ເຈົ້າແຂວງອັດຕະປື ຢືນຢັນການຄົ້ນຫາຜູ້ສູນຫາຍຍັງສືບຕໍ່ດຳເນີນການເປັນປົກກະຕິ


...

18.09.2018 9:37     

   ທ່ານ ເລັດ ໄຊຍະພອນ ເຈົ້າແຂວງອັດຕະປື ໄດ້ໃຫ້ສຳພາດຕໍ່ນັກຂ່າວໜັງສືພິມປະຊາຊົນ ໃນໂອກາດທີ່ທ່ານໄດ້ເຂົ້າຮ່ວມກອງປະຊຸມລັດ ຖະບານເປີດກວ້າງ ຄັ້ງທີ II ປະຈຳປີ 2018 ໃຫ້ຮູ້ວ່າ: ການຊອກຫາຜູ້ເສຍຊີວິດຈາກການເກີດນຳ້ຖ້ວມເມືອງສະໜາມໄຊ ແຂວງອັດຕະປື, ມາຮອດປັດຈຸບັນ ການຄົ້ນຫາຜູ້ເສຍຊີວິດສຸກເສີນນັ້ນແມ່ນສິ້ນສຸດລົງແລ້ວ, ແຕ່ຍັງເຫຼືອການຄົ້ນຫາຜູ້ເສຍຊີວິດຢ່າງເປັນປົກກະຕິ ແມ່ນໄດ້ດຳເນີນການຢ່າງເປັນປົກກະຕິ ແລະ ຕໍ່ເນື່ອງ. ສຳລັບການເກັບກຳໂຕເລກຜູ້ເສຍຊີວິດ ແມ່ນພວກເຮົາມີບັນຊີເກັບກຳຢ່າງລະອຽດເປັນທີ່ຮຽບຮ້ອຍແລ້ວ ຍັງເຫຼືອພຽງແຕ່ການສະຫຼຸບລວມທັງໝົດ ໂດຍຮ່ວມກັບຄະນະສະເພາະກິດ ຫຼັງຈາກເຫດການກັບຄືນສູ່ສະພາບປົກກະຕິແລ້ວ ຈຶ່ງຈະໄດ້ລາຍງານໃຫ້ສັງຄົມໄດ້ຮັບຮູ້ຕາມລຳດັບ, ສ່ວນການກໍ່ສ້າງເສັ້ນທາງຄົມມະນາຄົມທາງການນຳແຂວງອັດຕະປື ໄດ້ມອບໃຫ້ 4 ບໍລິສັດພາຍໃນແຂວງອັດຕະປື ເປັນຜູ້ຮັບເໝົາກໍ່ສ້າງ. ທ່ານໄດ້ກ່າວໃຫ້ຮູ້ຕື່ມອີກວ່າ: ປັດຈຸບັນການກໍ່ສ້າງເຮືອນພັກຊົ່ວຄາວໃຫ້ແກ່ປະຊາຊົນຜູ້ໄດ້ຮັບຜົນກະທົບ ແມ່ນມີຄວາມຄືບໜ້າເປັນຈຳນວນຫຼາຍ, ໃນນັ້ນ ໄດ້ບຸກເບີກພື້ນທີ່ຊົ່ວຄາວ ແລະ ຖາວອນ ສຳລັບຜູ້ປະສົບໄພພິບັດ ຢູ່ຈຸດບ້ານຕະມໍຢອດ ເນື້ອທີ່ 54,28 ເຮັກຕາ, ປະຕິບັດໄດ້ 14%, ຈຸດດົງບາກ ເນື້ອທີ່ 120 ເຮັກຕາ ປະຕິບັດໄດ້ 6,25% ແລະ ຈຸດດອນບົກ ເນື້ອທີ່ 13,93 ເຮັກຕາ ປະຕິບັດໄດ້ 46%, ວຽກງານທີ່ຮີບດ່ວນ ແມ່ນການເບີກຈ່າຍເງິນແຮຖົງໃຫ້ຜູ້ປະສົບໄພພິບັດຈາກ 500.000 ກີບມາເປັນ 100.000 ກີບ/ຄົນ/ເດືອນ ໃຫ້ແກ່ຜູ້ປະສົບໄພພິບັດ ຈຳນວນ 7.095 ຄົນ. ອີງໃສ່ສະພາບການໃນ ປັດຈຸບັນ ແມ່ນມີຄວາມຫຍຸ້ງ ຍາກໃນການຊອກຄົ້ນຜູ້ສູນ ຫາຍຈາກໄພພິບັດ ເພາະເຫດ ການດັ່ງກ່າວແມ່ນເຫດ ການທາງປະຫວັດສາດ ທີ່ເກີດຂຶ້ນທີ່ເມືອງສະໜາມໄຊ ແຂວງອັດຕະປື ຊຶ່ງໄດ້ສ້າງຄວາມເສຍຫາຍຕໍ່ຊີວິດ ແລະ ຊັບສິນຂອງປະຊາຊົນ. ເຖິງຢ່າງ ໃດກໍຕາມ ທາງພັກ ແລະ ລັດ ຖະບານ ໂດຍສະເພາະການ ນຳແຂວງກໍໄດ້ໃຫ້ຄວາມຊ່ວຍ ເຫຼືອ, ຕິດຕາມກວດກາຢ່າງໃກ້ຊິດ ເພື່ອຊ່ວຍເຫຼືອບັນເທົາທຸກແກ່ພໍ່ແມ່ປະຊາຊົນຢ່າງລຽນຕິດ ເຮັດໃຫ້ສະພາບກັບ ຄືນສູ່ປົກກະຕິໂດຍໄວ. (ຂ່າວ: ສ.ສິມມາລາວົງ)