S ໜັງສືພິມ ປະຊາຊົນ

 

ປະທານ ສກລ ຕ້ອນຮັບຄະນະຜູ້ແທນ ກຳປູເຈຍ


...

13.03.2019 12:58     

   ທ່ານ ປ້ານ ນ້ອຍມະນີ ກຳມະການສູນກາງພັກ ປະ ທານຄະນະບໍລິຫານງານສູນກາງສະພັນກຳມະບານລາວ (ສກລ) ໄດ້ຕ້ອນຮັບການເຂົ້າຢ້ຽມພົບປະຂອງທ່ານ ສົມໂອນ ປະທານສະພາພັນທະມິດກຳ ມະບານແຫ່ງຊາດກຳປູເຈຍ ໃນວັນທີ 12 ມີນານີ້ ທີ່ຫ້ອງຮັບ ແຂກຂອງຫ້ອງການດັ່ງກ່າວ. ໃນໂອກາດທີ່ຄະນະຜູ້ແທນ ດັ່ງກ່າວ ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ລະຫວ່າງວັນທີ 12- 15 ມີນານີ້ ໃນໂອກາດດັ່ງກ່າວ.ທ່ານ ປ້ານ ນ້ອຍມະນີ ໄດ້ສະແດງຄວາມຕ້ອນຮັບ ແລະ ຕີລາຄາສູງຕໍ່ການມາຢ້ຽມຢາມ ແລະ ເຮັດວຽກຂອງຄະນະຜູ້ແທນ ສະພາພັນທະມິດກຳມະບານແຫ່ງຊາດກຳປູເຈຍ ໃນຄັ້ງນີ້ ແລະ ໄດ້ສະແດງຄວາມຊົມເຊີຍຕໍ່ການພົວພັນຮ່ວມມືຂອງສອງພາກສ່ວນ ຊຶ່ງມີຂີດໝາຍການພັດທະນາອັນສຳຄັນຍິ່ງຕໍ່ການພົວພັນຮ່ວມມືອັນເປັນມູນເຊື້ອລະຫວ່າງສອງພັກ, ສອງລັດ, ກໍຄືປະຊາຊົນສອງຊາດຂອງ ສປປ ລາວ ແລະ ຣາຊະອານາຈັກກຳປູເຈຍ ໂດຍສະເພາະແມ່ນສອງອົງການຈັດຕັ້ງສູນກາງສະຫະພັນກຳ ມະບານລາວ ແລະ ສະພາພັນທະມິດກຳມະບານແຫ່ງຊາດກຳປູເຈຍ ຄວາມສາມັກຄີຂອງສອງຊາດພວກເຮົາໃຫ້ດີຂຶ້ນເລື້ອຍໆ. ໃນວັນດຽວກັນ, ຄະນະຜູ້ແທນດັ່ງກ່າວ ກໍໄດ້ມີການພົບປະແລກປ່ຽນປະສົບການການເຄື່ອນໄຫວວຽກງານ ນຳໂດຍ ທ່ານ ສີມູນ ອຸ່ນລາສີ ຮອງປະທານຄະນະບໍລິຫານງານ ສູນກາງສະຫະພັນກຳມະບານລາວ, ຝ່າຍ ກຳປູເຈຍ ນຳໂດຍ ທ່ານ ສົມໂອນ ປະທານສະ ພາພັນທະມິດກຳມະບານແຫ່ງຊາດກຳປູເຈຍ; ສອງຝ່າຍ ໄດ້ປຶກສາຫາລື ແລະ ແລກປ່ຽນບົດຮຽນຊຶ່ງກັນ ແລະ ກັນ ເປັນ ຕົ້ນແມ່ນດ້ານວຽກງານກຳມະ ບານການຮ່ວມມື ເພື່ອການພັດທະນາ ແລະ ການເຊື່ອມໂຍງສາກົນໄດ້ມີລັກສະນະຍັບເຂົ້າຫາກັນ ແລະ ທັງສອງຝ່າຍໄດ້ແຈ້ງສະພາບການພັດທະນາຂອງວຽກງານໃນຂົງເຂດຕົນ ໂດຍຫຍໍ້ ໃຫ້ກັນຮັບຊາບນຳອີກ. (ຂ່າວ: ນາງ ສະຫວັນຄຳ)