ນາຍົກລັດຖະມົນຕີ ແຫ່ງ ສປປ ລາວ ພົບປະສອງຝ່າຍກັບຄູ່ຮ່ວມຕຳແໜ່ງ ແຫ່ງ ສສ ຫວຽດນາມ ແລະ ສປ ຈີນ


...

    

ສະຫາຍ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ພົບປະສອງຝ່າຍກັບ ສະຫາຍ ຫງວຽນ ຊວັນ ຟຸກ ນາຍົກລັດຖະມົນຕີ ແຫ່ງ ສສ ຫວຽດນາມ ໃນວັນທີ 10 ມັງກອນນີ້ ໃນໂອກາດເຂົ້າຮ່ວມກອງປະຊຸມຜູ້ນຳແມ່ນ້ຳຂອງ - ແມ່ນ້ຳລ້ານຊ້າງ ຄັ້ງທີ 2 ທີ່ພະນົມເປັນ ຣາຊະອານາຈັກ ກຳປູເຈຍ. ໃນການພົບປະຄັ້ງນີ້, ສອງຝ່າຍໄດ້ຕີລາຄາສູງ ແລະ ສະແດງຄວາມຊົມເຊີຍຕໍ່ຜົນສຳເລັດອັນຈົບງາມ ແລະ ຮອບດ້ານ ໃນການຮ່ວມກັນຈັດບັນ ດາກິດຈະກຳສະເຫຼີມ ສະຫຼອງປີສາມັກຄີມິດຕະພາບ ລາວ - ຫວຽດນາມ, ຫວຽດນາມ - ລາວ ໃນປີ 2017 ຜ່ານມາ ດ້ວຍບັນຍາກາດຟົດຟື້ນ, ມີຄວາມໝາຍຄວາມສຳຄັນ ແລະ ເຕັມໄປ ດ້ວຍເນື້ອໃນຄວາມເຂົ້າອົກເຂົ້າໃຈ, ຊ່ວຍເຫຼືອຊຶ່ງກັນ ແລະ ກັນ; ພ້ອມທັງສະແດງຄວາມຊົມເຊີຍຕໍ່ໝາກຜົນການປະສານສົມທົບ ແລະ ການແລກປ່ຽນຄວາມຄິດເຫັນ ໃນຂອບຂອງກອງປະຊຸມຕ່າງໆ ທີ່ປິ່ນອ້ອມ, ເປັນຕົ້ນແມ່ນການເຂົ້າຮ່ວມກອງປະຊຸມໃນຄັ້ງນີ້ ຊຶ່ງເຮັດໃຫ້ຜົນຂອງກອງປະຊຸມຜູ້ນຳ ແມ່ນ້ຳຂອງ - ແມ່ນ້ຳລ້ານຊ້າງ ໄດ້ຮັບຜົນສຳເລັດຢ່າງຈົບ ງາມ. ນອກນີ້ ສອງຝ່າຍຍັງໄດ້ ປຶກສາຫາລື ແລະ ແລກປ່ຽນ ຄຳຄິດຄຳເຫັນຮ່ວມກັນ ເພື່ອ ກະກຽມໃຫ້ແກ່ສອງກອງປະ ຊຸມໃຫຍ່ທີ່ຈະຈັດຂຶ້ນໃນເດືອນ ກຸມພາ 2018 ນີ້ ຄື: ກອງປະ ຊຸມສອງກົມການເມືອງ ແລະ ກອງປະຊຸມຄະນະກຳມາທິ ການຮ່ວມມື ລາວ - ຫວຽດ ນາມ ຄັ້ງທີ 40. ພ້ອມນັ້ນ ສອງ ຝ່າຍຈະສືບຕໍ່ຊຸກຍູ້ການພົວ ພັນຮ່ວມມືສອງປະເທດ ລາວ - ຫວຽດນາມ ໃນປີ 2018 ແລະ ຕໍ່ໜ້າໃຫ້ມີບັນຍາກາດຟົດຟື້ນ ແລະ ມີໝາກຜົນກ່ວາເກົ່າ. ໃນໂອກາດນີ້, ສະຫາຍ ທອງລຸນ ສີສຸລິດ ໄດ້ສະແດງ ຄວາມຂອບອົກຂອບໃຈຢ່າງ ສູງມາຍັງສະຫາຍ ຫງວຽນ ຊວັນຟຸກທີ່ໄດ້ເອົາໃຈໃສ່ຊຸກຍູ້ ແລະ ຊີ້ນຳບັນດາຂະແໜງການ ກ່ຽວຂ້ອງຂອງຫວຽດນາມໃຫ້ ມີການລົງນາມ ໃນສັນຍາລະ ຫວ່າງລັດຖະບານ ແຫ່ງ ສປປ ລາວ ແລະ ສສ ຫວຽດນາມ, ພົ້ນ ເດັ່ນແມ່ນໂຄງການກໍ່ສ້າງຫໍ ສະພາແຫ່ງຊາດ ຫຼັງໃໝ່ຂອງ ລາວ.

