ລມຕ ກະຊວງ ຮສສ ຕ້ອນຮັບການເຂົ້າຢ້ຽມ ພົບປະນັກຄົ້ນຄວ້າທີ່ໄດ້ຮັບລາງວັນໂນເບລ


...

18.03.2019 9:18     

   ທ່ານ ຄຳແພງ ໄຊສົມແພງ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ (ຮສສ)ໄດ້ຕ້ອນຮັບການເຂົ້າຢ້ຽມ ພົບປະຂອງທ່ານ ຟິນ ອີ.ໄຄດ໌ແລນ (Finn E. KYDLAND) ເຈົ້າຂອງລາງວັນໂນເບລ ສາຂາເສດຖະສາດ ປະຈຳປີ 2004 ເມື່ອວັນທີ 14 ມີນາ ຜ່ານມາ ທີ່ຫ້ອງຮັບແຂກກະຊວງດັ່ງກ່າວ ເນື່ອງໃນໂອກາດທີ່ທ່ານ ເຄື່ອນໄຫວຢ້ຽມຢາມ ສປປ ລາວ ໃນລະຫວ່າງວັນທີ 8-15 ມີນາ ຜ່ານມາ ເພື່ອເຂົ້າຮ່ວມສຳມະນາເຜີຍແຜ່ບົດຮຽນວິຊາການໃນສອງຫົວຂໍ້ "ຄວາມສອດ ຄ່ອງຂອງນະໂຍບາຍທາງດ້ານເສດຖະກິດ ແລະ ການພັດທະ ນາເສດຖະກິດ ແລະ ຫົວຂໍ້ການ ສ້າງຖານຄວາມຮູ້ແຈ້ງຈິນຕະ ນາການໃໝ່". ໃນໂອກາດນີ້, ທ່ານ ຄຳແພງ ໄຊສົມແພງ ໄດ້ກ່າວສະແດງຄວາມຍິນດີຕ້ອນຮັບຊົມເຊີຍ ແລະ ຕີລາຄາສູງຕໍ່ທ່ານ ຟິນ ອີ.ໄຄດ໌ແລນ ທີ່ໄດ້ເດີນທາງມາຢ້ຽມຢາມ ແລະ ຈັດກອງປະຊຸມຢູ່ ສປປ ລາວ ໃນຄັ້ງນີ້, ພ້ອມທັງສະແດງຄວາມຂອບໃຈທີ່ທ່ານ ໄດ້ເປີດໂອກາດແບ່ງປັນຄວາມຮູ້ດ້ານປະສົບການໃນການຄົ້ນ ຄວ້າວິທະຍາສາດໃຫ້ແກ່ວິຊາການຂອງລາວ. ພ້ອມນີ້ ທ່ານ ຍັງໄດ້ແຈ້ງກ່ຽວກັບສະພາບ ການເຄື່ອນໄຫວວຽກງານກະ ຊວງ ຮສສ ໂດຍຫຍໍ້ ໂດຍສະ ເພາະການສ້າງບຸກຄະລາກອນ ກໍຄືການສ້າງສີມືແຮງງານ, ວຽກງານສະຫວັດດີການສັງຄົມ, ວຽກງານສັງຄົມສົງເຄາະ ແລະ ວຽກງານອື່ນໆ. ທ່ານ ຟິນ ອີ.ໄຄດ໌ແລນ ໄດ້ສະແດງຄວາມຂອບໃຈຕໍ່ ທ່ານ ຄຳແພງ ໄຊສົມແພງ ທີ່ໄດ້ສະຫຼະເວລາໃຫ້ການຕ້ອນຮັບອັນ ອົບອຸ່ນ, ພ້ອມທັງແຈ້ງຈຸດປະ ສົງຂອງການເຄື່ອນໄຫວຢ້ຽມ ຢາມ ສປປ ລາວ ໃນຄັ້ງນີ້ໃຫ້ ທ່ານລັດຖະມົນຕີຊາບ. (ຂ່າວ: ບຸນທົງ)