ຫາລືວຽກງານສ້າງພະນັກງານນຳພາ- ຄຸ້ມຄອງເພດຍິງ


...

    

ສູນກາງສະຫະພັນແມ່ຍິງລາວ ໄດ້ຈັດກອງປະຊຸມປຶກ ສາຫາລື ກ່ຽວກັບວຽກງານສ້າງພະນັກງານນຳພາ - ຄຸ້ມຄອງ ເພດຍິງ ຄັ້ງທີ II ຂຶ້ນເມື່ອວັນທີ 21 ພະຈິກນີ້ ທີ່ສະຫະພັນດັ່ງ ກ່າວ ໂດຍໃຫ້ກຽດເຂົ້າຮ່ວມຂອງທ່ານ ຈັນສີ ໂພສີຄຳ ກຳມະ ການກົມການເມືອງສູນກາງພັກ ຫົວໜ້າຄະນະຈັດຕັ້ງສູນກາງພັກ, ທ່ານ ນາງ ອິນລາວັນ ແກ້ວບຸນພັນ ກຳມະການສູນກາງພັກ ປະທານສູນກາງສະຫະພັນແມ່ຍິງລາວ, ມີແຂກຖືກເຊີນ, ສະຫະ ພັນແມ່ຍິງກະຊວງ, ອົງການທຽບເທົ່າ, ແຂວງ ແລະ ນະຄອນ ຫຼວງວຽງຈັນ ເຂົ້າຮ່ວມ. ກອງປະຊຸມຄັ້ງນີ້ ບັນດາຜູ້ເຂົ້າຮ່ວມ ໄດ້ຮັບຟັງບົດສະຫຼຸຸບຕີລາຄາ ການສ້າງພະນັກງານນຳພາ -ຄຸ້ມຄອງເພດຍິງ ໃນໄລຍະ 2013-2017 ແລະ ທິດທາງ ວຽກງານຈຸດສຸມແຕ່ປີ 2018-2020, ນຳສະເໜີກ່ຽວກັບ ການກຳນົດພະນັກງານນຳພາ -ຄຸ້ມຄອງ ແລະ ການບັນຈຸ ສັບຊ້ອນພະນັກງານເພດຍິງ ທີ່ໄດ້ກຳນົດໃນແຜນພັດທະນາ ເສດຖະກິດ-ສັງຄົມແຫ່ງຊາດ 5 ປີ ຄັ້ງທີ VIII. ພ້ອມກັນນີ້ ບັນດາຜູ້ເຂົ້າ ຮ່ວມຍັງໄດ້ພ້ອມກັນຄົ້ນຄວ້າ, ປຶກສາຫາລືໃນການຈັດຕັ້ງປະ ຕິບັດໃຫ້ບັນລຸຄາດໝາຍທີ່ ພັກ-ລັດວາງອອກ ໂດຍສະ ເພາະໄດ້ລົງເລິກຄົ້ນຄວ້າເຖິງ ໜ້າທີ່ຄວາມຮັບຜິດຊອບຂອງ ແຕ່ລະພາກສ່ວນ, ຂອດປະ ສານງານກ່ຽວກັບວຽກງານສ້າງ ພະນັກງານນຳພາ-ຄຸ້ມຄອງ ເພດຍິງ ເພື່ອກະກຽມໃຫ້ແກ່ ການຄົ້ນຄວ້າໂຄງປະກອບ ການຈັດຕັ້ງບຸກຄະລາກອນໃຫ້ ແກ່ກອງປະຊຸມໃຫຍ່ 3 ຂັ້ນ ຂອງພັກ ແລະ ກອງປະຊຸມ ໃຫຍ່ 3 ຂັ້ນຂອງແມ່ຍິງ. (ຂ່າວ: ພົມພັກດີ)