ປະທານ ສນຊ ຢ້ຽມຢາມ ແລະ ເຮັດວຽກຢູ່ໄຊສົມບູນ


...

12.02.2019 9:22     

   ທ່ານ ໄຊສົມພອນ ພົມວິ ຫານ ກຳມະການກົມການ ເມືອງສູນກາງພັກ ປະທານສູນ ກາງແນວລາວສ້າງຊາດ (ສນຊ) ພ້ອມດ້ວຍຄະນະລົງຢ້ຽມຢາມພົບປະໂອ້ລົມພະນັກຫຼັກແຫຼ່ງແຂວງໄຊສົມບູນ ຊຶ່ງໄດ້ຮັບການຕ້ອນຮັບຢ່າງອົບອຸ່ນຈາກທ່ານ ພົຕ. ຄຳລຽງ ອຸທະ ໄກສອນ ເລຂາພັກແຂວງ ເຈົ້າ ແຂວງໄຊສົມບູນ. ທ່ານ ເຈົ້າແຂວງໄຊສົມບູນ ໄດ້ລາຍງານສະພາບລວມການພັດທະນາເສດຖະກິດ-ສັງຄົມຂອງແຂວງໃນໄລຍະຜ່ານມາໂດຍຫຍໍ້ ແລະ ຜ່ານທິດທາງແຜນການໃນຕໍ່ໜ້າວ່າ: ຕະຫຼອດໄລຍະຜ່ານມາຄະນະພັກ, ຄະນະນຳແຂວງໄຊສົມບູນໄດ້ເອົາໃຈໃສ່ຜັນຂະຫຍາຍມະຕິ X ຂອງພັກລົງສູ່ຮາກຖານເຂດຫ່າງໄກສອກຫຼີກ, ນຳພາປະຊາຊົນຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງ VIII ຂອງລັດ ຊຶ່ງເຮັດໃຫ້ສະພາບເສດຖະກິດ-ສັງຄົມຂອງແຂວງຂະຫຍາຍຕົວຢ່າງຕໍ່ເນື່ອງ, ມີຄວາມສະຫງົບໂດຍ ພື້ນຖານ ແລະ ໄດ້ປັບປຸງກົງ ຈັກການຈັດຕັ້ງບັນດາຂະແໜງ ການຕ່າງໆແຂວງ ຈຳນວນໜຶ່ງໃຫ້ທ່ານປະທານ ສນຊ ຮັບຊາບ. ໃນໂອກາດນີ້, ທ່ານປະ ທານ ສນຊ ໄດ້ໃຫ້ກຽດມີຄຳເຫັນໂອ້ລົມຕໍ່ພະນັກງານຫຼັກແຫຼ່ງຂອງແຂວງ, ແນວລາວສ້າງຊາດ, ບັນດາອົງການຈັດຕັ້ງມະຫາຊົນ, ຜູ້ຊົງຄຸນວຸດທິບັນດາເຜົ່າ ແລະ ພະນັກງານ-ລັດຖະກອນ ຊຶ່ງກ່ອນອື່ນທ່ານໄດ້ຍ້ອງຍໍຊົມເຊີຍຕໍ່ບັນດາຜົນງານທີ່ຄະນະພັກ, ຄະນະນຳແຂວງຍາດມາໄດ້ໃນໄລຍະຜ່ານມາ ພ້ອມກັນນີ້, ທ່ານໄດ້ຍົກໃຫ້ເຫັນສະພາບການສາກົນ ແລະ ພາກພື້ນ, ສະພາບລວມການພັດທະນາເສດຖະກິດ- ສັງຄົມຂອງຊາດ ໃນ ສປປ ລາວ ໃນນີ້, ທ່ານໄດ້ ຫວນຄືນມູນເຊື້ອຂອງອົງການແນວລາວສ້າງຊາດຕະຫຼອດ 68 ປີຜ່ານມາ ໂດຍຫຍໍ້ເປັນ ຕົ້ນແມ່ນສະໄໝແນວລາວອິດ ສະຫຼະ, ແນວລາວຮັກຊາດ ແລະ ແນວລາວສ້າງຊາດໃນ ປັດຈຸບັນ ແລະ ທ່ານໄດ້ເນັ້ນໃຫ້ຄະນະພັກ, ຄະນະນຳແຂວງຈົ່ງເອົາໃຈໃສ່ສຶກສາອົບຮົມການ ເມືອງແນວຄິດໃຫ້ຖັນແຖວ ສະມາຊິກພັກ, ພະນັກງານ-ລັດຖະກອນໃຫ້ມີແນວຄິດໜັກແໜ້ນມີຄວາມເຂົ້າໃຈຢ່າງເລິກເຊິ່ງຕໍ່ອຸດົມການຂອງພັກ ພ້ອມກັນສ້າງສາພັດທະນາປະເທດຊາດໃຫ້ຈະເລີນເທື່ອລະກ້າວ ໂອກາດເຄື່ອນໄຫວຢູ່ແຂວງໄຊສົມບູນ ທ່ານປະທານ ສນຊ ໄດ້ຢ້ຽມຢາມພົບປະນາຍ ແລະພົນທະຫານຢູ່ກອງບັນຊາການທະຫານແຂວງ, ພົບປະໂອ້ລົມພະນັກງານຫຼັກແຫຼ່ງ ເມືອງທ່າໂທມ ແລະ ທ່ານໄດ້ມອບຜ້າຫົ່ມຈຳນວນ 200 ຜືນໃຫ້ກອງບັນຊາການທະຫານແຂວງ, ມອບລົດຈັກ 5 ຄັນໃຫ້ແນວລາວສ້າງຊາດເມືອງ 5 ເມືອງຂອງແຂວງໄຊສົມບູນ, ມອບຕົ້ນໄມ້ກິນໝາກ 10.000 ຕົ້ນໃຫ້ເມືອງຮົ່ມ, ມອບເຂົ້າ 5 ໂຕນ ແລະ ຜ້າຫົ່ມ100 ຜືນໃຫ້ເມືອງທ່າໂທມ ເພື່ອໄປມອບຕໍ່ໃຫ້ບັນດາຄອບຄົວເປົ້າໝາຍ. (ຂ່າວ: ສນຊ)