ນາຍົກ ຢ້ຽມຢາມພື້ນຖານການຜະລິດຢູ່ເມືອງປາກງື່ມ


...

    

ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມຄະນະໄດ້ລົງຢ້ຽມຢາມພື້ນຖານການຜະລິດ ຢູ່ເມືອງປາກງື່ມ ນະຄອນຫຼວງວຽງຈັນ ໃນວັນທີ 22 ພະຈິກ ໂດຍຈຸດທຳອິດ ທ່ານນາຍົກລັດຖະມົນຕີ ໄດ້ໄປຢ້ຽມຢາມກຸ່ມປູກພືດຜັກປອດສານພິດ ຫຼື ກະສິກຳອິນຊີຂອງບ້ານທ່າຊ້າງ ເມືອງປາກງື່ມ. ທ່ານ ທັດສະນີ ພິລາວົງ ນາຍບ້ານໆທ່າຊ້າງລາຍງານວ່າ: ບ້ານທ່າຊ້າງ ສ້າງຕັ້ງຂຶ້ນມາແຕ່ປີ 1973 ຊຶ່ງສະມາຊິກພາຍໃນບ້ານຍົກຍ້າຍມາແຕ່ແຂວງບໍລິຄຳໄຊ, ປັດຈຸບັນ ມີເນື້ອທີ່ການຜະລິດ 275 ເຮັກຕາ ໃນນັ້ນ ເນື້ອທີ່ນາປີ 150 ເຮັກຕາ, ນາແຊງ 80 ເຮັກຕາ, ທີ່ເຫຼືອແມ່ນເນື້ອທີ່ປູກພືດຜັກ ຕ່າງໆ ລວມທັງໄມ້ໃຫ້ໝາກ, ມີຊົນລະປະທານ 1 ແຫ່ງ ເປັນຈັກສູບນ້ຳສູບຈາກນ້ຳງື່ມຂຶ້ນມາ ເພື່ອຫົດເນື້ອທີ່ການຜະລິດ ທັງລະດູແລ້ງ ແລະ ລະດູຝົນ. ສຳລັບກຸ່ມປູກຜັກອິນຊີ ບ້ານທ່າຊ້າງໄດ້ເລີ່ມມາແຕ່ປີ 2010 ໂດຍເບື້ອງຕົ້ນມີພຽງ 8 ຄອບຄົວ ເທົ່ານັ້ນ, ມີເນື້ອທີ່ 1 ເຮັກຕາ ໂດຍເບື້ອງຕົ້ນລົງ ທຶນ ພຽງແຕ່ 10 ລ້ານກີບ ຊຶ່ງ ສ່ວນໃຫຍ່ລົງທຶນດ້ວຍຕົນເອງ ຫຼັງຈາກນັ້ນຈຶ່ງມີໂຄງການສົ່ງ ເສີມການຜະລິດກະສິກຳອິນຊີຂອງກົມປູກຝັງກະຊວງ ກະສິກຳ ແລະ ປ່າໄມ້ມາຊ່ວຍ ເຫຼືອທາງດ້ານເຕັກນິກການປູກ, ການບົວລະບັດຮັກສາ ກ່ຽວກັບການຜະລິດກະສິກຳອິນຊີ, ເຮັດໃຫ້ປະຊາຊົນໄດ້ ມີຄວາມເຂົ້າໃຈກ່ຽວກັບການຜະລິດກະສິກຳອິນຊີໂດຍສະ ເພາະແມ່ນການປູກພືດຜັກ ຫຼັງຈາກນັ້ນປະຊາຊົນໄດ້ຫັນ ມາປູກຜັກປອດສານພິດເພີ່ມຂຶ້ນໃນແຕ່ລະປີ, ຈົນຮອດປັດ ຈຸບັນມີ 82 ຄອບຄົວ, ມີເນື້ອທີ່ປູກຜັກເຮືອນຮົ່ມທັງ ໝົດ 275 ຫຼັງ. ທ່ານນາຍບ້ານໆທ່າຊ້າງ ກ່າວອີກວ່າ: ນັບຕັ້ງແຕ່ການ ຫັນມາປູກຜັກປອດສານພິດ ໄດ້ເຮັດໃຫ້ຊີວິດການເປັນຢູ່ ຂອງປະຊາຊົນດີຂຶ້ນຫຼາຍເທົ່າ ເມື່ອທຽບໃສ່ແຕ່ກ່ອນ ເນື່ອງ ຈາກວ່າ: ການປູກພືດຜັກປອດ ສານພິດ, ເຮັດໃຫ້ມີລາຍຮັບທີ່ ໝັ້ນຄົງ, ປັດຈຸບັນຄອບຄົວຂອງ ສະມາຊິກພາຍໃນກຸ່ມມີລາຍ ຮັບຕ່ຳສຸດ 1 ລ້ານກີບຕໍ່ອາທິດ, ມີຫຼາຍຄອບຄົວມີລາຍຮັບ 