ທຫລ ມອບ-ຮັບ ໃບຢັ້ງຢືນໜ່ວຍພັກ ເຂັ້ມແຂງ - ຮູ້ນຳພາຮອບດ້ານ


...

     ອົງຄະນະພັກທະນາຄານ ແຫ່ງ ສປປ ລາວ (ທຫລ) ໄດ້ ຈັດຕັ້ງການມອບ-ຮັບ ໃບຢັ້ງ ຢືນໜ່ວຍພັກແຂງ-ຮູ້ນຳພາ ຮອບດ້ານ ປະຈຳປີ 2016 ໃຫ້ 28 ໜ່ວຍພັກ ຂຶ້ນໃນວັນທີ 21 ກັນຍານີ້ ທີ່ສຳນັກງານ ທຫລ, ນະຄອນຫຼວງວຽງຈັນ ໂດຍ ການໃຫ້ກຽດເຂົ້າຮ່ວມຂອງ ສະຫາຍ ຄຳວົງ ທິບພະວົງ ຮອງເລຂາຄະນະພັກ, ຮອງຜູ້ ວ່າການ ທຫລ, ມີຜູ້ຕາງໜ້າ ຄະນະຈັດຕັ້ງສູນກາງພັກ, ບັນ ດາຄະນະປະຈຳພັກ, ຄະນະ ພັກ, ຄະນະພັກຮາກຖານ ແລະ ບັນດາຄະນະໜ່ວຍພັກເຂົ້າຮ່ວມ. ການມອບ - ຮັບ ໃບຢັ້ງຢືນ ໜ່ວຍພັກເຂັ້ມແຂງ - ຮູ້ນຳພາ ຮອບດ້ານຄັ້ງນີ້ໄດ້ຈັດຂຶ້ນໃນ ທ່າມກາງທີ່ທົ່ວພັກ, ທີ່ກຳລັງ ປະກອບອາວຸດ ແລະ ທົ່ວປວງ ຊົນລາວທັງຊາດ. ໄດ້ສຳເລັດ ບັ້ນດຳເນີນຊີວິດການເມືອງ ປັບປຸງປົວແປງພັກ ປີ 2017 ແລະ ເຊື່ອມຊຶມເອກະສານສຳ ຄັນຕ່າງໆຂອງຊາດ, ຂອງພັກ ແລະ ກໍຢູ່ໃນໄລຍະທີ່ພະນັກ ງານໃນຂະແໜງການທະນາ ຄານ ພວມຕັ້ງໜ້າເຮັດໜ້າທີ່ ການເມືອງ ແລະ ວິຊາສະເພາະ ຂອງຕົນ ເພື່ອປະກອບສ່ວນເຂົ້າ ໃນຂະບວນການຮັກຊາດ ແລະ ພັດທະນາ ຕິດພັນກັບການ ສ້າງຜົນງານຂ່ຳນັບຮັບຕ້ອນວັນ ສ້າງຕັ້ງ ທຫລ ຄົບຮອບ 49 ປີ (7/10/1968-7/10/2017). ໃນພິທີດັ່ງກ່າວ ສະຫາຍ ແສງເພັດ ດວງພິລາ ຮອງເລຂາ ໜ່ວຍພັກ-ຮອງຫົວໜ້າກົມ ກວດກາພາຍໃນ ທຫລ ໄດ້ ຜ່ານບົດສະຫຼຸຸບຫຍໍ້ຜົນການ ຕິດຕາມກວດກາກໍ່ສ້າງໜ່ວຍ ພັກເຂັ້ມແຂງ-ຮູ້ນຳພາຮອບ ດ້ານ ປະຈຳປີ 2016 ຊຶ່ງໃນ ປັດຈຸບັນທົ່ວອົງຄະນະພັກ ທຫລ ມີໜ່ວຍພັກທີ່ຂຶ້ນກັບ ທັງໝົດ 46 ໜ່ວຍພັກ, ໃນນີ້ມີ 18 ໜ່ວຍພັກເອກະລາດ ແລະ 28 ໜ່ວຍພັກທີ່ຂຶ້ນກັບ 5 ຄະນະພັກຮາກຖານ, ມີສະມາ ຊິກພັກທັງໝົດ 797 ສະຫາຍ ທຽບໃສ່ປີ 2015 ເພີ່ມຂຶ້ນ 90 ສະຫາຍ, ຜ່ານການຄົ້ນຄວ້າ ຂອງຄະນະຮັບຜິດຊອບຕິດ ຕາມກວດກາການກໍ່ສ້າງໜ່ວຍ ພັກເຂັ້ມແຂງ - ຮູ້ນຳພາຮອບ ດ້ານຕໍ່ກອງປະຊຸມຄະນະປະ ຈຳພັກ ທຫລ ຊຶ່ງໄດ້ເຫັນດີຮັບ ຮອງເອົາ 28 ໜ່ວຍພັກ ເປັນ ໜ່ວຍພັກເຂັ້ມແຂງ - ຮູ້ນຳ ພາຮອບດ້ານ (ໃນນັ້ນມີ 14 ໜ່ວຍພັກເອກະລາດ ແລະ 14 ໜ່ວຍພັກທີ່ຂຶ້ນກັບຄະນະ ພັກຮາກຖານ). ໃນໂອກາດທີ່ສຳຄັນນີ້ ສະຫາຍຮອງເລຂາຄະນະພັກ ທຫລ ໄດ້ໃຫ້ກຽດມອບໃບຢັ້ງ ຢືນໜ່ວຍພັກເຂັ້ມແຂງ-ຮູ້ນຳ ພາຮອບດ້ານ ໃຫ້ແກ່ຜູ້ຕາງ ໜ້າ 28 ໜ່ວຍພັກ ທີ່ຂຶ້ນກັບ ອົງຄະນະພັກ ທຫລ, ພ້ອມທັງ ໄດ້ໂອ້ລົມ ແລະ ຊີ້ນຳໃຫ້ຄະ ນະພັກທຸກຂັ້ນ-ສະມາຊິກພັກ ທຸກສະຫາຍ ຈົ່ງພ້ອມກັນເສີມ ຂະຫຍາຍມູນເຊື້ອ ແລະ ຜົນ ງານອັນດີເດັ່ນທີ່ຍາດມາໄດ້ ໃນໄລຍະຜ່ານມາ ແລະ ພ້ອມ ກັນນັ້ນ ກໍຕ້ອງເດັດດ່ຽວແກ້ ໄຂຈຸດອ່ອນ ແລະ ຂໍ້ຄົງຄ້າງທີ່ ຕິດພັນກັບໜ້າທີ່ການເມືອງ ຂອງໜ່ວຍພັກໃຫ້ຫຼຸຸດໜ້ອຍ ຖອຍລົງເປັນກ້າວໆ. (ຂ່າວ+ພາບ: ຣັດສະໝີ ດວງສັດຈະ)