ກອງປະຊຸມສຳມະນາສະຫະພັນແມ່ຍິງ 3 ຊາດ ລາວ, ຫວຽດນາມ ແລະ ກຳປູເຈຍ


...

     ທ່ານ ນາງ ອິນລາວັນ ແກ້ວ ບຸນພັນ ກຳມະການສູນກາງ ພັກ ປະທານຄະນະບໍລິຫານ ງານສູນກາງສະຫະພັນແມ່ຍິງ ລາວ ພ້ອມຄະນະໄດ້ເຂົ້າຮ່ວມ ກອງປະຊຸມສຳມະນາສະຫະ ພັນແມ່ຍິງ 3 ຊາດລາວ, ຫວຽດ ນາມ ແລະ ກຳປູເຈຍ ພາຍ ໃຕ້ຫົວຂໍ້ “ເສີມສ້າງສາຍ ພົວພັນມິດຕະພາບ ສາມັກຄີ ຮ່ວມມືປະກອບສ່ວນເຂົ້າໃນ ການປະຕິບັດບັນດາຈຸດໝາຍ ແຫ່ງການພັດທະນາແບບຍືນ ຍົງເຖິງປີ 2030” ໃນກາງເດືອນ ກັນຍາ ຜ່ານມານີ້ ທີ່ນະຄອນໂຮ່ ຈິມິນ ສສ ຫວຽດນາມ. ໃຫ້ກຽດ ເຂົ້າຮ່ວມກອງປະຊຸມດັ່ງກ່າວ ມີ ທ່ານ ຟ້າມບິ່ງມິງ ກຳມະ ການກົມການເມືອງສູນກາງ ພັກກອມມູນິດຫວຽດນາມ, ຮອງນາຍົກລັດຖະມົນຕີ ສສ ຫວຽດນາມ. ທ່ານ ນາງ ຫງວຽນ ທິ ທູ ຮ່າ ກຳມະການສູນກາງພັກກອມ ມູນິດຫວຽດນາມ ປະທານສະ ຫະພັນແມ່ຍິງຫວຽດນາມ ໄດ້ ກ່າວໄຂກອງປະຊຸມຢ່າງເປັນ ທາງການວ່າ: ກອງປະຊຸມດັ່ງ ກ່າວຈັດຂຶ້ນເພື່ອເປັນເວທີແລກ ປ່ຽນບົດຮຽນສຳລັບສະຫະພັນ ແມ່ຍິງແຕ່ລະຂັ້ນ, ເປັນຕົ້ນ ແມ່ນບັນດາແຂວງທີ່ມີຊາຍ ແດນຕິດຈອດກັນ. ກອງປະຊຸມໄດ້ຮັບຟັງຄຳ ຄິດເຫັນຈາກການນຳຈາກສະ ຫະພັນແມ່ຍິງ 3 ຊາດລາວ, ຫວຽດນາມ, ກຳປູເຈຍ ຊຶ່ງໃນ ນີ້ ທ່ານ ນາງ ອິນລາວັນ ແກ້ວ ບຸນພັນ ປະທານຄະນະບໍລິ ຫານງານສູນກາງສະຫະພັນ ແມ່ຍິງລາວໄດ້ກ່າວເຖິງພາລະ ບົດບາດຂອງ ສະຫະພັນແມ່ ຍິງລາວໃນຖານະທີ່ເປັນອົງ ການຕົວແທນແຫ່ງການປົກ ປ້ອງສິດ ແລະ ຜົນປະໂຫຍດ ອັນຊອບທຳຂອງແມ່ຍິງ ແລະ ເດັກນ້ອຍລາວໃນຂອບເຂດ ທົ່ວປະເທດ, ເປັນບ່ອນເຕົ້າ ໂຮມຄວາມສາມັກຄີ ແລະ ປຸກ ລະດົມແມ່ຍິງໃຫ້ເຂົ້າຮ່ວມໃນ ພາລະກິດປົກປັກຮັກສາ ແລະ ສ້າງສາປະເທດຊາດ, ເສີມຂະ ຫຍາຍສິດເປັນເຈົ້າຂອງແມ່ຍິງ ລາວບັນດາເຜົ່າ, ປົກປັກຮັກ ສາສິດ ແລະ ຜົນປະໂຫຍດອັນ ຊອບທຳຂອງເດັກນ້ອນ, ປະ ກອບສ່ວນຢ່າງຕັ້ງໜ້າໃນການ ບັນລຸທຸກເປົ້າໝາຍເພື່ອການ ພັດທະນາ. ໃນນັ້ນສະຫະພັນ ແມ່ຍິງລາວລົງເລິກການສັງ ລວມຂໍ້ມູນຂອງຕົວຊີ້ວັດສຳ ລັບເປົ້າໝາຍທີ 5 ທີ່ຕິດພັນ ກັບການຮ່ວມມືກັບພາກພື້ນ ແລະ ສາກົນ, ສະຫະພັນແມ່ຍິງ ລາວ ໄດ້ສືບຕໍ່ເສີມຂະຫຍາຍ ມິດຕະພາບທີ່ເປັນມູນເຊື້ອ, ຄວາມສາມັກຄີກັບບັນດາປະ ເທດເພື່ອນມິດໃກ້ຄຽງ ໂດຍ ສະ ເພາະແມ່ຍິງຫວຽດນາມ ແລະ ກຳປູເຈຍ, ມີການໄປມາຫາສູ່ ແລກປ່ຽນຄະນະຜູ້ແທນ, ແລກ ປ່ຽນບົດຮຽນດ້ານຄວາມຮູ້ວິ ຊາການ ແລະ ເຊັນບົດບັນທຶກ ຮ່ວມມືກັນ, ສະໜັບສະໜູນ ຊຶ່ງກັນ ແລະ ກັນ ໃນເວທີພາກ ພື້ນ ແລະ ສາກົນຕະຫຼອດມາ ແລະ ຈະສືບຕໍ່ເສີມສ້າງມິດຕະ ພາບເພື່ອຜົນປະໂຫຍດຂອງ ປະຊາຊົນ 3 ຊາດ ລາວ, ຫວຽດນາມ, ກຳປູເຈຍ ທັງປະ ກອບສ່ວນເຂົ້າໃນພາລະກິດ ສັນຕິພາບ, ມິດຕະພາບ ແລະ ການຮ່ວມມື ເພື່ອການພັດທະ ນາພາກພື້ນ ແລະ ໃນໂລກ. ໃນກອງປະຊຸມທ່ານ ນາງ ຈອມແພງ ພູມປັນຍາ ຫົວໜ້າ ກົມຈັດຕັ້ງ - ພະນັກງານສູນ ກາງສະຫະພັນແມ່ຍິງລາວ ຍັງ ໄດ້ຂຶ້ນນຳສະເໜີບົດສະຫຼຸຸບ ການເຂົ້າຮ່ວມຂອງສະຫະພັນ ແມ່ຍິງລາວໃນວຽກງານສະກັດ ກັ້ນ ແລະ ຕ້ານການຄ້າມະນຸດ ຂອງ ສປປ ລາວ ແລະ ທ່ານ ນາງ ສຸດາລາຈັນ ທະວີທອງ ຫົວໜ້າຫ້ອງການສູນກາງສະ ຫະພັນແມ່ຍິງລາວ ກໍໄດ້ນຳ ສະເໜີບົດຮຽນໃນການຜັນຂະ ຫຍາຍການປະຕິບັດບັນດາຈຸດ ໝາຍພັດທະນາແບບຍືນຍົງ ເພື່ອປັບປຸງແກ້ໄຂໃຫ້ສອດ ຄ່ອງກັບແຜນຍຸດທະສາດ. ຄະ ນະຜູ້ແທນສະຫະພັນແມ່ຍິງ ທັງ 3 ປະເທດຍັງໄດ້ຮ່ວມກັນ ຄົ້ນຄວ້າປະກອບຄຳເຫັນຢ່າງ ຕັ້ງໜ້າ, ກົງໄປກົງມາເພື່ອເຮັດ ໃຫ້ການປະຕິບັດບັນດາຈຸດ ໝາຍແຫ່ງການພັດທະນາ ໄດ້ຮັບຜົນສຳເລັດຕາມຄາດ ໝາຍ. (ຂ່າວ: ເພັດທອງຄຳ)