ຜົນສຳເລັດກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 5 ສະໄໝທີ X


...

     ຄະນະບໍລິຫານງານສູນ ກາງພັກໄດ້ດຳເນີນກອງປະຊຸມ ຄົບຄະນະຄັ້ງທີ 5 ສະໄໝທີ X ພາຍໃຕ້ການເປັນປະທານ ຂອງ ສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິ ຫານງານສູນກາງພັກ ປະຊາ ຊົນ ປະຕິວັດລາວ ໃນລະຫວ່າງ ວັນທີ 11 ເຖິງ ວັນທີ 21 ກັນຍາ 2017 ທີ່ສຳນັກງານສູນກາງ ພັກ ນະຄອນຫຼວງວຽງຈັນ. ກອງປະຊຸມໄດ້ດຳເນີນ ການຄົ້ນຄວ້າ, ປຶກສາຫາລືຕີ ລາຄາກ່ຽວກັບຜົນການຈັດຕັ້ງ ປະຕິບັດມະຕິກອງປະຊຸມສູນ ກາງ ຄັ້ງທີ 4 ສະໄໝທີ X, ຜົນ ການຈັດຕັ້ງປະຕິບັດແຜນພັດ ທະນາເສດຖະກິດ - ສັງຄົມ, ແຜນງົບປະມານ ແລະ ແຜນ ເງິນຕາປະຈຳປີ 2017 ແລະ ທິດທາງສຳລັບປີ 2018; ການ ຈັດຕັ້ງຜັນຂະຫຍາຍວຽກງານ ປກຊ - ປກສ ແລະ ວຽກງານ ຈຸດສຸມໃນຕໍ່ໜ້າ; ສະພາບການ ເຄື່ອນໄຫວນຳພາວຽກງານ ແນວຄິດ - ວັດທະນະທຳ ແລະ ທິດທາງໃນຕໍ່ໜ້າ. ກອງປະຊຸມໄດ້ຕີລາຄາ ເປັນເອກະພາບວ່າ ນັບແຕ່ ກອງປະຊຸມສູນກາງຄັ້ງທີ 4ມານີ້ ກໍຄືໃນປີ 2017 ສະພາບ ການສາກົນ ແລະ ພາກພື້ນມີ ຫຼາຍເຫດການເກີດຂຶ້ນ ແລະ ຜັນແປແບບສັບສົນໄດ້ສົ່ງຜົນ ສະທ້ອນທາງກົງ ແລະ ທາງ ອ້ອມຕໍ່ປະເທດເຮົາ; ສະພາບ ການໃນບາງດ້ານຢູ່ພາຍໃນ ປະເທດເຊັ່ນ: ຄວາມຫຍຸ້ງຍາກ ດ້ານການເງິນ - ງົບປະມານ, ການຜັນແປອັນສັບສົນ, ສະ ຫຼັບສັບຊ້ອນຂອງອາຊະຍາ ກຳ, ປະກົດການຫຍໍ້ທໍ້, ໄພທຳ ມະຊາດ ກໍກາຍເປັນບັນດາບັນ ຫາທ້າທາຍຕໍ່ການນຳພາຜັນ ຂະຫຍາຍມະຕິກອງປະຊຸມ ໃຫຍ່ຄັ້ງທີ X ຂອງພັກ, ແຕ່ ດ້ວຍຄວາມຮັບຜິດຊອບການ ເມືອງຂອງຄະນະພັກ, ອົງການ ປົກຄອງແຕ່ລະຂັ້ນ ແລະ ດ້ວຍ ຄວາມບຸກບືນສູ້ຊົນຂອງພະ ນັກງານ, ສະມາຊິກພັກ ແລະ ປະຊາຊົນລາວບັນດາເຜົ່າ ເຮັດ ໃຫ້ບັນດາເນື້ອໃນທີ່ໄດ້ຮັບ ຮອງໃນກອງປະຊຸມສູນກາງຄັ້ງ ທີ 4 ສະໄໝທີ X ໄດ້ຮັບການ ຈັດຕັ້ງປະຕິບັດດີສົມຄວນ, ບັນດາຄາດໝາຍດ້ານຕ່າງໆ ສ່ວນຫຼາຍປະຕິບັດໄດ້ຕາມ ແຜນ; ປະເທດຊາດຂອງພວກ ເຮົາ ສືບຕໍ່ມີສະຖຽນລະພາບ ທາງດ້ານການເມືອງຢ່າງໜັກ ແໜ້ນ; ຄວາມສະຫງົບ, ຄວາມ ເປັນລະບຽບຮຽບຮ້ອຍໃນສັງ ຄົມ ຍັງຮັບປະກັນໄດ້ໂດຍພື້ນ ຖານ; ເສດຖະກິດ - ສັງຄົມມີ ການຂະຫຍາຍຕົວຢ່າງຕໍ່ເນື່ອງ ລວມຍອດຜະລິດຕະພັນພາຍ ໃນ (GDP) ຂະຫຍາຍຕົວໃນ ລະດັບ 6,83%, ອັດຕາເງິນເຟີ້ ແລະ ປະລິມານເງິນ M2 ເພີ່ມ ຂຶ້ນໃນລະດັບເໝາະສົມ; ມູນ ຄ່າການຄ້ານຳເຂົ້າ ແລະ ສົ່ງ ອອກປະຕິບັດໄດ້ 4.715 ລ້ານ ໂດລາ; ການແກ້ໄຂໜີ້ສິນໂດຍ ລວມ ແມ່ນໄປຕາມແຜນການ ທີ່ວາງໄວ້. ການພັດທະນາຂົງ ເຂດສັງຄົມ - ວັດທະນະທຳ ສືບຕໍ່ຮັບການພັດທະນາຢ່າງຕໍ່ ເນື່ອງ ແລະ ເປັນຂະບວນການ ທົ່ວສັງຄົມ ໂດຍສືບຕໍ່ສູ້ຊົນຍົກ ລະດັບຄຸນນະພາບການສຶກ ສາ, ສາມາດປ້ອງກັນ ແລະ ແກ້ໄຂພະຍາດຕາມລະດູການ ບໍ່ໃຫ້ມີການລະບາດຮ້າຍແຮງ; ໄດ້ເອົາໃຈໃສ່ການສ້າງ ແລະ ພັດທະນາສີມືແຮງງານ, ຊຸກຍູ້ ສົ່ງເສີມການທ່ອງທ່ຽວຕິດພັນ ກັບການສ້າງຄວາມພ້ອມໃຫ້ ແກ່ການເປີດປີທ່ອງທ່ຽວລາວ 2018; ພ້ອມນັ້ນການແກ້ໄຂ ຄວາມທຸກຍາກຂອງປະຊາຊົນ ກໍມີຄວາມຄືບໜ້າ; ດຳເນີນ ການປັບປຸງພາລະບົດບາດ ຂອງອົງການຈຳນວນໜຶ່ງໃຫ້ ຈະແຈ້ງກວ່າເກົ່າ, ໃນບາງຂົງ ເຂດກໍຍັງສືບຕໍ່ປັບປຸງທັງໃນ ດ້ານກົງຈັກການຈັດຕັ້ງ ແລະ ພະນັກງານ ເພື່ອໃຫ້ໄປຕາມ ທິດກະທັດຮັດ, ເຂັ້ມແຂງ, ໂປ່ງ ໃສ ແລະ ມີປະສິດທິພາບ. ແນວລາວສ້າງຊາດ ແລະ ບັນ ດາອົງການຈັດຕັ້ງມະຫາຊົນ ໄດ້ປະກອບສ່ວນຕັ້ງໜ້າໃນ ການຕິດຕາມ, ກວດກາການ ແກ້ໄຂບັນຫາເຄັ່ງຮ້ອນ, ກຳ ສະພາບແນວຄິດ, ຄວາມມຸ້ງ ມາດປາຖະໜາ, ຄວາມຂັດ ຂ້ອງໝອງໃຈຂອງປະຊາຊົນ, ຊັ້ນຄົນຕ່າງໆເພື່ອນຳສະເໜີ ພາກສ່ວນກ່ຽວຂ້ອງແກ້ໄຂ. ໃນຂົງເຂດວຽກງານຕ່າງປະ ເທດ, ໄດ້ມີການຜັນຂະຫຍາຍ ບັນດາຂໍ້ຕົກລົງຂອງຂອບການ ຮ່ວມມືສອງຝ່າຍ ແລະ ຫຼາຍ ຝ່າຍ, ສືບຕໍ່ເສີມຂະຫຍາຍບົດ ບາດອັນຕັ້ງໜ້າຂອງຕົນໃນປະ ຊາຄົມອາຊຽນ, ເຂົ້າຮ່ວມໃນ ນະໂຍບາຍໜຶ່ງແລວທາງໜຶ່ງ ເສັ້ນທາງ ເພື່ອກາຍເປັນໜຶ່ງໃນ ຕົວເຊື່ອມຫຼາຍດ້ານລະຫວ່າງ ອາຊຽນ - ຈີນ, ຈີນ - ອາຊຽນ; ການພົວພັນຮ່ວມມືກັບບັນດາ ປະເທດເພື່ອນມິດຍຸດທະສາດ ສືບຕໍ່ໄດ້ຮັບການເພີ່ມທະວີ. ພ້ອມກັນນັ້ນ, ກອງປະ ຊຸມສູນກາງຍັງໄດ້ຕີລາຄາຜົນ ການຈັດຕັ້ງດຳເນີນຊີວິດການ ເມືອງປັບປຸງປົວແປງທົ່ວພັກທີ່ ສູນກາງພັກໄດ້ເລັ່ງໃສ່ຊີ້ນຳໃນ ສອງເດືອນທີ່ຜ່ານມາ, ບົນພື້ນ ຖານນັ້ນໄດ້ດຳເນີນຊີວິດການ ເມືອງພາຍໃນຄະນະບໍລິຫານ ງານສູນກາງພັກ, ກອງປະຊຸມ ເຫັນວ່າມີການດຳເນີນຢ່າງຖືກ ຕ້ອງ, ສອດຄ່ອງກັບບັນດາຫຼັກ ການພື້ນຖານຂອງພັກ, ຜົນໄດ້ ຮັບຍັງເປັນພື້ນຖານສຳຄັນໃຫ້ ແກ່ການສືບຕໍ່ປັບປຸງກໍ່ສ້າງພັກ ເພື່ອຍົກສູງບົດບາດນຳພາ ແລະ ຄວາມເປັນແບບຢ່າງນຳ ໜ້າຂອງພັກເຮົາສູງເດັ່ນຂຶ້ນ ຕື່ມອີກ, ສ້າງບັນດາປັດໄຈອັນ ຈຳເປັນໃຫ້ແກ່ການສືບຕໍ່ສ້າງ ການຫັນປ່ຽນອັນແຂງແຮງ, ເລິກເຊິ່ງ, ຮອບດ້ານໃນຕໍ່ໜ້າ. ກອງປະຊຸມສູນກາງພັກ ຄັ້ງນີ້ຍັງໄດ້ຮັບຮອງເອົາທິດ ທາງ, ຄາດໝາຍສູ້ຊົນ ແລະ ວຽກງານຈຸດສຸມທີ່ຈະສືບຕໍ່ນຳ ພາຊີ້ນຳໃນຕໍ່ໜ້າຄື: ຮັບປະກັນ ໃຫ້ປະເທດຊາດມີສະຖຽນລະ ພາບທາງການເມືອງຢ່າງໜັກ ແໜ້ນ, ສັງຄົມມີຄວາມສະ ຫງົບ ແລະ ເປັນລະບຽບຮຽບ ຮ້ອຍໂດຍພື້ນຖານ; ຮັບປະ ກັນສະຖຽນລະພາບເສດຖະ ກິດມະຫາພາກ, ສູ້ຊົນໃຫ້ລວມ ຍອດມູນຄ່າຜະລິດຕະພັນ ພາຍໃນ (GDP) ເພີ່ມຂຶ້ນໃນ ລະດັບ 7%, ລວມຍອດລາຍ ໄດ້ແຫ່ງຊາດ GNI ຕໍ່ຫົວຄົນ ບັນລຸ 2.029 ໂດລາ; ແກ້ໄຂ ບັນຫາການເງິນ - ງົບປະມານ ແລະ ບັນຫາໜີ້ສິນຕ່າງໆ, ໂດຍ ຊອກຫາທຸກວິທີທາງເພື່ອຢັບ ຢັ້ງການເພີ່ມຂຶ້ນຂອງໜີ້ສາທາ ລະນະ, ແກ້ໄຂຄວາມຫຍຸ້ງ ຍາກໃນພາກທຸລະກິດ; ເພີ່ມ ທະວີການສ້າງແຫຼ່ງລາຍຮັບ ໃໝ່ ແລະ ຂຸດຄົ້ນ, ຄຸ້ມຄອງ ທຸກແຫຼ່ງລາຍຮັບຢ່າງຮັດກຸມ, ເຂັ້ມງວດ ແລະ ມີປະສິດທິ ພາບ; ຜັນຂະຫຍາຍຜົນສຳ ເລັດຂອງບັ້ນດຳເນີນຊີວິດ ການເມືອງປັບປຸງປົວແປງທົ່ວ ພັກ ປີ 2017 ຕິດພັນກັບການ ແກ້ໄຂບັນຫາຫຍໍ້ທໍ້, ການ ເຊື່ອມຖອຍຢູ່ພາຍໃນພັກໃຫ້ ມີຄວາມເດັດຂາດ, ເຂັ້ມງວດ, ອັນສຳຄັນຄະນະພັກ, ອົງການ ປົກຄອງ, ສະມາຊິກພັກ, ພະ ນັກງານແຕ່ຂັ້ນສູງສຸດລົງລຸ່ມ ຕ້ອງຮັກສາ ແລະ ເຊີດຊູຄວາມ ເປັນແບບຢ່າງເພື່ອສ້າງຄວາມ ເຊື່ອໝັ້ນ ແລະ ກຳລັງແຮງຂັບ ເຄື່ອນທຸກການຫັນປ່ຽນໄປສູ່ ອັນໃໝ່ທີ່ຕັ້ງໜ້າ; ກະກຽມໃຫ້ ແກ່ການດຳເນີນກອງປະຊຸມ ໃຫຍ່ 3 ຂັ້ນ ໂດຍຖືເປັນໂອ ກາດຍູ້ແຮງຂະບວນການຈັດ ຕັ້ງປະຕິບັດມະຕິກອງປະຊຸມ ໃຫຍ່ຄັ້ງທີ X ຂອງພັກເຂົ້າສູ່ ລວງເລິກ ແລະ ບັນລຸໝາກຜົນ ຕົວຈິງ; ເຊີດຊູ ແລະ ເສີມຂະ ຫຍາຍຈິດໃຈຊາດ, ເອກະລາດ ເປັນເຈົ້າຕົນເອງ, ສ້າງຄວາມ ເຂັ້ມແຂງດ້ວຍຕົນເອງ ສົມທົບ ການຂຸດຄົ້ນກຳລັງແຮງພາຍ ໃນ ແລະ ກຳລັງແຮງສັງລວມ ຂອງຍຸກສະໄໝເຂົ້າໃນການ ປົກປັກຮັກສາ ແລະ ພັດທະນາ ສ້າງສາປະເທດຊາດ. ຄະນະບໍລິຫານງານສູນ ກາງພັກ ຮຽກຮ້ອງມາຍັງຄະ ນະພັກ, ອົງການປົກຄອງແຕ່ ລະຂັ້ນ, ສະມາຊິກພັກ, ພະ ນັກງານ ແລະ ປະຊາຊົນລາວ ບັນດາເຜົ່າ ຈົ່ງໄດ້ເຊີດຊູຄວາມ ສາມັກຄີເປັນປຶກແຜ່ນຢູ່ອ້ອມ ຂ້າງສູນກາງພັກ, ລັດຖະບານ ພ້ອມກັນຍົກສູງຄວາມຮັບຜິດ ຊອບ ແລະ ເປັນເຈົ້າການໃນ ການເຊື່ອມຊຶມ, ກຳແໜ້ນ ແລະ ຈັດຕັ້ງຜັນຂະຫຍາຍມະຕິກອງ ປະຊຸມຄົບຄະນະ ຄັ້ງທີ 5 ຂອງ ຄະນະບໍລິຫານງານສູນກາງ ພັກ ສະໄໝທີ X ໃຫ້ເປັນຂະ ບວນການຟົດຟື້ນ, ແຂງແຮງ, ຕໍ່ເນື່ອງ, ເຮັດໃຫ້ວຽກງານຈຸດ ສຸມຂອງສູນກາງພັກໄດ້ຮັບ ການຈັດຕັ້ງປະຕິບັດ ແລະ ມີ ຜົນສຳເລັດຢ່າງຈົບງາມ, ປະ ກອບສ່ວນໂດຍກົງເຂົ້າໃນຜົນ ສຳເລັດລວມໃນໄລຍະເຄິ່ງສະ ໄໝ ແຫ່ງການຈັດຕັ້ງປະຕິບັດ ມະຕິກອງປະຊຸມໃຫຍ່ຄັ້ງທີ X ຂອງພັກ.