່າງຮອບດ້ານ. (ຂ່າວ: ສູນກາງສະຫະພັນແມ່ຍິງລາວ