S ໜັງສືພິມ ປະຊາຊົນ

 

ລມຕ ກະຊວງ ຖວທ ຕ້ອນຮັບຄະນະຜູ້ແທນ ສສ ຫວຽດນາມ


...

13.03.2019 12:58     

    ທ່ານ ບໍ່ແສງຄຳ ວົງດາ ລາ ລັດຖະມົນຕີກະຊວງຖະ ແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ຕ້ອນ ຮັບການເຂົ້າຢຽ້ມພົບປະ ຂອງ ທ່ານ ວູ ຮາຍ ຮອງອຳນວຍການໃຫຍ່ວິທະຍຸກະຈາຍສຽງຫວຽດນາມ (VOV) ໃນໂອ ກາດເດີນທາງຢ້ຽມຢາມ ແລະ ເຮັດວຽກຮ່ວມກັບວິທະຍຸກະ ຈາຍສຽງແຫ່ງຊາດລາວ ລະ ຫວ່າງວັນທີ 9-13 ມີນານີ້ ແລະ ເດີນທາງຢ້ຽມຢາມແຂວງຫຼວງພະບາງ, ທັງສອງຝ່າຍໄດ້ພົບປະແລກປ່ຽນກ່ຽວກັບການຮ່ວມມືໃນຂະແໜງການວິທະຍຸໂດຍສະເພາະດ້ານສົ່ງເສີມວິຊາການ ແລະ ການພັດທະນາເຕັກໂນໂລຊີຍຸກໃໝ່, ເມື່ອວັນທີ 12 ມີນານີ້ ທີ່ຫ້ອງຮັບແຂກຂອງກະຊວງດັ່ງກ່າວ. ໃນໂອກາດດັ່ງກ່າວ ທ່ານ ບໍ່ແສງຄຳ ວົງດາລາ ໄດ້ສະແດງຄວາມຍ້ອງຍໍຊົມເຊີຍ ແລະ ຕີລາຄາສູງຕໍ່ການເດີນທາງມາຢ້ຽມຢາມ ແລະ ເຮັດວຽກ ຂອງທ່ານ ວູ ຮາຍ ພ້ອມຄະນະຢູ່ ສປປ ລາວ ເວົ້າລວມ ເວົ້າສະ ເພາະກໍຄືເຮັດວຽກຮ່ວມກັບວິທະຍຸກະຈາຍສຽງແຫ່ງຊາດລາວໃນຄັ້ງນີ້ ຊຶ່ງຈະເປັນການປະກອບສ່ວນເສີມສ້າງຮັດແໜັນສາຍພົວພັນມິດຕະພາບ ແລະ ການຮ່ວມມືຮອບດ້ານລະຫວ່າງສອງພັກ-ລັດ ແລະ ປະຊາຊົນສອງຊາດ ລາວ-ຫວຽດນາມທ່ີມີມາແລ້ວນັ້ນໃຫ້ນັບມື້ເຕີບໃຫຍ່ຂະຫຍາຍຕົວຍິ່ງໆຂຶ້ນ. ທ່ານ ວູ ຮາຍ ກໍໄດ້ກ່າວສະແດງຄວາມຂອບໃຈຕໍ່ທ່ານລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ທີ່ໃຫ້ການຕ້ອນຮັບຢ່າງອົບອຸ່ນໃນຄັ້ງນີ້ອີກດ້ວຍ. (ຂ່າວ: ນາງ ສະຫວັນຄຳ)