ສານຊົມເຊີຍ

20.09.2018 9:08     

   ວັນທີ 18 ກັນຍາ 2018, ພະນະທ່ານ ບຸນຍັງ ວໍລະຈິດ ປະທານປະເທດເຮົາ ໄດ້ສົ່ງສານສະແດງຄວາມຊົມເຊີຍເຖິງ ພະນະທ່ານ ນາງ ບິດຍາ ເດວີ ຟັນດາຣີ ປະທານາທິບໍດີ ແຫ່ງ ສະຫະພັນ ປະຊາທິປະໄຕ ສາທາລະນະລັດ ເນປານ ທີ່ກາດມັນດູ ຊຶ່ງມີເນື້ອໃນວ່າ:
   ໃນນາມປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ມີຄວາມປິຕິຍິນດີເປັນຢ່າງຍິ່ງ ສົ່ງຄຳຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງພະນະທ່ານ ແລະ ປະຊາຊົນ ເນປານ ທຸກຖ້ວນໜ້າ ເນື່ອງໃນໂອກາດສະເຫຼີມສະຫຼອງວັນຊາດ ແຫ່ງ ສະຫະພັນ ປະຊາທິປະໄຕ ສາທາລະນະລັດ ເນປານ.
ຂ້າພະເຈົ້າ ຕີລາຄາສູງຕໍ່ສາຍພົວພັນມິດຕະພາບ ແລະ ການຮ່ວມມື ໃນໄລຍະຜ່ານມາ ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສະຫະພັນ ປະຊາທິປະໄຕ ສາທາລະນະລັດ ເນປານ ແລະ ເຊື່ອໝັ້ນວ່າ ສາຍພົວພັນທີ່ດີ ດັ່ງກ່າວ ຈະສືບຕໍ່ໄດ້ຮັບການຮັດແໜ້ນໃນຊຸມປີຕໍ່ໜ້າ ເພື່ອຜົນປະໂຫຍດຂອງສອງຊາດພວກເຮົາ.
   ຂ້າພະເຈົ້າ ຂໍຖືໂອກາດອັນສະຫງ່າລາສີນີ້ ອວຍພອນໄຊ ໃຫ້ພະນະທ່ານ ຈົ່ງມີພະລານະໄມສົມບູນ ແລະ ມີຄວາມຜາສຸກ ແລະ ປະຊາຊົນເນປານ ຈົ່ງມີຄວາມກ້າວໜ້າ ແລະ ຈະ ເລີນຮຸ່ງເຮືອງຍິ່ງໆຂຶ້ນ.
ໃນໂອກາດດຽວກັນ, ພະນະທ່ານ ທອງລຸນ ສີສຸລິດ ນາຍົກລັດຖະມົນຕີ ແລະ ພະນະທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດເຮົາ ກໍໄດ້ສົ່ງສານສະແດງຄວາມຊົມເຊີຍເຖິງຄູ່ຮ່ວມຕຳແໜ່ງ ແຫ່ງ ສະຫະພັນ ປະຊາທິ ປະໄຕ ສາທາລະນະລັດເນປານ ເຊັ່ນດຽວກັນ.