ການນຳພັກ-ລັດ ວາງພວງມາລາ ເພື່ອລະນຶກວັນສ້າງຕັ້ງພັກ ປປ ລາວ ຄົບຮອບ 64 ປີ


...

...

25.03.2019 9:05     

   ເນື່ອງໃນໂອກາດວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 64 ປີ (22/3/1955-22/3/2019) ໃນວັນທີ 22 ມີນາຜ່ານມາ ທີ່ອະນຸສາວະລີນັກຮົບນິລະນາມ (ດາວແດງ) ບັນດາສະຫາຍການນຳພັກ-ລັດ ນຳໂດຍ ສະຫາຍ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກ ປະທານປະເທດ ແຫ່ງ ສປປ ລາວ ພ້ອມຄະນະ ໄດ້ເຂົ້າວາງພວງມາລາ ເພື່ອສະແດງຄວາມເຄົາລົບຮັກຕໍ່ຄຸນງາມຄວາມດີນ້ຳໃຈເສຍສະຫຼະຕໍ່ສູ້ຢ່າງພິລະອາດຫານ ແລະ ບໍ່ຍອມຈຳນົນຂອງບັນພະບູລຸດລາວກໍຄືບັນດານັກຮົບປະຕິວັດທີ່ໄດ້ເສຍສະຫຼະຊີວິດເພື່ອຊາດ ພາຍໃຕ້ການນຳພາຂອງພັກ ປປ ລາວ ຈົນສາມາດຍາດໄດ້ໄຊຊະນະອັນໃຫຍ່ຫຼວງ ແລະ ປະກາດເອກະລາດ, ສະຖາປະນາເປັນ ສາທາລະນະລັດ ປະຊາທິປະ ໄຕ ປະຊາຊົນລາວ ຢ່າງສະ ຫງ່າຜ່າເຜີຍ ໃນວັນທີ 2 ທັນ ວາ 1975, ເວລາຕໍ່ມາ ກໍມີສະ ພາແຫ່ງຊາດ, ຄະນະລັດຖະ ບານ, ສູນກາງແນວລາວສ້າງຊາດ ແລະ ອົງການຈັດຕັ້ງ ມະຫາຊົນ, ກະຊວງປ້ອງກັນປະເທດ, ກະຊວງປ້ອງກັນຄວາມສະຫງົບ ແລະ ຄະນະນຳຂອງນະຄອນຫຼວງວຽງຈັນ ກໍໄດ້ເຂົ້າວາງພວງມາລາຕາມລຳດັບ. ຈາກນັ້ນ ບັນດາສະຫາຍການນຳພັກ-ລັດ ກໍໄດ້ສືບຕໍ່ໄປວາງກະຕ່າດອກໄມ້ ຕໍ່ໜ້າຮູບປັ້ນ ປະທານ ໄກສອນ ພົມວິຫານ ທີ່ພິພິທະພັນ ໄກສອນພົມວິຫານ ຜູ້ນຳທີ່ແສນເຄົາ ລົບຮັກ ເພື່ອສະແດງຄວາມຮູ້ບຸນຄຸນຂອງປະທານ ໄກສອນ ພົມວິຫານ ທີ່ມີຄຸນງາມຄວາມດີຕໍ່ການປະຕິວັດ, ຕໍ່ປະເທດຊາດແລະ ຕໍ່ປະຊາຊົນລາວບັນດາເຜົ່າ. (ຂ່າວ-ພາບ:ພູວຽງຄຳ)