ສະຫາຍ ພັນຄຳ ວິພາວັນ ຕ້ອນຮັບຄະນະຜູ້ແທນ ສູນກາງພັກກອມມູນິດຈີນ


...

       ຕອນບ່າຍຂອງວັນທີ 20 ເມສານີ້ ສະຫາຍ ພັນຄຳ ວິພາວັນ ກຳມະການກົມການເມືອງສູນ ກາງພັກ, ຜູ້ປະຈຳການຄະນະເລຂາທິການສູນກາງພັກ ໄດ້ຕ້ອນຮັບການເຂົ້າຢ້ຽມຂ່ຳນັບຂອງຄະ ນະຜູ້ແທນ ຄະນະພົວພັນຕ່າງປະເທດສູນກາງພັກກອມມູນິດຈີນ ນຳໂດຍ ສະຫາຍ ຫວັງ ຢາຈູນ, ຜູ້ຊ່ວຍຫົວໜ້າຄະນະ ພົວພັນຕ່າງປະເທດສູນກາງ ພັກກອມມູນິດຈີນ ພ້ອມດ້ວຍ ຄະນະທີ່ກຳລັງເຄື່ອນໄຫວ ຢ້ຽມຢາມ ແລະ ເຮັດວຽກຢູ່ ສປປ ລາວ ແຕ່ວັນທີ 18-21 ເມສາ 2017 ຕາມແຜນການ ຮ່ວມມືລະຫວ່າງສອງພັກ ລາວ-ຈີນ ປະຈຳປີ 2017. ສະຫາຍ ຫວັງ ຢາຈູນ ໄດ້ສະແດງຄວາມຂອບໃຈຕໍ່ ສະຫາຍ ພັນຄຳ ວິພາວັນ ທີ່ ໄດ້ໃຫ້ການຕ້ອນຮັບຢ່າງອົບ ອຸ່ນແກ່ຄະນະ, ພ້ອມທັງ ໄດ້ ແຈ້ງໃຫ້ຊາບກ່ຽວກັບສະພາບ ການທີ່ພົ້ນເດັ່ນຂອງພັກ ກອມມູນິດຈີນ ກໍຄື ສປ ຈີນ, ໂດຍສະເພາະແມ່ນຜົນສຳ ເລັດຂອງກອງປະຊຸມຄົບ ຄະນະຄັ້ງທີ 6 ສະໄໝທີ XVIII ຂອງພັກກອມມູນິດຈີນ, ສະ ຫາຍ ຫວັງ ຢາຈູນ ຍັງໄດ້ຕີລາ ຄາສູງຕໍ່ການພົວພັນຮ່ວມມື ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ຈີນ-ລາວ ໃນໄລຍະທີ່ຜ່ານມາກໍຄື ໃນປັດຈຸບັນ ຊຶ່ງເປັນການປະ ກອບສ່ວນອັນສຳຄັນເຂົ້າໃນ ການເສີມຂະຫຍາຍສາຍພົວ ພັນແບບຄູ່ຮ່ວມມືຍຸດທະສາດ ຮອບດ້ານໝັ້ນຄົງຍາວນານ ຕາມທິດ 4 ດີລະຫວ່າງ ສປ ຈີນ ກັບ ສປປ ລາວ. ສະຫາຍ ພັນຄຳ ວິພາວັນ ໄດ້ສະແດງຄວາມຊົມເຊີຍຕໍ່ ການຢ້ຽມຢາມ ແລະ ເຮັດວຽກ ຢູ່ ສປປ ລາວ ຂອງຄະນະ, ຊຶ່ງ ເປັນການປະກອບສ່ວນອັນສຳ ຄັນເຂົ້າໃນການເພີ່ມທະວີ ສາຍພົວພັນມິດຕະພາບອັນ ເປັນມູນເຊື້ອ ແລະ ການພົວພັນ ແບບຄູ່ຮ່ວມຍຸດທະສາດຮອບ ດ້ານໝັ້ນຄົງຍາວນານລະ ຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຈີນ ທີ່ນັບມື້ກ້າວເຂົ້າສູ່ລວງເລິກ ແລະ ແຕກດອກອອກຜົນຢ່າງ ບໍ່ຢຸດຢັ້ງ, ໄດ້ຕີລາຄາສູງຕໍ່ສາຍ ພົວພັນຮ່ວມມືລະຫວ່າງ 2 ພັກ, 2 ລັດ ແລະ ປະຊາຊົນສອງ ຊາດ ໃນໄລຍະຜ່ານມາ ແລະ ໄດ້ແຈ້ງສະພາບການພົ້ນເດັ່ນ ຂອງ ສປປ ລາວ ໃນໄລຍະມໍ່ໆ ມານີ້ໃຫ້ຄະນະຊາບ. ສະຫາຍ ພັນຄຳ ວິພາວັນ ໄດ້ສະແດງ ຄວາມຊົມເຊີຍ ແລະ ສະໜັບ ສະໜູນແນວຄິດລິເລີ່ມຂອງ ສປ ຈີນ ໃນການຈະເປັນເຈົ້າ ພາບຈັດກອງປະຊຸມສຸດຍອດ "ໜຶ່ງແລວທາງ ໜຶ່ງເສັ້ນທາງ" ໃນກາງເດືອນພຶດສະພາ ທີ່ຈະ ມາເຖິງນີ້, ຊຶ່ງຈະເປັນການປະ ກອບສ່ວນສຳຄັນເຂົ້າໃນການ ເຊື່ອມໂຍງ-ການຮ່ວມມືດ້ານ ເສດຖະກິດ ລະຫວ່າງ ສປ ຈີນ ກັບບັນດາປະເທດ ທີ່ຢູ່ລຽບ ຕາມແລວທາງ-ເສັ້ນທາງດັ່ງ ກ່າວ, ເພື່ອສັນຕິພາບ, ມິດຕະ ພາບ ແລະ ການຮ່ວມມື ເພື່ອ ການພັດທະນາໃນພາກພື້ນ ແລະ ໃນໂລກ. ໃນວັນດຽວກັນ ສະຫາຍ ນາງ ສູນທອນ ໄຊຍະຈັກ ກຳ ມະການສູນກາງພັກ, ຫົວໜ້າ ຄະນະພົວພັນຕ່າງປະເທດສູນ ກາງພັກ ກໍໄດ້ຕ້ອນຮັບການ ເຂົ້າຢ້ຽມຂ່ຳນັບ ຂອງ ສະຫາຍ ຫວັງ ຢາຈູນ ແລະ ຄະນະ. ໃນໄລຍະຢູ່ຢ້ຽມຢາມ ແລະ ເຮັດວຽກຢູ່ ສປປ ລາວ, ຄະນະໄດ້ພົບປະເຮັດວຽກກັບ ສະຫາຍ ສົມພອນ ສີຈະເລີນ ຮອງຫົວໜ້າຄະນະພົວພັນຕ່າງ ປະເທດສູນກາງພັກ ປປ ລາວ ແລະ ໄດ້ເຄື່ອນໄຫວຢ້ຽມຢາມ ບາງພື້ນຖານການຜະລິດ, ສະ ຖານທີ່ປະຫວັດສາດຈຳນວນ ໜຶ່ງຢູ່ແຂວງຫຼວງນ້ຳທາ, ຫຼວງ ພະບາງ ແລະ ນະຄອນຫຼວງ ວຽງຈັນ. (ຂ່າວ-ພາບ: ພູວຽງຄຳ)