ຊົມເຊີຍ ຜົນສຳເລັດການຊີເຈາະອຸໂມງບໍ່ເຕ່ນໂຄງການລົດໄຟລາວ-ຈີນ


...

21.03.2019 15:08     

    ບໍລິສັດທາງລົດໄຟລາວ-ຈີນຈຳກັດໄດ້ຈັດພິທີຊົມເຊີຍຜົນສຳເລັດການຊີເຈາະອຸໂມງບໍ່ເຕ່ນໂຄງການທາງລົດໄຟລາວ-ຈີນ ຂຶ້ນເມື່ອວັນທີ 21 ມີນາ ທີ່ປາກອຸໂມງທາງອອກບໍ່ເຕ່ນ, ເມືອງນໍ້າທາ,ແຂວງຫຼວງນໍ້າທາ ໂດຍໃຫ້ກຽດເຂົ້າຮ່ວມຂອງ ທ່ານ ຄຳສຸກ ບຸນຍະວົງ ຮອງປະທານຄະນະກວດກາສູນກາງພັກ, ຫົວໜ້າຄະນະສະເພາະກິດຕິດຕາມກວດກາການປະຕິບັດສັນຍາໂຄງການກໍ່ສ້າງທາງລົດໄຟລາວ-ຈີນ, ມີທ່ານ ຈູ່ກົວຈ່ຽງ ປະທານສະພາບໍລິຫານບໍລິສັດລົດໄຟລາວ-ຈີນ ຈຳກັດແຂກຖືກເຊີນ ແລະ ພາກສ່ວນທີ່ກ່ງວຂ້ອງເຂົ້າຮ່ວມ
    ທ່ານ ໂຈ່ວຊຽວເຊຍ ຫົວໜ້າໂຄງການສັນຍາຊ່ວງທີ 1 ໂຄງການທາງລົດໄຟລາວ-ຈີນກ່າວລາຍງານວ່າ: ອຸໂມງບໍ່ເຕ່ນມີຄວາມຍາວທັງໝົດ 6.453,5 ແມັດ, ທີ່ນອນຢູ່ໃນອຸໂມງ 10 ອຸໂມງຂະໜາດໄຫຍ່ ທີ່ມີຄວາມຍາວຫຼາຍກວ່າ 5 ກິໂລແມັດຂື້ນໄປ ເປັນໂຄງການໜຶ່ງທີ່ຈະສ້າງເປັນຕົວແບບດີເດັ່ນ,ໄລຍະກໍ່ສ້າງອຸໂມງດັ່ງກ່າວພົບຄວາມຫ້ຍຸງຍາກ ແລະ ອຸປະສັກຫຼວງຫຼາຍ ໂດຍສະເພາະແມ່ນ ທາງດ້ານສະພາບທໍລະນີສາດ, ໃນການກໍ່ສ້າງອຸໂມງແມ່ນໄດ້ແບ່ງເປັນ 4 ເຂດກໍ່ສ້າງຄື: ເຂດທາງເຂົ້າປາກອຸໂມງ, ເຂດທາງອອກອຸໂມງ ແລະ ເຂດກໍ່ສ້າງອຸໂມງສອງເຂດ ນັບຕັ້ງແຕ່ໄດ້ເລີ່ມການລົງມືກໍ່ສ້າງເປັນຕົ້ນມາແມ່ນໄດ້ປະຕິບັດຕາມເປົ້າໝາຍການກໍ່ສ້າງ. ການກໍ່ສ້າງໄດ້ເລີ່ມາແຕ່ເດືອນ 3 ປີ 2017 ໄດ້ຈັດຕັ້ງປະຕິບັດຕາມຄວາມຕ້ອງການໃນການຄຸ້ມຄອງມາດຕະຖານຢ່າງເຂັ້ມງວດ,ເສີມສ້າງຄວາມປອດໄພ ແລະ ຄວບຄຸມຄຸນນະພາບພາຍໃນສະໜາມ, ໃຊ້ເຄື່ອງອຸປກອນກໍ່ສ້າງອຸໂມງຢ່າງຄົບຊຸດ, ພະຍາຍາມດຳເນີນການຄົ້ນຄວ້າວິທະຍາສາດ ແລະ ເຕັກໂນໂລຊີຢ່າງເຂັ້ມແຂງ,ໂຄງການກໍ່ສ້າງອຸໂມງບໍ່ເຕ່ນໂດຍແມ່ນບໍລິສັດກໍ່ສ້າງທາງລົດໄຟຈີນ ເລກ 5 ເປັນຜູ້ຮັບເໝົາກໍ່ສ້າງ

...

    ໂອກາດດັ່ງກ່າວ ທ່ານ ຄຳສຸກ ບຸນຍະວົງ ກ່າວຄຳເຫັນວ່າ: ການຕິດຕາມກວດກາຢ່າງໄກ້ສິດຂອງການນໍາຝ່າຍຈີນ,ດ້ວຍຄວາມບາກບັ່ນສູ້ຊົນຂອງບໍລິສັດກໍຄຶຄວາມຮັບຜິດຊອບຂອງວິສະວະກອນ,ພະນັກງານ, ກຳມະກອນ, ບໍລິສັດທາງລົດໄຟລາວ-ຈິນຈຳກັດ ແລະ ການປະກອບສ່ວນເອື້ອອຳນວຍຄວາມສະດວກ ແລະ ຕິດຕາມ, ກວດກາຂອງພາກລັດຖະບານຂັ້ນສູນກາງ, ທ້ອງຖິ່ນ ແລະ ປະຊາ ຊົນລາວຜູ້ທີ່ຖຶກຜົນກະທົບ ເຮັດໃຫ້ການຊີເຈາະອຸໂມງບໍ່ເຕ່ນທີ່ມີຄວາມຍາວ 6.453,5 ແມັດ ທີ່ມີການກໍ່ສ້າງຢ່າງວອງໄວຍີ່ງໃຫຍ່ດີເດັ່ນ ແລະ ສຳເລັດໄປດ້ວຍດີ ມີຄວາມປອດໄພສູງ ຮັບປະກັນດ້ວຍຄວາມປອດໃສຂາວສະອາດ ແລະ ເປັນມິດກັບສິ່ງແວດລ້ອມ ໂດຍເປັນໜຶ່ງໃນການຊີເຈາະຕົ້ນແບບທາງດ້ານວິສະວະກຳຂອງໂຄງການນີ້ ທ່ານກ່າວຕຶ່ມວ່າ: ຜົນສຳເລັດດັ່ງກ່າວຈະເປັນກາປະກອບສ່ວນເອກອ້າງເຂົ້າໃນກອງປະຊຸມ" 1ແລວທາງ 1ເສັ້ນທາງ"ສະໄໝທີ 2 ທີ່ຈະຈັດຂື້ນຢູ່ນະຄອນຫຼວງປັກກິ່ງໃນໄວໆນີ້ ທັງເປັນການສ້າງໃຫ້ປະຊາຊົນລາວມີຄວາມເຊື່ອໝັ້ນ ແລະ ເອກອ້າງຕໍ່ບັນດາປະເທດຕ່າງໆກ່ງວກັບການສ້າງທາງລົດໄຟລາວ-ຈີນ ແລະ ຈະມີຜົນສຳເລັດຕາມແຜນການທີ່ໄດ້ກຳນົດໄວ້
( ຂ່າວ:ສຳນານ,ພາບ :ຕຸໄລພາບເພັດ)

...