2 ລ້ານກີບຕໍ່ອາທິດ. ຈາກ ການຂາຍພືດຜັກປອດສານພິດ. ສຳລັບຂອດການຕະຫຼາດ ແມ່ນກຸ່ມຜູ້ປູກພັກເກັບໄປຂາຍ ເອງ ອາທິດລະ 2 ຄັ້ງ ໂດຍມີຕະຫຼາດຫຼັກຄື: ຈຸດສວນໜອງ ສະພັງເລນ (ທາດຫຼວງ) ຊຶ່ງໄປ ຂາຍແຕ່ລະຄັ້ງໄດ້ຂາຍເກືອບ ໝົດເຖິງວ່າບໍ່ທັນມີຕະຫຼາດ ວາງຂາຍຖາວອນ ແຕ່ສິນຄ້າ ຂອງກຸ່ມກໍໄດ້ຂາຍເກືອບທັງ ໝົດ. ນອກຈາກນີ້ຍັງມີໜໍ່ແໜງ ກຸ່ມປູກເຫັດທີ່ຫາກໍລິເລີ່ມ ຊຶ່ງ ມີປະມານເກືອບ 20 ຄອບ ຄົວ, ສ່ວນອະນາຄົດ ທ່ານນາຍ ບ້ານກ່າວວ່າ: ຈະພະຍາຍາມ ປຸກລະດົມໃຫ້ປະຊາຊົນພາຍ ໃນບ້ານຈຳນວນ 142 ຄອບ ຄົວ ຫັນມາປູກພືດຜັກປອດ ສານພິດທັງໝົດ. ທ່ານນາຍົກລັດຖະມົນຕີ ໄດ້ສະແດງຄວາມຊົມເຊີຍຕໍ່ ການບຸກບືນຂອງຊາວກະສິ ກອນບ້ານທ່າຊ້າງ ທີ່ມີຄວາມ ດຸໝັ່ນຂະຫຍັນພຽນປູກພືດຜັກ ປອດສານພິດ ເພື່ອສ້າງລາຍ ຮັບໃຫ້ຄອບຄົວ ຖືວ່າເປັນການ ແກ້ໄຂຄວາມທຸກຍາກໄດ້ເປັນ ຢ່າງດີ ພ້ອມທັງເນັ້ນໃຫ້ຊາວ ກະສິກອນ ຈົ່ງຮັກສາມາດຖານ, ຮັກສາຄວາມນິຍົມຂອງຕະ ຫຼາດຕະຫຼອດໄປ ແລະ ນັບມື້ ນັບໄດ້ຮັບຄວາມນິຍົມ ຈາກສັງ ຄົມສູງຂຶ້ນເລື້ອຍໆ. ຫຼັງຈາກນັ້ນ ທ່ານນາຍົກ ລັດຖະມົນຕີ ພ້ອມຄະນະໄດ້ ລົງຢ້ຽມຢາມໂຄງການກໍ່ສ້າງ ຂົວຂ້າມນ້ຳງື່ມ ນາບົງ - ທ່າ ກົກໄຮ ທີ່ທ່ານ ສັກໄຊ ວົງ ມາລາສິດ ຫຼື ປີເຕີ ຈັນ ປະ ທານກຸ່ມບໍລິສັດລາວເວີນ ມະ ຫາຊົນ ໃຫ້ການຊ່ວຍເຫຼືອໃນ ມູນຄ່າ 105 ຕື້ກີບ ຊຶ່ງໂຄງ ການດັ່ງກ່າວໄດ້ເລີ່ມລົງມືກໍ່ ສ້າງມາແຕ່ທ້າຍເດືອນພຶດສະ ພາ 2016 ແລະ ຄາດວ່າຈະ ໃຫ້ສຳເລັດໃນເດືອນສິງຫາ 2018. ຂົວດັ່ງກ່າວມີຄວາມຍາວ ປະມານ 236 ແມັດ, ກວ້າງ 11 ແມັດ ລວມທັງທາງຄົນຍ່າງ ເບື້ອງລະ 1,5 ແມັດ, ປັດຈຸບັນ ມີຄວາມຄືບໜ້າແລ້ວປະມານ 58% ຄາດວ່າຈະໃຫ້ສຳເລັດ ກ່ອນແຜນການທີ່ກຳນົດໄວ້. ຫຼັງຈາກນັ້ນ ທ່ານນາຍົກ ລັດຖະມົນຕີ ພ້ອມຄະນະໄດ້ ເດີນທາງໄປຢ້ຽມຢາມຟາມຕົວ ແບບລ້ຽງງົວເປັນສິນຄ້າຂອງ ພະແນກກະສິກຳ ແລະ ປ່າໄມ້ ນະຄອນຫຼວງວຽງຈັນ, ຢ້ຽມຢາມ ຟາມລ້ຽງງົວ ພອນໄຊ, ຢ້ຽມ ຢາມສູນຄົ້ນຄວ້າກະສິກຳ ນາພອກ ຂອງກະຊວງກະສິກຳ ແລະ ປ່າໄມ້. (ຂ່າວ: ຄຳເຮືອງ)