ຄຳມ່ວນ ສ້າງແຜນກຳນົດພະນັກງານນຳພາ-ຄຸ້ມຄອງ


...

14.09.2018 9:06     

   ແຂວງຄຳມ່ວນ ໄດ້ເປີດ ກອງປະຊຸມວຽກງານສ້າງແຜນ ກຳນົດພະນັກງານນຳພາ-ຄຸ້ມ ຄອງຂັ້ນສູນກາງຄຸ້ມຄອງ ໃນ ວັນທີ 12 ກັນຍາຜ່ານມາ ທີ່ສະ ໂມສອນໃຫຍ່ ຫຼັກ 4 ໂດຍເປັນ ກຽດເຂົ້າຮ່ວມຂອງ ທ່ານ ຈັນ ສີ ໂພສີຄຳ ກຳມະການກົມ ການເມືອງສູນກາງພັກ ຄະ ນະເລຂາທິການສູນກາງພັກ ຫົວໜ້າຄະນະຈັດຕັ້ງສູນກາງ ພັກ, ທ່ານ ໂອໄດ ສຸດາພອນ ກຳມະການສູນກາງພັກ ເລຂາ ພັກແຂວງ ເຈົ້າແຂວງຄຳມ່ວນ, ມີບັນດາສະຫາຍໃນຄະນະພັກ, ຄະນະນຳຂັ້ນແຂວງ, ຂັ້ນເມືອງ, ພະແນກການ, ອົງການຈັດຕັ້ງມະຫາຊົນ ແລະ ຂະແໜງ ການຕ່າງໆອ້ອມຂ້າງແຂວງ ເຂົ້າຮ່ວມ. ທ່ານ ໂອໄດ ສຸດາພອນ ໄດ້ຜ່ານມະຕິກອງປະຊຸມຄົບ ຄະນະບໍລິຫານງານສູນກາງ ພັກ ຄັ້ງທີ 6 ສະໄໝທີ X ແລະ ມະຕິເລກທີ 032/ຫມສພ ວ່າ ດ້ວຍການສ້າງແຜນກຳນົດພະ ນັກງານນຳພາ-ຄຸ້ມຄອງ ພ້ອມ ທັງໄດ້ຍົກໃຫ້ເຫັນຈຸດປະສົງ ແລະ ຄວາມໝາຍຄວາມສຳ ຄັນໃນການສ້າງແຜນກຳນົດ ພະນັກງານ ໂດຍແມ່ນການ ຄາດຄະເນເປົ້າໝາຍພະນັກ ງານທີ່ຈະຈັດວາງເຂົ້າໃນຕຳ ແໜ່ງນຳພາ-ຄຸ້ມຄອງແຕ່ລະ ຂັ້ນ, ແຕ່ລະຂະແໜງການ ແນ ໃສ່ຮັບປະກັນລັກສະນະສືບ ທອດປ່ຽນແທນຢ່າງຕໍ່ເນື່ອງ ໃນສະເພາະໜ້າ ແລະ ຍາວ ຍານ, ເປັນການກະກຽມບຸກ ຄະລາກອນໃນລັກສະນະເປີດ ກວ້າງ ເພື່ອໃຫ້ມີແຫຼ່ງເລືອກ ເຟັ້ນພະນັກງານນຳພາ-ຄຸ້ມ ຄອງ ຕອບສະໜອງທາງດ້ານ ຈຳນວນ, ຄຸນນະພາບ, ໂຄງ ປະກອບບຸກຄະລາກອນໃຫ້ ຄົບຊຸດຕາມຄວາມຮຽກຮ້ອງ ຕ້ອງການຂອງບັນດາຕຳແໜ່ງ ງານນຳພາ-ຄຸ້ມຄອງແຕ່ລະ ຂັ້ນ, ແຕ່ລະຂະແໜງການໃນ ລະບົບການເມືອງ ເພື່ອຈັດຕັ້ງ ປະຕິບັດແຜນພັດທະນາເສດ ຖະກິດ-ສັງຄົມ ແລະ ການຫັນ ປະເທດເປັນອຸດສາຫະກຳ ແລະ ທັນສະໄໝເທື່ອລະກ້າວ ແນໃສ່ປົກປັກຮັກສາ ແລະ ສ້າງສາພັດທະນາປະເທດຊາດ ຕາມຈຸດໝາຍສັງຄົມນິຍົມ. ນອກນັ້ນຍັງໄດ້ຜ່ານມະຕິເລກ ທີ 030/ກມສພ ວ່າດ້ວຍມາດ ຕະຖານຂອງພະນັກງານນຳ ພາ-ຄຸ້ມຄອງ ຊຶ່ງກອງປະຊຸມ ດັ່ງກ່າວດຳເນີນເປັນເວລາ 3 ວັນ (12-14 ກັນຍາ 2018) ໂດຍໄດ້ມີການຄົ້ນຄວ້າເອົາ ເປົ້າໝາຍລົງທາບທາມ ແລະ ດຳເນີນການທາບທາມຕົວຈິງ ເພື່ອເປັນພື້ນຖານໃນການເລືອກ ເຟັ້ນສ້າງແຜນກຳນົດ, ກໍ່ສ້າງ, ບຳລຸງ, ຕີລາຄາ, ສັບຊ້ອນ ແລະ ຈັດວາງພະນັກງານເຂົ້າ ໃນຕຳແໜ່ງນຳພາ-ຄຸ້ມຄອງ ໃນແຕ່ລະຂັ້ນ. (ຂ່າວ: ກອງຄຳ)