ສະຫາຍ ຫງວຽນ ຊວັນ ຟຸກ ກໍໄດ້ຖືໂອກາດນີ້ ສະແດງ ຄວາມຊົມເຊີຍຕໍ່ລັດຖະບານ ລາວ ໃນການເຂົ້າຮັບເປັນປະ ທານຮ່ວມຂອງ ສປປ ລາວ ກັບ ສປ ຈີນ ສຳລັບຂອບການ ຮ່ວມມືແມ່ນ້ຳຂອງ - ແມ່ນ້ຳ ລ້ານຊ້າງ ສົກປີ 2018 - 2020 ແລະ ອວຍພອນໃຫ້ການເປັນ ປະທານຮ່ວມ ຈົ່ງປະສົບຜົນສຳ ເລັດຢ່າງຈົບງາມ. ໃນວັນດຽວກັນນີ້, ສະຫາຍ ທອງລຸນ ສີສຸລິດ ຍັງໄດ້ພົບປະ ສອງຝ່າຍກັບ ສະຫາຍ ລີ ເຄີ້ສຽງ ນາຍົກລັດຖະມົນຕີ ແຫ່ງ ສປ ຈີນ. ໃນການພົບປະດັ່ງກ່າວ, ສອງຝ່າຍໄດ້ຕີລາຄາສູງຕໍ່ຜົນ ສຳເລັດອັນຈົບງາມໃນການ ຢ້ຽມຢາມທາງລັດຖະກິດ ແຫ່ງ ສປປ ລາວ ຂອງ ສະຫາຍ ສີ ຈິ້ນຜິງ ເລຂາທິການໃຫຍ່ ປະ ທານປະເທດ ແຫ່ງ ສປ ຈີນ ໃນລະຫວ່າງວັນທີ 13 - 14 ພະຈິກ 2017 ຜ່ານມາ ແລະ ເຫັນດີສືບຕໍ່ຜັນຂະຫຍາຍຜົນ ການຢ້ຽມຢາມດັ່ງກ່າວໃຫ້ໄດ້ ຮັບໝາກຜົນສູງສຸດ ໂດຍສະ ເພາະສືບຕໍ່ຈັດຕັ້ງປະຕິບັດ 17 ໂຄງການທີ່ສອງຝ່າຍໄດ້ຕົກ ລົງກັນແລ້ວ ໃຫ້ສຳເລັດຕາມ ເປົ້າໝາຍທີ່ວາງໄວ້, ເປັນຕົ້ນ ແມ່ນໂຄງການລົດໄຟ ລາວ - ຈີນ ທີ່ເປັນໂຄງການຍຸດທະ ສາດ ແລະ ມີຄວາມໝາຍສຳ ຄັນ ລະຫວ່າງສອງປະເທດກໍຄື ພາກພື້ນ. ພ້ອມນີ້, ສອງຝ່າຍ ໄດ້ປຶກສາຫາລືກັນ ເພື່ອໃຫ້ ການເປັນປະທານຮ່ວມຂອງ ສປປ ລາວ ກັບ ສປ ຈີນ ໃນ ຂອບການຮ່ວມມືແມ່ນ້ຳຂອງ - ແມ່ນ້ຳລ້ານຊ້າງ ສົກປີ 2018 - 2020 ນີ້ ໃຫ້ໄດ້ຮັບຜົນສຳ ເລັດຢ່າງຈົບງາມ. ນອກນີ້, ສອງ ຝ່າຍຍັງໄດ້ປຶກສາຫາລື ແລະ ແລກປ່ຽນຄຳຄິດຄຳເຫັນກ່ຽວກັບ ການຈັດງານວາງສະແດງສາກົນ, ການນຳເຂົ້າຂອງຈີນ (China International Import EXPO), ທີ່ຈະຈັດຂຶ້ນໃນເດືອນພະຈິກ 2018 ນີ້. ທີ່ນະຄອນຊຽງໄຮ ສປ ຈີນ ຊຶ່ງສະຫາຍ ທອງລຸນ ສີສຸລິດ ກໍຈະນຳພາຄະນະຜູ້ ແທນລາວເຂົ້າຮ່ວມງານດັ່ງ ກ່າວ. ໃນຕອນທ້າຍ, ທັງສອງ ຝ່າຍຕ່າງກໍອວຍພອນໃຫ້ສາຍ ພົວພັນມິດຕະພາບອັນເປັນມູນ ເຊື້ອ ແລະ ການຮ່ວມມືແບບຄູ່ ຮ່ວມຍຸດທະສາດ ຮອບດ້ານ ໝັ້ນຄົງ ຍາວນານ ລະຫວ່າງ ສປປ ລາວ ແລະ ສປ ຈີນ ຈົ່ງສືບ ຕໍ່ຈະເລີນງອກງາມຍິ່ງໆຂຶ້ນ.