ກະຊວງ ປກຊ ແລະ ປກສ ລະນຶກວັນສ້າງຕັ້ງພັກ ຄົບຮອບ 64 ປີ


...

26.03.2019 9:01     

   ກະຊວງປ້ອງກັນປະເທດ (ປກຊ) ຮ່ວມກັບ ກະຊວງປ້ອງກັນຄວາມສະຫງົບ (ປກສ) ໄດ້ຈັດພິທີໂຮມຊຸມນຸມລະນຶກ ວັນສ້າງຕັ້ງພັກ ປະຊາຊົນ ປະຕິ ວັດລາວ ຄົບຮອບ 64 ປີ ແລະ ວັນນັກຮົບເສຍອົງຄະ, ເສຍສະຫຼະຊີວິດ ເພື່ອປະເທດຊາດ ຄົບຮອບ 73 ປີ ຂຶ້ນເມື່ອວັນທີ 25 ມີນານີ້ ທີ່ສະໂມສອນໃຫຍ່ ກະຊວງປ້ອງກັນປະເທດ ໂດຍໃຫ້ກຽດເຂົ້າຮ່ວມໂອ້ລົມ ຂອງສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິ ຫານງານສູນກາງພັກ ປະທານປະເທດ ຊຶ່ງມີສະຫາຍ ພົນເອກ ຈັນສະໝອນ ຈັນຍາລາດ ກຳ ມະການກົມການເມືອງສູນກາງພັກ ລັດຖະມົນຕີກະຊວງປ້ອງກັນປະເທດ, ບັນດາຄະນະນຳກະຊວງ ປກສ, ພະນັກງານປະ ຕິວັດອາວຸໂສບຳນານ ແລະ ພະ ນັກງານຫຼັກແຫຼ່ງຂອງສອງກະ ຊວງເຂົ້າຮ່ວມ. ໃນພິທີ ສະຫາຍ ພົນຕີ ທອງລອຍ ສິລິວົງ ກຳມະການສູນກາງພັກ ຮອງລັດຖະມົນ ຕີກະຊວງປ້ອງກັນປະເທດ ຫົວໜ້າກົມໃຫຍ່ການເມືອງກອງທັບໄດ້ກ່າວເຖິງປະຫວັດ ຄວາມໝາຍຄວາມສຳຄັນຂອງສອງວັນດັ່ງກ່າວບາງຕອນສຳ ຄັນວ່າ: ຕະຫຼອດໄລຍະ 64 ປີ ທີ່ພັກເຮົາໄດ້ນຳພາການປະຕິ ວັດຊາດ ປະຊາທິປະໄຕ, ນຳພາປົກປັກຮັກສາ ແລະ ສ້າງສາລະ ບອບໃໝ່, ພັກເຮົາເວລາໃດກໍຢຶດໝັ້ນລັດທິມາກເລນິນເປັນພື້ນຖານແນວຄິດທິດສະດີ ແລະ ຢຶດຖືຫຼັກໝັ້ນຂອງຊົນຊັ້ນກຳ ມະກອນຢ່າງສະເໝີຕົ້ນສະເໝີປາຍ, ຍາມໃດກໍສົມທົບແໝ້ນລະຫວ່າງລັດທິຮັກຊາດອັນແທ້ຈິງກັບລັດທິສາກົນອັນຜ່ອງໃສ,ຈົ່ງຮັກພັກດີຕໍ່ອຸດົມການປະຕິວັດ ແລະ ຜົນປະໂຫຍດຂອງປະຊາຊົນລາວບັນດາເຜົ່າຖືເອົາຄວາມສາມັກຄີພາຍໃນເປັນຫຼັກແຫຼ່ງເຕົ້າໂຮມຄວາມສາມັກຄີເປັນປຶກແຜ່ນ ພາຍໃນຊາດ, ເຊີດຊູຄວາມເປັນແບບ ຢ່າງນຳໜ້າ, ຮັກສາໄດ້ຄຸນທາດການເມືອງ ແລະ ຄຸນສົມບັດສິນທຳປະຕິວັດອັນຜ່ອງໃສ, ພັກເຮົາໄດ້ຮັບຄວາມນັບຖື, ຄວາມເຊື່ອໝັ້ນຈາກປະຊາຊົນລາວບັນດາເຜົ່າຕະຫຼອດມາ, ພັກເຮົາສົມແລ້ວທີ່ເປັນກອງເສນາທິການທາງການເມືອງທີ່ສ່ອງໃສ, ເປັນກອງນຳໜ້າທີ່ແໜ້ນແກ່ນ, ເປັນຕົວແທນທີ່ຈົງຮັກພັກດີຕໍ່ສິດຜົນປະໂຫຍດຂອງຊົນຊັ້ນກຳມະກອນ, ຊາວຜູ້ອອກແຮງງານທີ່ຮັກຊາດ ແລະ ຂອງຊາດລາວທັງໝົດ,ເປັນແກນນຳໃນລະບົບການເມືອງ ແຫ່ງລະບອບປະຊາທິປະໄຕ ປະຊາຊົນອັນເຂັ້ມແຂງ ແລະ ມີຄວາມສາມາດປະຕິບັດບົດ ບາດນຳພາຕໍ່ທົ່ວສັງຄົມ, ນຳພາປະເທດຊາດກ້າວໄປສູ່ຄວາມຈະເລີນຮຸ່ງເຮືອງ. ໂອກາດດັ່ງກ່າວ ສະຫາຍ ເລຂາທິການໃຫຍ່ ໄດ້ໃຫ້ກຽດໂອ້ລົມກ່ອນອື່ນສະຫາຍຕາງ ໜ້າໃຫ້ກົມການເມືອງສູນກາງພັກ ແລະ ໃນນາມສ່ວນຕົວສະ ແດງຄວາມຍ້ອງຍໍຊົມເຊີຍຕໍ່ຜົນງານ ແລະ ໄຊຊະນະທີ່ສອງ ກຳລັງປະກອບອາວຸດຍາດມາໄດ້ໃນໄລຍະທີ່ຜ່ານມາ ແລະ ໄດ້ເນັ້ນໃຫ້ເອົາໃຈໃສ່ຕື່ມບາງຕອນວ່າ: ກຳລັງປະກອບອາວຸດຂອງພວກເຮົາແມ່ນກຳລັງຂອງພັກ, ແມ່ນພັກປະຊາຊົນ ປະ ຕິວັດລາວ ເປັນຜູ້ສ້າງຂຶ້ນ ແລະ ກໍເຕີບໃຫຍ່ເຂັ້ມແຂງຂຶ້ນຢູ່ໃນການອົບຮົມບົ່ມຊ້ອນຂອງພັກມາໂດຍຕະຫຼອດ ດັ່ງນັ້ນ ບໍ່ວ່າຈະຢູ່ໃນໄລຍະໃດກໍຕ້ອງຮັບປະກັນໄດ້ຫຼັກການພັກນຳ ພາໂດຍກົງຮອບດ້ານ, ກຳລັງ ປກສປກຊ ຕ້ອງເປັນກຳລັງປອດໃສເຂັ້ມແຂງໜັກແໜ້ນ ມີການຈັດຕັ້ງພັກໃນຖັນແຖວກຳລັງປະກອບອາວຸດເຄື່ອນໄຫວຢ່າງເຂັ້ມແຂງຕາມແນວ ທາງຂອງພັກ, ກົດລະບຽບຂອງພັກ ແລະ ກົດໝາຍຂອງລັດ, ມີຄວາມຈົງຮັກພັກດີຢ່າງສຸດຊຶ້ງຕໍ່ພາລະກິດຂອງພັກ ແລະ ປະເທດຊາດ, ເພື່ອເຮັດໃຫ້ກຳລັງປະກອບອາວຸດພວກເຮົາມີຄວາມປອດໃສ ເຂັ້ມແຂງ ແລະ ໜັກແໜ້ນ ເປັນທີ່ເພິ່ງຂອງປະຊາຊົນຢ່າງແທ້ຈິງ ແລະ ໃນເງື່ອນໄຂໃໝ່ກໍຕ້ອງສຸມໃສ່ຄົ້ນຄ້ວາຕອບຕ້ານກົນອຸ ບາຍການຫັນປ່ຽນໂດຍສັນຕິ ຂອງບັນດາອິດທິກຳລັງປໍລະປັກ, ປັບປຸງພາຍໃນເຮົາໃຫ້ໜັກແໜ້ນເຂັ້ມແຂງ, ເດັດຂາດບໍ່ໃຫ້ສັດຕູແຊກຊ້ອນເຂົ້າພາຍໃນ ໃນນີ້ວຽກງານປ້ອງກັນພັກ, ປ້ອງກັນພະນັກງານຍັງແມ່ນວຽກງານສຳຄັນຕົ້ນຕໍປິ່ນອ້ອມໜ້າທີ່ການເມືອງຂອງກົມກອງ, ຕ້ອງສືບຕໍ່ປົກປັກຮັກສາ ແລະ ເສີມຂະຫຍາຍມູນເຊື້ອອັນດີ ງາມຂອງກຳລັງປະກອບອາວຸດເຮົາ, ຕ້ອງຕັ້ງໜ້າປັບປຸງກຳລັງໃນທຸກດ້ານໃຫ້ໜັກແໜ້ນ ເຂັ້ມ ແຂງ, ເອົາໃຈໃສ່ຕໍ່ການປັບປຸງລະບອບຄຸ້ມຄອງບັນຊາ, ປັບ ປຸງກຳລັງປະເພດຕ່າງໆ ໂດຍຖືເອົາຄຸນນະພາບເປັນຕົ້ນຕໍ ໃນນັ້ນ ຖືເອົາຄຸນນະພາບທາງດ້ານການເມືອງແນວຄິດເປັນກົກ, ເອົາໃຈໃສ່ປັບປຸງຊ່ວຍເຫຼືອ ກຳລັງທ້ອງຖິ່ນຢູ່ຮາກຖານໃນການປັບປຸງລະບົບບັນຊາ, ອົບ ຮົມຫັດແອບ ເພື່ອໃຫ້ເຂົາເຈົ້າສາມາດເຮັດຫຼ້ອນໜ້າທີ່ປົກປັກຮັກສາທ້ອງຖິ່ນຂອງຕົນ ພ້ອມນັ້ນກໍຕ້ອງເອົາໃຈໃສ່ວຽກງານສຶກສາ ປ້ອງກັນຊາດໃຫ້ກວ້າງ ຂວາງ, ມີຄຸນນະພາບເພື່ອເປັນກຳລັງສຳຮອງກໍລະນີເກີດສະ ພາບ, ກຳລັງ ປກຊປກສ ຕ້ອງຍົກສູງນໍ້າໃຈເພິ່ງຕົນເອງ ກຸ້ມຕົນເອງ, ຕ້ອງຕັ້ງໜ້າສ້າງພະ ລາທິການກັບທີ່, ໃຫ້ຖືເອົາວຽກງານຄຸ້ມຄອງ, ລ້ຽງດູກອງທັບດ້ວຍການສ້າງພະລາທິການກັບທີ່ເປັນວຽກງານຕົ້ນຕໍ ເພື່ອແກ້ໄຂຄວາມຫຍຸ້ງຍາກຝຶດເຄື່ອງດ້ານຊີວິດການເປັນຢູ່ໂດຍສຸມໃສ່ດ້ານກະສິກຳທີ່ເປັນທ່າ ແຮງ (ການປູກຝັງ, ລ້ຽງສັດ) ໃຫ້ເປັນຂະບວນ, ຂະຫຍາຍດ້ານການບໍລິການບາງດ້ານທີ່ເປັນທ່າ ແຮງຂອງກົມກອງທ້ອງຖິ່ນ, ເຂົ້າຮ່ວມຢ່າງຕັ້ງໜ້າ ໃນການກໍສ້າງກິດຈະການດ້ານເສດຖະກິດສັງຄົມຕ່າງໆຢູ່ທ້ອງຖິ່ນອອກແຮງຊ່ວຍເຫຼືອປະຊາຊົນ ໃນການປັບປຸງຊີວິດການເປັນຢູ່ດ້ານວັດຖຸ ແລະ ວັດທະນາທຳໃຫ້ນັບມື້ນັບດີຂຶ້ນ, ສືບຕໍ່ເປີດກວ້າງການພົວພັນສາມັກຄີສາກົນ ຕາມແນວທາງການຕ່າງ ປະເທດຂອງພັກ, ປະເທດຊາດຂອງພວກເຮົາພວມກ້າວເດີນຢ່າງໜັກແໜ້ນ ຕາມແນວທາງປ່ຽນແປງໃໝ່ຮອບດ້ານ ແລະ ມີຫຼັກການຂອງພັກເພື່ອກ້າວສູ່ຈຸດໝາຍສັງຄົມນິຍົມ ເຊື່ອໝັ້ນວ່າ: ບັນດາສະຫາຍຈະສືບຕໍ່ເສີມຂະຫຍາຍທາດແທ້ ແລະ ມູນເຊື້ອປະຕິວັດຊາດ ແລະ ຂອງກຳລັງປະກອບອາ ວຸດ, ຜ່ານຜ່າຄວາມຫຍຸ້ງຍາກ ແລະ ອຸປະສັກນາໆປະການປະ ກອບສ່ວນສ້າງຜົນງານ ແລະ ໄຊຊະນະໃໝ່ໃຫຍ່ຫຼວງກວ່າເກົ່າ ເພື່ອສ້າງປະເທດລາວ ສັນຕິພາບ, ເອກະລາດ, ປະ ຊາ ທິປະໄຕ, ເອກະພາບ ແລະ ວັດ ທະນາຖາວອນ. (ຂ່າວ: ສຳນານ)