S ໜັງສືພິມ ປະຊາຊົນ

 

ລາວ - ຫວຽດນາມ ສືບຕໍ່ຮ່ວມມືດ້ານຖະແຫຼງຂ່າວ


...

12.03.2019 13:27     

   ການນຳກະຊວງຖະແຫຼງ ຂ່າວ, ວັດທະນະທຳ ແລະ ທ່ອງ ທ່ຽວ ແຫ່ງ ສປປ ລາວ (ຖວທ) ນຳໂດຍທ່ານ ບໍ່ແສງຄຳ ວົງ ດາລາ ກຳມະການສູນກາງພັກ ລັດຖະມົນຕີ ກະຊວງ ຖວທ ໄດ້ພົບປະການນຳຂອງກະຊວງ ຖະແຫຼງຂ່າວ ແລະ ການສື່ສານ ແຫ່ງ ສສ ຫວຽດນາມ ນຳໂດຍທ່ານ ຫງວຽນ ແມງ ຮຸ່ງ ກຳມະການສູນກາງພັກ ລັດຖະ ມົນຕີ ກະຊວງ ຖະແຫຼງຂ່າວ ແລະ ການສື່ສານ ສສ ຫວຽດ ນາມ, ເມື່ອວັນທີ 11 ມີນານີ້ ທີ່ຫ້ອງປະຊຸມຂອງໂຮງແຮມລາວ ພລາຊາ. ໃນການພົບປະການນຳ ທັງສອງຝ່າຍຕ່າງກໍໄດ້ແຈ້ງໃຫ້ ກັນຊາບເຖິງຜົນສຳເລັດດ້ານ ວຽກງານຖະແຫຼງຂ່າວ ຂອງແຕ່ລະປະເທດ ແລະ ເພິ່ງພໍໃຈຕໍ່ຜົນການຮ່ວມມືແລກປ່ຽນຂ້ໍມູນຂ່າວສານ ແລະ ການຊ່ວຍເຫຼືອຊຶ່ງກັນ ແລະ ກັນ ຂອງທັງສອງປະເທດໃນໄລຍະຜ່ານມາ ແລະ ກຳນົດແຜນການຮ່ວມມືກັນໃນຕໍ່ໜ້າ. ກ່າວມີຄຳເຫັນໃນການ ພົບປະ, ທ່ານ ບໍ່ແສງຄຳ ວົງດາລາ ໄດ້ກ່າວບາງຕອນສຳຄັນວ່າ: ໃນຊຸມປີທີ່ຜ່ານມາ ທັງ ສອງກະຊວງພວກເຮົາ ກໍໄດ້ຮ່ວມກັນຈັດຕັ້ງງານວາງສະ ແດງຮູບພາບ, ປຶ້ມ, ໜັງສືພິມ ແລະ ວາລະສານຫວຽດນາມ ທີ່ ນະຄອນຫຼວງວຽງຈັນ. ນອກຈາກນີ້, ທັງສອງກະຊວງພວກເຮົາກໍໄດ້ແລກປ່ຽນການຢ້ຽມຢາມຊຶ່ງກັນ ແລະ ກັນ ໃນລະ ດັບຄະນະຜູ້ແທນຂັ້ນສູງສອງກະຊວງ, ຂັ້ນກົມ ແລະ ວິຊາການ, ແຕ່ລະປີກະຊວງຖະແຫຼງຂ່າວ ແລະ ການສື່ສານຫວຽດ ນາມ ຍັງໄດ້ຈັດຝຶກອົບຮົມວຽກ ງານສື່ມວນຊົນ ໃຫ້ແກ່ນັກບັນ ນາທິການ, ນັກຂ່າວລາວຈາກສູນກາງ ແລະ ທ້ອງຖິ່ນໂດຍຈັດຢູ່ ສປປ ລາວ ແລະ ສສ ຫວຽດ ນາມ ຊຶ່ງພວກຂ້າພະເຈົ້າຕີລາຄາວ່າເປັນການຝຶກອົບຮົມທີ່ມີ ປະສິດທິຜົນດີ ແລະ ຄວນສືບຕໍ່ ປະຕິບັດໃນຕໍ່ໜ້າ, ສອງຝ່າຍໄດ້ຮ່ວມກັນໂຄສະນາກະຈ່າຍຂ່າວຜ່ານໜັງສືພິມ, ວິທະຍຸ ແລະ ໂທລະພາບເນື່ອງໃນວັນສຳຄັນຕ່າງໆຂອງສອງປະເທດ ແລະ ແລກປ່ຽນລາຍການວິທະຍຸ-ໂທລະພາບ ຊຶ່ງກັນ ແລະ ກັນ ຕື່ມອີກ. ພິເສດໃນໂອກາດທີ່ທ່ານ ຫງວຽນ ຟູ ຈ້ອງ ເລຂາທິການໃຫຍ່ ປະທານປະເທດແຫ່ງ ສສ ຫວຽດນາມ ພ້ອມດ້ວຍຄະນະມາຢ້ຽມຢາມລັດຖະກິດ ຢູ່ ສປປ ລາວ ຄັ້ງວັນທີ 25-26 ກຸມພາ ຜ່ານມານີ້ ກະຊວງ ຖວທ ພວກເຮົາ ກໍໄດ້ລົງນາມບົດບັນທຶກການຮ່ວມມືກັບວິທະຍຸກະຈາຍສຽງແຫ່ງຊາດຫວຽດນາມ ວ່າດ້ວຍການຊ່ວຍເຫຼືອປ່ຽນຖ່າຍທາງດ້ານອຸປະກອນເຕັກໂນໂລຊີໃຫ້ແກ່ວິທະຍຸກະຈາຍສຽງແຫ່ງຊາດລາວ. ບົນຈິດໃຈມິດຕະພາບອັນເປັນມູນເຊື້ອ ແລະ ຄວາມສາມັກຄີພິເສດລະຫວ່າງ ສອງຊາດພວກເຮົາ, ການພົບປະໂອ້ລົມຂອງພວກເຮົາໃນຄັ້ງນີ້ ຈະໄດ້ພ້ອມກັນຊອກຫາບັນດາມາດຕະການທີ່ມີຄວາມສັກສິດ ເພື່ອຊຸກຍູ້ໃຫ້ການຮ່ວມມືຮອບດ້ານ ລະຫວ່າງສອງກະຊວງພວກເຮົາໃຫ້ນັບມື້ເຂົ້າສູ່ລວງເລິກ, ແທດເໝາະກັບຕົວຈິງ ແລະ ມີປະສິດທິຜົນຍິ່ງໆຂຶ້ນ ເປັນຕົ້ນການຮ່ວມມືໃນການພັດທະນາ, ຄຸ້ມຄອງ ແລະ ນຳໃຊ້ສື່ດີຈີຕອນ ໂດຍສອດຄ່ອງກັບກົດໝາຍຂອງແຕ່ລະປະເທດ ແລະ ທິດທາງການຮ່ວມມືຮອບດ້ານ ດ້ວຍນຳ້ໃຈແຫ່ງມິດຕະພາບທີ່ຍິ່ງໃຫຍ່ ແລະ ຄວາມສາມັກຄີພິເສດລະຫວ່າງ 2 ພັກ, 2 ລັດ ແລະ ປະຊາຊົນ 2 ຊາດພວກເຮົາ. ພາຍຫຼັງສິ້ນສຸດການພົບ ປະສອງຝ່າຍໄດ້ເຊັນບົດບັນທຶກຮ່ວມກັນ ເພື່ອການຮ່ວມມືສຳລັບປີ 2019 ປະກອບມີ 5 ເນື້ອໃນຄື: ດ້ານສື່ສິ່ງພິມ, ດ້ານວິທະຍຸ-ໂທລະພາບ, ດ້ານການພິມຈຳໜ່າຍ, ດ້ານຝຶກອົບຮົມ ແລະ ພັດທະນາຊັບພະຍາກອນມະນຸດ ແລະ ການແລກປ່ຽນຂໍ້ມູນຂ່າວສານ ແລະ ການສື່ສານ. (ຂ່າວ: ສຳນານ)