ແຈ້ງການຂອງຄະນະເລຂາທິການສະພາແຫ່ງຊາດ


14.09.2018 9:09     

   ໂດຍຕອບສະໜອງຕາມການເຊື້ອເຊີນຂອງ ທ່ານ ລາຊ ໂລ່ ໂກ່ເລີ່ ປະທານສະພາແຫ່ງຊາດຮົງກາຣີ, ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ແຫ່ງ ສປປ ລາວ ພ້ອມຄະນະ ຈະໄດ້ເດີນທາງຢ້ຽມຢາມສັນຖະວະໄມຕີ ສ.ຮົງ ກາຣີ ຢ່າງເປັນທາງການ ເພື່ອເສີມຂະຫຍາຍສາຍພົວພັນ ແລະ ການຮ່ວມມືລະຫວ່າງສອງປະເທດລາວ-ຮົງກາຣີ ໃຫ້ ເກີດດອກອອກຜົນຍິ່ງໆຂຶ້ນ, ທັງເປັນການເພີ່ມທະວີການ ຮ່ວມມືລະຫວ່າງ ສະພາແຫ່ງຊາດຂອງສອງປະເທດ ໃນ ການແລກປ່ຽນບົດຮຽນປະສົບການ ໃນວຽກງານລັດຖະສະ ພາ ແລະ ໃນການຕິດຕາມຊຸກຍູ້ບັນດາໂຄງການຮ່ວມມືຂອງ ສອງລັດຖະບານ ລວມທັງການແລກປ່ຽນທັດສະນະໃນເວທີ ສາກົນ, ໃນລະຫວ່າງວັນທີ 16-19 ກັນຍາ 2018 ແລະ ສືບຕໍ່ ເຂົ້າຮ່ວມກອງປະຊຸມເວທີປຶກສາຫາລື ແມ່ຍິງເອີຣົບ-ອາຊີ ຄັ້ງທີ 2 ໃນລະຫວ່າງວັນທີ 19-22 ກັນຍາ 2018 ທີ່ຊັງປີເຕີ ສະເບີກ ສະຫະພັນຣັດເຊຍ, ຕາມການເຊີນຂອງທ່ານ ນາງ ວາແລນຕິນາ ມັດວິເຢັນໂກ ປະທານສະພາສູງສະຫະພັນຣັດ ເຊຍ. ໃນໂອກາດເຂົ້າຮ່ວມກອງປະຊຸມ, ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ຈະໄດ້ກ່າວປາໄສຕໍ່ກອງປະ ຊຸມເວທີປຶກສາຫາລື ແມ່ຍິງເອີຣົບ-ອາຊີ ຄັ້ງທີ 2 ພາຍໃຕ້ຫົວ ຂໍ້: ແມ່ຍິງກັບຄວາມໝັ້ນຄົງຂອງໂລກ ແລະ ການພັດທະນາ ແບບຍືນຍົງ.