ເປີດສັບປະດາແມ່ນ້ຳຂອງ-ແມ່ນ້ຳລ້ານຊ້າງ ປະຈຳປີ 2019


...

18.03.2019 9:18     

   ກົມເສດຖະກິດ ກະຊວງການຕ່າງປະເທດ, ໃນນາມກອງເລຂາແຫ່ງຊາດແມ່ນາໍ້ຂອງ-ແມ່ນາໍ້ລ້ານຊ້າງຮ່ວມກັບ ສະຖານເອກອັກຄະລັດຖະທູດ ແຫ່ງ ສາທາລະນະລັດ ປະຊາ ຊົນຈີນ ປະຈຳ ສປປ ລາວ ໄດ້ຈັດງານສັບປະດາແມ່ນາໍ້ຂອງ-ແມ່ນາໍ້ລ້ານຊ້າງ, ໃນວັນທີ 14 ມີນາ ຜ່ານມາ ທີ່ໂຮງແຮມດອນຈັນພາເລດ ນະຄອນຫຼວງວຽງຈັນ. ໂດຍມີທ່ານ ທອງຜ່ານ ສະຫວັນເພັດ ຮອງລັດຖະມົນ ຕີກະຊວງການຕ່າງປະເທດ, ທ່ານ ຈ່ຽງ ຈ້າຍຕົ່ງ ເອກອັກຄະລັດຖະທູດ ແຫ່ງ ສປ ຈີນ ປະຈຳ ສປປ ລາວ, ມີພາກສ່ວນທີ່ກ່ຽວຂ້ອງເຂົ້າຮ່ວມ. ການຈັດງານຄັ້ງນີ້ ເພື່ອ ເປັນການສືບຕໍ່ຈັດຕັ້ງປະຕິບັດຜົນຂອງກອງປະຊຸມຜູ້ນຳແມ່ນາໍ້ຂອງ-ແມ່ນຳ້ລ້ານຊ້າງ ຄັ້ງທີ 2, ເປັນການສະເຫຼີມສະຫຼອງວັນສ້າງຕັ້ງຂອງການຮ່ວມມື ແມ່ນາໍ້ຂອງ-ແມ່ນາໍ້ລ້ານຊ້າງ ຄົບຮອບ 3 ປີ ແລະ ທັງເປັນ ການເຜີຍແຜ່ຄວາມຮູ້ກ່ຽວກັບ ຂອບການຮ່ວມມືແມ່ນາໍ້ຂອງ-ແມ່ນາໍ້ລ້ານຊ້າງໃຫ້ບັນດາກະ ຊວງ, ຂະແໜງການ, ສະຖາບັນ ຄົ້ນຄວ້າ, ນັກສຶກສາ, ສື່ມວນຊົນ ແລະ ແຂກທີ່ເຂົ້າຮ່ວມໄດ້ຮັບຮູ້ ແລະ ເຂົ້າໃຈກ່ຽວກັບຂອບການຮ່ວມມືດັ່ງກ່າວໃຫ້ກວ້າງຂວາງ ແລະ ເລິກເຊິ່ງຕື່ມ. ນອກຈາກນີ້, ຍັງເປັນການເພີ່ມທະວີຮັດແໜ້ນການພົວພັນຮ່ວມມື, ແລກປ່ຽນ ວັດທະນະທຳ ແລະ ຊຸກຍູ້ການ ທ່ອງທ່ຽວ ລະຫວ່າງບັນດາປະ ເທດສະມາຊິກແມ່ນຳ້ຂອງ-ແມ່ນາໍ້ລ້ານຊ້າງດ້ວຍກັນ. ໃນງານສັບປະດາຄັ້ງນີ້ ປະກອບມີຫຼາຍກິດຈະກຳຄື: ພິ ທີປາຖະກະຖາກ່ຽວກັບໂອກາດ ແລະ ສິ່ງທ້າທາຍຂອງຂອບການຮ່ວມມືແມ່ນາໍ້ຂອງ-ແມ່ນາໍ້ລ້ານຊ້າງ, ການປະກວດຮູບພາບຖ່າຍກ່ຽວກັບວັດທະນະທຳ ແລະ ເອກະລັກຂອງປະເທດສະມາຊິກແມ່ນາໍ້ຂອງ-ແມ່ນາໍ້ລ້ານຊ້າງ, ສາຍຮູບເງົາສາລະຄະດີເລື່ອງສັ້ນກ່ຽວກັບວັດທະນະທຳ ແລະ ການທ່ອງທ່ຽວຂອງປະເທດສະມາຊິກ. ພ້ອມດຽວກັນນັ້ນ, ໃນຕອນບ່າຍ ວັນທີ 15 ມີນາ ກໍໄດ້ຈັດການແຂ່ງ ຂັນກິລາບານເຕະມິດຕະພາບ ລະຫວ່າງ ກະຊວງການຕ່າງ ປະເທດ ແລະ ບັນດາສະຖານ ທູດປະເທດສະມາຊິກແມ່ນາໍ້ ຂອງ-ແມ່ນຳ້ລ້ານຊ້າງ. (ຂ່າວ: ແສງຈັນ)