ນາຍົກລັດຖະມົນຕີ ຕ້ອນຮັບຜູ້ອຳນວຍການໃຫຍ່ ວິທະຍຸຫວຽດນາມ


...

    

ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມ ຂ່ຳນັບຂອງທ່ານ ຫງວຽນ ເຖ ກີ ຜູ້ອຳນວຍການໃຫຍ່ວິທະຍຸ ຫວຽດນາມ ພ້ອມດ້ວຍຄະນະ ໃນວັນທີ 21 ພະຈິກນີ້ ທີ່ສຳ ນັກງານນາຍົກລັດຖະມົນຕີ ເນື່ອງໃນໂອກາດທີ່ຄະນະຜູ້ ແທນດັ່ງກ່າວ ເດີນທາງມາ ເຄື່ອນໄຫວຢ້ຽມຢາມ ແລະ ເຮັດວຽກຢູ່ ສປປ ລາວ. ທ່ານ ທອງລຸນ ສີສຸລິດ ໄດ້ສະແດງຄວາມຍິນດີຕ້ອນ ຮັບ ແລະ ຕີລາຄາສູງຕໍ່ທ່ານ ຫງວຽນ ເຖ ກີ ທີ່ໄດ້ນຳພາຄະ ນະເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້ ຊຶ່ງເປັນການປະກອບ ສ່ວນອັນສຳຄັນເຂົ້າໃນການ ເພີ່ມທະວີສາຍພົວພັນມິດຕະ ພາບ ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງພັກ, ສອງລັດ ແລະ ປະຊາຊົນສອງຊາດລາວ- ຫວຽດນາມ ທີ່ມີມາແຕ່ດົນ ນານແລ້ວນັ້ນ ໃຫ້ນັບມື້ນັບຂະ ຫຍາຍຕົວຂຶ້ນໄປເລື້ອຍໆ ໂດຍ ສະເພາະແມ່ນສືບຕໍ່ເສີມຂະ ຫຍາຍດ້ານການພົວພັນຮ່ວມ ມື ຊ່ວຍເຫຼືອຊຶ່ງກັນ ແລະ ກັນໃນຂົງເຂດວຽກງານວິທະຍຸກະ ຈາຍສຽງໃຫ້ນັບມື້ນັບມີບາດ ກ້າວຂະຫຍາຍຕົວຂຶ້ນເລື້ອຍໆ. ທ່ານ ຫງວຽນ ເຖ ກີ ກໍໄດ້ສະແດງຄວາມຂອບອົກ ຂອບໃຈມາຍັງທ່ານ ທອງ ລຸນ ສີສຸລິດ ທີ່ໄດ້ສະຫຼະເວລາ ອັນມີຄ່າໃຫ້ການຕ້ອນຮັບຢ່າງ ອົບອຸ່ນ, ພ້ອມທັງ ໄດ້ແຈ້ງ ຈຸດປະສົງຂອງການເດີນທາງ ມາຢ້ຽມຢາມ ແລະ ເຮັດວຽກ ຢູ່ ສປປ ລາວ ໃນຄັ້ງນີ້ ໃຫ້ທ່ານ ນາຍົກລັດຖະມົນຕີ ໄດ້ຮັບ ຊາບຕື່ມອີກ.