ຄຳມ່ວນ-ຕຽນຢາງ ສືບຕໍ່ຮັດແໜ້ນ ສາຍພົວພັນ


...

29.04.2019 9:11     

   ກອງປະຊຸມພົບປະລະຫວ່າງຄະນະຜູ້ແທນຂັ້ນສູງແຂວງຄຳມ່ວນ ສປປ ລາວ ແລະ ຄະນະຜູ້ແທນຂັ້ນສູງແຂວງຕຽນຢາງ ສສ ຫວຽດນາມ ແມ່ນໄດ້ ຈັດຂຶ້ນໃນວັນທີ 24 ເມສາ 2019 ທີ່ເຮືອນຮັບແຂກເລກ 01 ຂອງແຂວງ ຊຶ່ງແຂວງຄຳມ່ວນ ນຳໂດຍສະຫາຍ ບຸນມີ ພິມມະສອນ ຮອງເລຂາພັກແຂວງ ຮອງເຈົ້າແຂວງຄຳມ່ວນ, ຝ່າຍແຂວງຕຽນຢາງ ນຳໂດຍສະຫາຍ ເລ ວັນເຮື່ອງ ປະທານຄະນະກຳມະການປະຊາຊົນແຂວງ, ມີບັນດາພະແນກການ, ສະມາຊິກສະພາປະຊາຊົນແຂວງ, ຕາງໜ້າພາກສ່ວນທຸ ລະກິດ ຕະຫຼອດຮອດພາກສ່ວນກ່ຽວຂ້ອງທັງສອງຝ່າຍເຂົ້າຮ່ວມ. ໃນວາລະຂອງການພົບປະ ສະຫາຍ ບຸນມີ ພິມມະສອນ ຮອງເລຂາພັກແຂວງໄດ້ກ່າວຕ້ອນຮັບ ແລະ ລາຍງານສະ ພາບການຈັດຕັ້ງປະຕິບັດແຜນພັດທະນາແຂວງຄຳມ່ວນ ຕໍ່ຄະ ນະຜູ້ແທນແຂວງຕຽນຢາງໃຫ້ ຊາບ. ຈາກນັ້ນ, ບົນຈິດໃຈແຫ່ງການຮ່ວມມືມິດຕະພາບ, ສະເໝີພາບທັງສອງຝ່າຍໄດ້ແຈ້ງໃຫ້ກັນຮູ້ເຖິງສະພາບການພັດທະນາເສດຖະກິດ-ສັງຄົມ, ການປ້ອງກັນຊາດ-ປ້ອງກັນຄວາມສະຫງົບຂອງສອງແຂວງພ້ອມທັງປຶກສາຫາລືເນື້ອໃນການຢ້ຽມຢາມ ແລະ ຮ່ວມມືມິດຕະພາບ ໃນການພັດທະນາ ບົນພື້ນຖານຕ່າງຝ່າຍຕ່າງມີຜົນປະໂຫຍດຮ່ວມກັນ. ກອງປະຊຸມທັງສອງຝ່າຍໄດ້ເຫັນດີເປັນເອກະພາບຮ່ວມມືກັນໃນຂົງເຂດປູກຝັງ-ລ້ຽງສັດ ແລະ ແປຮູບຜະລິດຕະພັນຈາກເຂົ້າ, ຕົ້ນໄມ້ກິນໜາກ, ຖ່າຍທອດເຕັກນິກດ້ານການຜະລິດເຂົ້າ. ສອງຝ່າຍຈະເພີ່ມ ທະວີການແລກປ່ຽນດ້ານວັດ ທະນະທຳຊຶ່ງກັນ ແລະ ກັນ. ດ້ານການສຶກ ສາ ແລະ ກໍ່ສ້າງແຂວງ ຕຽນຢາງເຫັນດີຮັບເອົາ ແລະ ສ້າງ ເງື່ອນໄຂສະດວກໃຫ້ພະນັກ ງານ-ນັກສຶກສາ ແຂວງຄຳມ່ວນ. ສ່ວນແຂວງຄຳມ່ວນກໍຈະພະ ຍາຍາມສ້າງເງື່ອນໄຂອຳນວຍຄວາມສະ ດວກໃຫ້ພະນັກງານ-ນັກຮຽນທີ່ຮຽນຈົບ ມ7 ໄດ້ໄປສຶກສາ ແລະ ຮາໍ່ຮຽນຢູ່ແຂວງຕຽນຢາງ, ພ້ອມດຽວກັນສອງຝ່າຍໄດ້ມອບໃຫ້ພະແນກການຕ່າງ ປະເທດແຂວງຄຳມ່ວນ ແລະ ພະແນກການຕ່າງປະເທດແຂວງຕຽນຢາງເປັນເສນາທິການໃນຂອດການປະສານງານຮ່ວມມືລະຫວ່າງສອງແຂວງໃຫ້ການນຳຂັ້ນສູງສອງແຂວງໃຫ້ມີການພົວພັນ ແລະ ຮ່ວມມືໃນຕໍ່ໜ້າ. ໃນໂອກາດການມາຢ້ຽມຢາມໃນຄັ້ງນີ້ແຂວງຕຽນຢາງໄດ້ມອບ ແນວພັນເຂົ້າຈຳນວນ 35 ເປົາ ແລະ ແນວພັນສັດ ( ແບ້ ) ຈຳນວນ 20 ໂຕ ໃຫ້ແກ່ວິທະຍາໄລເຕັກນິກວິຊາຊີບແຂວງຄຳມ່ວນ. (ຂ່າວ: ມະນີວັນ)